ساياسات • 10 ماۋسىم، 2020

ەلەكتروندى قىزمەت الۋعا كومەكتەسەدى

11 رەت كورسەتىلدى

مەملەكەتتىك قىزمەت ىستەرى اگەنتتىگى مەن «ازاماتتارعا ارنالعان ۇكىمەت مەملەكەتتىك كور­پوراتسياسى» كەاق بىرلەسە وتىرىپ، ەلەك­تروندى ۇكىمەت مۇمكىندىكتەرىن حالىققا دا ۇيرەتەتىن ۆولونتەرلەردى دايىنداۋعا كوشتى.

بۇگىنگى كۇنى 500-گە جۋىق ادام مەملەكەتتىك قىزمەتتى ونلاين رەجىمىندە الۋ داعدىلارى بو­يىنشا ۇيىمداستىرعان ءتيىستى وقۋ كۋرستارىنان وتكەن. ەن­دىگى كەزەكتە جاس ماماندار حالىققا ءموبيلدى ازا­ماتتار بازاسىندا ءوز بەتىنشە تىركەلۋگە، ەتسق الۋعا، حالىققا قىزمەت كورسەتۋ ورتالىعىنا كەزەكتى برونداۋعا، سونداي-اق egov.kz پورتالىندا ەلەكتروندى قىز­مەتتەردى الۋعا كومەكتەسەدى دەپ جوسپارلانىپ وتىر.

«ازاماتتارعا ارنالعان ۇكىمەت مەملەكەتتىك كورپوراتسياسى» كەاق ءتورايىمى اسەمگۇل بالتاشەۆانىڭ ايتۋىنشا، مەملەكەتتىك كورپوراتسيا توتەنشە جاعداي مەن كارانتين ەنگىزىلگەنگە دەيىن دە ۆولونتەرلەر ۇيىمدارىمەن بىرلەسكەن جۇمىستار باستاعان. «كارانتين كەزىندە حالىققا ەلەكتروندى ۇكىمەت مۇمكىندىكتەرىن ءتۇسىندىرىپ، ۇيدە وتىرىپ تا بىرقاتار قىزمەتتى پايدالانۋعا بولاتىنىن كورسەتەتىن كەز كەلگەنىن ۇقتىق. قازىر ەرىكتىلەردىڭ كومەگى بۇرىنعىدان دا قاجەت بولا ءتۇستى»، دەدى قۇرىلىم باسشىسى.

«وڭىرلەردەگى تۇسىندىرمە جۇمىستارىنا ەرىكتىلەر تارتىلدى، ولار حقو-عا كەلۋشى ازا­ماتتارعا كەڭەس بەرە وتىرىپ، بىزگە ۇلكەن قولداۋ كورسەتىپ جاتىر. حقو-لار 2 ايعا جۋىق ۋاقىت جۇمىس ىستەمەگەندىكتەن، قىزمەت الۋشىلاردىڭ سانى كۇرت كوبەيدى. سوندىقتان قازىرگى ۋاقىتتا ءبىزدىڭ بارلىق مامان مەملەكەتتىك قىزمەتتەردى كورسەتۋمەن اينالىسۋدا»، دەدى ءا.بالتاشەۆا.

جاقىندا بەلگىلى بولعانداي، حالىققا قىزمەت كورسەتۋ ورتالىقتارىنىڭ عيماراتتارىندا بۇدان بىلاي ەلەكتروندى قىزمەتتەر كورسەتىلمەيدى. ولاردى اكىمدىكتەردە، ساۋدا جانە ويىن-ساۋىق ورتالىقتارىندا، مەديتسينالىق ۇيىمدار مەن ۋنيۆەرسيتەتتەردە جانە باسقا جەرلەردە ورنالاسقان ارنايى egov بۇرىشتارىنان الۋعا بولادى.

قازىرگى ۋاقىتتا قازاقستاندا 600-دەن استام ەلەكتروندى قىزمەت كورسەتەتىن بۇرىش اشىلدى. ەرىك­تىلەر ازاماتتارعا سول جەرلەردە دە كەڭەس بەرەدى دەپ جوسپارلانعان. سونداي-اق قىزمەتتەردى ءوز بەتىنشە الۋ بويىنشا كەڭەستەر حالىققا قىزمەت كور­سەتۋ عيماراتىنىڭ كىرەبەرىسىندە جانە تسيفر­لى حالىققا قىزمەت كورسەتۋ ورتالىقتارىندا كور­سەتىلەدى.

قىزىلوردالىق «Golden Qazaqstan» جاس­تار قوعامدىق بىرلەستىگىنىڭ توراعاسى باقىتبەك كەنجەبەكتىڭ ايتۋىنشا، ولار ەڭ الدىمەن حقو-نىڭ جۇمىس بارىسىمەن، قىزمەت كورسەتۋدىڭ جاڭا فورماتىمەن تانىسىپ، وقۋدان وتكەن.

«مۇندا ۆولونتەرلەر ءوز بىلىكتىلىكتەرىن ارتتىرىپ قانا قويماي، حالىقتىڭ كوپ سۇراتاتىن مەملەكەتتىك قىزمەتتەرى بويىنشا كەڭەس بەرىپ، وزىنە-ءوزى قىزمەت كورسەتۋ بۇرىشتارىندا تۇر­عىندارعا ونلاين قىزمەتتەردى الۋ جولدارىن ءتۇسىندىرىپ، كومەك كورسەتىپ جاتىر. حالىقتىڭ كادەسىنە جاراپ، تسيفرلى داعدىلارىن جوعا­رىلاتۋعا كومەكتەسىپ جاتقا­نىمىزعا قۋانىش­تىمىز»، دەپ تولىقتىردى باقىتبەك.

قۇرىلىم اقپاراتىنا سۇيەنسەك، حالىققا قىزمەت كورسەتۋ ورتالىقتارىندا جۇمىس ىستەگىسى كەلەتىن جاستاردىڭ كوپشىلىگى قاراعاندى وبلىسى مەن شىمكەنت قالاسىنان.

 

سوڭعى جاڭالىقتار

تاميلانىڭ تارتۋى

ونەر • كەشە

مۋتاتسيالانعان ۆيرۋس

مەديتسينا • كەشە

ۇقساس جاڭالىقتار