ايماقتار • 10 ماۋسىم، 2020

بىرەگەي باسسەين (تالدىقورعان وتاندىق سۋ سپورتىنىڭ ورتالىعىنا اينالدى)

20 رەت كورسەتىلدى

جەتىسۋ اتاۋى ايتىلعان جەردە نۋلى تابيعاتتىڭ كوركەم بەينەسى ويعا الدىمەن ورالاتىنى انىق. شىن مانىسىندە تابيعات انانىڭ مەيىرى تۇسكەن ءوڭىردى 7 وزەن ورنەكتەپ اعىپ جاتىر. سول سەبەپتى دە ايماقتى جەر ءجانناتىنا، جەرۇيىققا تەڭەۋدىڭ استارىندا اقيقات بار.

ال تاياۋ بولاشاقتا بۇل ولكە الەم دەڭگەيىندەگى سپورت جارىستارىن وتكىزەتىن ورتا­لىققا اينالۋى مۇمكىن. ونىڭ ىشىندە سۋداعى دودانىڭ ورتالىق ازيا بويىنشا دىڭ­گە­گى بولۋىنا تولىق نەگىز بار ەكەن. ياعني وسى جەردەن جە­تىسۋ اتاۋى مەن وليمپيا ويىن­دارى تىزىمىنە ەنەتىن سۋ سپور­تى تۇرلەرى اراسىنان بايلا­نىس ىزدەپ كورسەك. مىسالى، ەندى ساناۋلى كۇندەر­دەن كەيىن تالدىقورعان قالا­سىندا بى­رەگەي باسسەين پاي­دالانۋعا بەرىلەدى. كەيىنگى ەكى جىل كو­لەمىندە قۇرىلىس قار­قىنى باسەڭدەمەگەن نىسان­نىڭ اشىلۋى الماتى وبلىسى­ ءۇشىن عانا ەمەس، تۇتاس قازاق­ستان­عا كوزقۋانىش سىيلايتىنى انىق. الەمدىك تالاپقا تو­لىقتاي ساي كەلەتىن ءجۇزۋ كەشەنى كەلەشەكتە سۋ سپورتى تۇرلەرىنەن وليمپيا ويىن­دارىنىڭ جارىستارىن قابىل­داۋعا مۇمكىندىك بەرەدى ەكەن.

ەكى قاباتتان تۇراتىن ءارى ۇلكەن جەرتولەسى بار امبەباپ نىساندا 4 نەگىزگى باسسەين بار. ونىڭ ەكەۋى دۇنيەجۇزى بويىنشا جارىس وتكىزۋگە لايىقتالعان. وليمپيا ويىندارىنا قاتىساتىن سپورت­شى­لار­دىڭ دا وسى كەشەندە تولىق دايىندىقتان وتۋىنە جاعداي جاسالىپتى. ال ۇزىندىعى 50 مەتر، ەنى 25 مەتر بولاتىن ەكى باسسەين بۇقارالىق سپورتتى دا­مىتۋعا ناقتى قادام بولماق. اسىرەسە باسسەين قۇرىلىسى بارىسىندا بالالاردىڭ سۋدا ءجۇزىپ ۇيرەنۋىنە ىڭعاي­لى­ ەتىپ جاسالعان حاۋىز­دار­ مەن بالعىنداردى جەڭىل ات­لە­تيكاعا باۋلۋعا لايىق­تالعان ورىندارعا باسا ءمان بەرىلىپتى. جالپى، جابىق ءجۇزۋ باسسەينى كۇن سايىن 750 ادامعا دەيىن قىزمەت كورسەتۋگە قاۋقارلى.

– وبلىس ورتالىعىنان جا­بىق ۇلگىدەگى ءجۇزۋ باسسەينىن سا­لۋعا ەلباسى نۇرسۇلتان نازارباەۆتىڭ بۇقارالىق سپورتتى دامىتۋعا قاتىستى بەر­گەن تاپسىرماسى تۇرتكى بولدى. ءبىز جوبانى تاڭداۋ بارى­سىندا بارلىق نۇسقالاردى ساراپتاپ، نىساننىڭ قالانىڭ دا­مۋىنا قوساتىن ۇلەسىنە ءمان بەردىك. عيمارات زا­مان­عا ساي، بولاشاق ۇرپاق سۇيسىنە قارايتىنداي ۇزدىك ساۋلەت تۋىندىسى بولۋى كەرەك دەگەن شەشىمگە كەلدىك. ما­مان­دارمەن اقىلداسا وتىرىپ، بۇل باسسەين قازاقستانداعى سۋ سپورتىنىڭ ورتالىعىنا اينالۋى ءتيىس جانە الەمدىك ستاندارتقا تولىقتاي ساي كەشەن رەتىندە دە ەرەكشەلەنۋى قاجەت ەكەنىن ەسكەردىك. سونىڭ ناتيجەسىندە تالدىقورعاندا جاڭا جابىق باسسەين سالىندى. قۇرىلىستى ەلىمىزدەگى ساۋ­لەت ونەرىنىڭ ماقتانىشىنا اينالعان عيماراتتاردى سالۋدا تاجىريبە جيناعان «Bazis Construction» كومپانيا­سى قولعا الدى. بۇل كومپانيانىڭ قولتاڭباسىن «الماتى-ارەنا» كەشەنىنەن انىق باي­قايسىز. وسىلايشا ءبىز وبلىس­تا عانا ەمەس، ەلىمىزدە تەڭدەسى جوق امبەباپ كەشەندى ىسكە قوس­پاقپىز، – دەيدى الماتى وبلىسىنىڭ اكىمى اماندىق باتالوۆ.

قازىر بىرەگەي باسسەيندەگى قۇرىلىستىڭ سوڭعى نۇكتەسى قويىلۋ ۇستىندە. اۋماعى 27 000 شارشى مەترگە جەتەتىن سپورت كەشەنىندەگى جۇمىس كارانتين كەزىندە دە تولاستاعان جوق. ەندىگى ارنايى ينۆەنتارلار قويىلىپ، لەد-ەكران، سۋ استى كامەرالارى سياقتى قۇرال-جابدىقتارمەن قامتۋ جۇرگىزىلىپ جاتىر. سونداي-اق عيماراتتىڭ سىرتقى كەلبەتىن ارلەۋ، كەشەن ماڭايىن اباتتاندىرۋ جۇمىستارى دا اياق­تالىپ قالدى. ايتپاقشى، جابىق كەشەننىڭ سىرتقى ءپى­شىنى ايدىندا جۇزگەن با­لىقتى كوزگە ەلەستەدى ەكەن.

 

سوڭعى جاڭالىقتار

ۇقساس جاڭالىقتار