ايماقتار • 10 ماۋسىم، 2020

م.ايتەنوۆتىڭ پىكىرىن ءباسپاسوز حاتشىسى "تاپسىرلەپ" بەردى

158 رەت كورسەتىلدى

جاقىندا شاھارداعى كاسىپكەرلەرمەن، تويحانا يەلەرىمەن كەزدەسكەن قالا اكىمى مۇرات ايتەنوۆ: "تويحانالاردى رەستوران سەكىلدى اشىپ جۇمىس ىستەڭىزدەر. ءبىز تۇسىنەمىز. تويحانالاردىڭ جۇمىسىنىڭ توقتاپ تۇرۋى ءبىرتالاي شىعىن. بىراق ەڭ باستىسى - ادام دەنساۋلىعى"، - دەگەن ەدى.ء ۇشىنشى قالا اكىمىنىڭ بۇل ءسوزى قازنەتتە، الەۋمەتتىك جەلىلەردە كەڭىنەن تارالىپ، قىزۋ پىكىر-تالاس تۋدىردى. بىرەۋ قۇپتاسا، ەكىنشىسى قارسى دالەل ايتىپ الەك، - دەپ حابارلايدى Egemen.kz 

وسى تالقىعا تۇسكەن پىكىر تۋرالى شىمكەنت قالاسى اكىمىنىڭ ءباسپاسوز حاتشىسى اراي ەسەنبەك ءوزىنىڭ فەيسبۋك پاراقشاسىندا قىسقاشا ءتۇسىندىرىپ ءوتتى.

"شىمكەنت قالاسىنىڭ اكىمى مۇرات ايتەنوۆتىڭ كارانتين جاعدايىندا جۇمىسىن توقتاتقان تويحانالار جايلى ويى الەۋمەتتىك جەلىدە كەڭىنەن تارالىپ جاتىر ەكەن. وسى تۇستا كىشكەنە ءتۇسىندىرىپ وتسەم. ويتكەنى، جەلى قولدانۋشىلار تاراپىنان «بازارلار اشىلعاندا، نەگە تويحانالاردا توي جاساۋعا بولمايدى"،- دەگەن ساۋالدار دا قويىلىپ جاتقان كورىنەدى.

پاندەميادان قاۋىپ زورايعانىن بۇكىل اقپاراتتان وقىپ، ءبىلىپ وتىرسىزدار.

از عانا كىدىرىس جاساپ، زەيىن اۋدارىڭىزشى…

بازارعا ءار تۇرعىن مۇقتاجدىقتان بارادى. ازىق-ت ۇلىك سياقتى باسقا دا تۇتىنۋ تاۋارلارى كىمگە دە بولسىن كەرەك. بۇعان قوسا ناپاقاسىن وسى جەردەن تاۋىپ جۇرگەن قاراپايىم وتباسىلار وتە كوپ. اراسىندا ءتىپتى ءبىر ورىندى جالعا الىپ نەمەسە تەك ساتۋشى بوپ كۇنەلتكەندەر بار. تويحانالاردا دا ءدال سولاي سۇرلىگىپ جۇمىس ىستەپ جۇرگەندەردى دە بىلەمىز. الايدا حالىقتىڭ دەنساۋلىعى، قاۋىپسىزدىگى ماڭىزدى. توي مۇلدەم وتكىزىلمەسىن دەپ وتقانىمىز جوق. جاساڭىزدار، بىراق از عانا ادامعا. مەيرامحانا قىزمەتىن ۇسىنىڭىزدار. مىسالى، تويدا 300 ادام باس قوستى دەلىك. اراسىندا بىرەۋى ىندەتكە شالدىققان بولسا (ونى بىلمەيمىز دە عوي)، سول جەرگە جينالعان بارلىق تۋما-تۋىس، دوس-جاران دا تەكسەرىلەدى، وقشاۋلانادى. ويتكەنى دەرت ساناۋلى ساعاتتا-اق كونتاكتكە تۇسكەن 300 ادامدى شىرماپ الۋى مۇمكىن.
مۇنى ءبىرىنشى سەبەپ دەپ ءتۇسىنىڭىز.

ەكىنشىدەن، بازارعا كىرگەن ساتۋشى دا، ساتىپ الۋشى دا ءتورت قابىرعاعا قامالمايدى. جان-جاعىنان تابيعي جەلدەتكىش جۇمىس ىستەپ تۇرادى، ءتىپتى توبەسى دە اشىق. ال تويحانا — عيماراتتىڭ ءىشى، جەلدەتكىش ىستەپ تۇرعاننىڭ وزىندە تەرلەپ-تەپشىپ كەتەتىنىڭىز راس.

ارى قاراي باسقا دا ايىرماشىلىعىن ءوزىڭىز ويلاپ كورىڭىزشى.

300-400 ادامدى ءبىر-اق ساتتە اۋىرتىپ الساق نە بولادى؟ سوندا نە ىستەر ەدىڭىز؟ مۇنداي ورتادا ەرەسەكتەردەن بولەك، كىشكەنتاي بالالار دا جۇرەتىنىن ۇمىتپاڭىز. قاۋىپتەن ءوزىڭىز ساقتانباساڭىز، پەرزەنتىڭىزدى قالاي قورعاماقسىز؟»، دەيدى اكىمدىكتىڭ رەسمي وكىلى.

سوڭعى جاڭالىقتار

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار