17 ماۋسىم، 2020

اياگوزدەگى قاتتى داۋىلدان 7 ادام جاراقات الدى

420 رەت كورسەتىلدى

72 تۇرعىن ءۇي جانە 19 كوپقاباتتى ءۇي، سونداي-اق 8 اكىمشىلىك عيمارات زارداپ شەكتى.

كەشە اياگوز اۋدانىندا جىلدامدىعى سەكۋندىنا 28 مەترگە جەتكەن ەكپىندى جەل سوعىپ، اۋدان ورتالىعى – اياگوز قالاسىنداعى كوپتەگەن عيماراتتار زارداپ شەككەن بولاتىن.

ف

جاڭا وبلىس اكىمى دانيال احمەتوۆ ءوزىنىڭ فەيسبۋكتەگى پاراقشاسىندا بۇگىن اياگوز اۋدانىندا توتەنشە جاعداي جاريالانعانىن حابارلادى.

ك

«ورىنباسارىم ب.باياحمەتوۆ باستاعان ارنايى كوميسسيا جولعا شىقتى. وقيعا ورنىندا بارلىق كوممۋنالدىق جانە اپاتتىق قىزمەتتەر جۇمىس جۇرگىزۋدە. قالپىنا كەلتىرۋ جۇمىستارىن ءبىر اپتا ىشىندە اياقتاۋدى تاپسىرامىن. قاجەتتى قاراجات بولىنەدى. الدىن الا دەرەكتەر بويىنشا توتەنشە جاعداي سالدارىنان 72 تۇرعىن ءۇي جانە 19 كوپقاباتتى ءۇي، سونداي-اق 8 اكىمشىلىك عيمارات زارداپ شەكتى. اعاشتار مەن بۇتاقتاردىڭ قۇلاۋى سالدارىنان ەلەكتر جەلىلەرى ءۇزىلدى. ناتيجەسىندە 3679 ابونەنت ەلەكتر جارىعىنسىز قالدى. قازىرگى ۋاقىتتا كەزەڭ-كەزەڭىمەن جارىقتى قوسىپ جاتىر. شق وەك-نىڭ 5 اپاتتىق بريگاداسى جاقىن ارادا قالعان 700 ابونەنتتە جۇمىستى اياقتاۋى ءتيىس. سونداي-اق، قالالىق اۋرۋحاناعا ءتۇرلى دارەجەدەگى جاراقاتتارمەن 7 ادام شاعىمدانعان. قازىر جاعدايلارى تۇراقتى، ستاتسيوناردا ءبىر ناۋقاس جاتىر» دەپ جازدى ايماق باسشىسى.

وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ تاراتقان اقپاراتىنا سۇيەنسەك، داۋىلدان زارداپ شەككەن اكىمشىلىك عيماراتتاردىڭ 4-ءۋى مەكتەپ، بىرەۋى بالاباقشا جانە اۋداندىق ورتالىق اۋرۋحانا. 

شىعىس قازاقستان وبلىسى،

اياگوز اۋدانى

 

سوڭعى جاڭالىقتار

جارىس پەن تابىس

ەكونوميكا • بۇگىن، 00:00

اقىلدىڭ ازابى

تاريح • كەشە

مەيرامحانالار جانە پاندەميا

كوروناۆيرۋس • كەشە

جۇرت جاعاجاي ىزدەپ ءجۇر

ايماقتار • كەشە

ۇقساس جاڭالىقتار