الەم • 10 ماۋسىم، 2020

جاپونيادا قازاقستاندى زەرتتەۋ جونىندەگى ساراپشىلار قاۋىمداستىعى قۇرىلدى

26 رەت كورسەتىلدى

قازاقستاندى زەرتتەۋ جونىندەگى ساراپشىلار قاۋىمداستىعىنىڭ تۇساۋكەسەرى بارىسىندا "بۇگىنگى قازاقستان: ساباقتاستىق جانە دامۋ بولاشاعى" تاقىرىبىندا دوڭگەلەك ۇستەل ءوتتى. بۇل تۋرالى مينيسترلىكتىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

قازاقستاندى زەرتتەۋ جونىندەگى ساراپشىلار قاۋىمداستىعىنىڭ تۇساۋكەسەرى بارىسىندا "بۇگىنگى قازاقستان: ساباقتاستىق جانە دامۋ بولاشاعى" تاقىرىبىندا دوڭگەلەك ۇستەل ءوتتى.  قاۋىمداستىق قۇرامىنا قر مەن جاپونيا اراسىنداعى ەكىجاقتى قاتىناستاردى نىعايتۋ ءۇشىن زەرتتەۋلەر جۇرگىزۋگە جانە ساراپتامالىق-كونسۋلتاتيۆتىك قولداۋ كورسەتۋگە نيەت بىلدىرگەن جاپوندىق عىلىمي، اكادەميالىق جانە ىسكەر قوعامداستىقتارى، باق جانە ۇەۇ وكىلدەرى كىردى. ولاردىڭ اراسىندا جاپونيانىڭ قازاقستاندا ءار جىلدارى قىزمەت اتقارعان ەلشىلەرى، "ۆاسەدا"، "ريتسۋمەيكان"، "تەيكيو" جانە "مۋساشينو" ۋنيۆەرسيتەتتەرىنىڭ پروفەسسورلارى بار.

قاۋىمداستىقتىڭ العاشقى وتىرىسى بارىسىندا جاپوندىق ساراپشىلار قازاقستان رەسپۋبليكاسىنداعى قازىرگى احۋالدى، ونىڭ ىشىندە كوروناۆيرۋسقا قارسى كۇرەس پەن ەكونوميكالىق دامۋدى قالپىنا كەلتىرۋ ماسەلەلەرىن تالقىلادى

قر-دىڭ جاپونياداعى ەلشىسى ەرلان باۋداربەك-قوجاتاەۆ ءىس-شاراعا قاتىسۋشىلاردى قر پرەزيدەنتى ق.توقاەۆتىڭ حالىققا جولداۋىنىڭ نەگىزىندە قازاقستاندا وتكىزىلىپ جاتقان ساياسي جانە الەۋمەتتىك-ەكونوميكالىق رەفورمالارمەن تانىستىردى.

ورتالىق ازيا ءۇشىن بىرەگەي بولىپ سانالاتىن بيلىكتىڭ ساباقتاستىعى ساراپشىلار تالقىلاۋىنىڭ باستى نازارىندا بولدى. ەگەمەندى مەملەكەتتىڭ قالىپتاسۋىنا زور ۇلەس قوسقان قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆ مەملەكەتتىلىكتىڭ باستى شارتتارىنىڭ ءبىرى – بيلىكتى كونستيتۋتسيالىق جولمەن تابىستاۋدىڭ نەگىزىن قالادى.

قاۋىمداستىقتىڭ توراعاسى، "ريتسۋمەيكان" ۋنيۆەرسيتەتىنىڭ قۇرمەتتى پروفەسسورى كەي كاراساۆا بايانداما جاساپ، "حالىق ۇنىنە قۇلاق اساتىن مەملەكەت" تۇجىرىمداماسىنىڭ ىسكە اسىرىلۋىن جانە ازاماتتىق قوعاممەن جاڭا ديالوگ الاڭى رەتىندە قۇرىلعان، الەۋمەتتىك جانە ەكونوميالىق تۇراقتىلىقتى قامتاماسىز ەتەتىن – ۇلتتىق قوعامدىق كەڭەستىڭ جۇمىسىن جوعارى باعالادى.

جاپونيانىڭ قر-داعى بۇرىنعى ەلشىسى (2003-2005 جج.) توسيو تسۋنودزاكي ۇلتتىق ەكونوميكانى قولداۋ، حالىق تابىسىن ساقتاۋ جانە ەپيدەميادان كەيىنگى قالپىنا كەلتىرۋ شارالارى بويىنشا قازاقستاننىڭ وڭ الەۋەتىن اتاپ ءوتتى.

سوڭعى جاڭالىقتار

ەلگە كەرەك ەكى كىتاپ

رۋحانيات • بۇگىن، 08:52

«عارىشقا اپارار جول»

رۋحانيات • بۇگىن، 08:50

العاشقى عارىش ايلاعى

وقيعا • بۇگىن، 08:48

تاريحي جەرلەردىڭ تاعىلىمى بولەك

رۋحانيات • بۇگىن، 08:30

شيرەك فينالدا ءسۇرىندى

تەننيس • بۇگىن، 08:11

ەل-كلاسيكودا جەڭىسكە جەتتى

فۋتبول • بۇگىن، 08:06

رۋحى بيىك ەل ەشقاشان جەڭىلمەيدى

رۋحانيات • بۇگىن، 08:05

يزرايلدەن باسىم ءتۇستى

سپورت • بۇگىن، 08:04

عىلىمنىڭ جاڭا بەلەسى

عىلىم • بۇگىن، 08:01

ۇلتتىق ۇردىستەر ۇزىلمەيدى

قازاقستان • كەشە

ۇقساس جاڭالىقتار