قازاقستان • 10 ماۋسىم، 2020

ەلىمىزدە اۋاسى ەڭ كوپ لاستانعان قالالار بەلگىلى بولدى

58 رەت كورسەتىلدى

بۇل تۋرالى ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ حالىق الدىندا ەسەپ بەرۋ كەزدەسۋىندە ايتتى، - دەپ حابارلايدى Egemen.kz.

"بۇل مەنىڭ حالىق الدىنداعى العاشقى ەسەبىم. وسىدان ءبىر جىل بۇرىن ەل پرەزيدەنتىنىڭ جارلىعىمەن ەكولوگيا، گەولوگيا جانە تابيعي رەسۋرستار مينيسترلىگى قۇرىلدى. وسى ۋاقىت ارالىعىندا ءبىز جەمىستى ءارى بەرەكەلى جۇمىستاردى اتقاردىق دەپ ايتۋعا تولىق نەگىز بار. سوندىقتان ءبىزدىڭ مينيسترلىك ەندى قۇرىلسا دا بىرقاتار باعىت بويىنشا جۇمىستاردى اتقاردى"، - دەدى ول.

سونداي-اق مينيستر 2019 جىلى ەكولوگيالىق مونيتورينگتىڭ ناتيجەسىندە اقتوبە، اتىراۋ، نۇر-سۇلتان، الماتى، شىمكەنت، وسكەمەن قالالارى اتموسفەرالىق اۋانىڭ لاستانۋىنىڭ جوعارى دەڭگەيىمەن سيپاتتالعانىن ايتتى.

"زياندى زاتتار شىعارىندىلارىنىڭ جالپى دەڭگەيى 2018 جىلدىڭ دەڭگەيىندە تۇراقتاندى، بۇل شامامەن 2،5 ملن توننا. توگىندىلەر كولەمى 2018 جىلى 1،1 ملن توننادان 2019 جىلى 0،98 ملن تونناعا دەيىن نەمەسە 10 پايىزعا تومەندەدى. وسى كورسەتكىشكەرگە تابيعات قورعاۋ شارالارىن ىسكە اسىرۋ جانە كاسىپورىنداردىڭ ەكولوگيالىق تازا تەحنولوگيالاردى ەنگىزۋ ارقىلى قول جەتكىزدىك. 2019 جىلى ەكولوگيالىق جاعدايدى جاقسارتۋعا تابيعات پايدالانۋشىلارمەن 172 ملرد تەڭگە ينۆەستيتسيالاندى، بۇل 2018 جىلعى دەڭگەيدەن 7 پايىزعا ارتىق. مىسالى، پاۆلودار وبلىسىنىڭ "قازاقستان اليۋمينيى" كاسىپورنىندا نەمىس تەحنولوگياسىنىڭ ەلەكتروفيلترى ىسكە قوسىلىپ، ءبىر مەترگە 50 ميلليگراممعا دەيىن قالدىق شاڭدى تازارتۋدىڭ جوعارى دەڭگەيىن كورسەتىپ، جاقسى ناتيجەلەر بەرۋدە. سونداي-اق، وسى ايدىڭ سوڭىندا ەكىنشى ءفيلتردى ورناتۋ جوسپارلانۋدا. جەنتەكتەۋ تسەحىندا شىعارىندىلاردى جالپى قىسقارتۋ جىلىنا 2،4 مىڭ توننانى قۇرايدى"، - دەدى مينيستر.

مينيستر قاراعاندى وبلىسىندا كۇكىرت قىشقىلى تسەحى سالىناتىنىن ايتتى. 

"قاراعاندى وبلىسىندا "قازاقمىس سمەلتينگ" كاسىپورنىنا قارايتىن جەزقازعان مىس بالقىتۋ زاۋىتى وزىق تەحنولوگيانى قولدانا وتىرىپ، جاڭا كۇكىرت قىشقىلى تسەحىن سالۋدى جانە پايدالانۋعا بەرۋدى جوسپارلاۋدا. بۇل كۇكىرت ديوكسيدىنىڭ شىعارىندىلارىن 3 ەسە، ياعني 60 مىڭنان 20 مىڭ تونناعا دەيىن تومەندەتۋگە مۇمكىندىك بەرەدى"، - دەدى ماعزۇم مىرزاعاليەۆ.

سوڭعى جاڭالىقتار

قاراعاندىدا كارانتين كۇشەيتىلدى

ايماقتار • بۇگىن، 08:09

URKER ۇسىنعان ۇزدىكتەر

ونەر • بۇگىن، 07:57

كوروناۆيرۋس باسەڭدەر ەمەس

الەم • بۇگىن، 07:56

كەشىرىم ايى كەلدى

رۋحانيات • بۇگىن، 07:50

بيزنەستە ايەلدەردىڭ ۇلەسى قانداي؟

ەكونوميكا • بۇگىن، 07:38

ءۇشىنشى بەسجىلدىق: مەجە مەن مىندەت

ەكونوميكا • بۇگىن، 07:35

بايراعى بيىك باعزى ونەر

رۋحانيات • بۇگىن، 07:33

ەكى الپاۋىتتىڭ ايقاسى

بوكس • بۇگىن، 07:25

پاۆلوداردا جاعداي كۇردەلەنە ءتۇستى

كوروناۆيرۋس • بۇگىن، 07:21

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار