الەم • 09 ماۋسىم، 2020

اقش-تا نارازىلىق كەسىرىنەن ۆيرۋس جۇقتىرعاندار سانى ارتقان بولۋى مۇمكىن

31 رەت كورسەتىلدى

ۋاشينگتون ۋنيۆەرسيتەتىنىڭ زەرتتەۋشىلەرى Covid-19-دىڭ تارالۋى مەن ودان زارداپ شەگۋى مۇمكىن ادام سانىنا قاتىستى بولجام جاسادى.

سۋرەتتى تۇسىرگەن Maya Alleruzzo/AP

زەرتتەۋشىلەر اقش-تا تامىز ايىنا دەيىن كوروناۆيرۋستان قايتىس بولعاندار سانى 145 728 ادامعا جەتۋى مۇمكىن دەپ بولجادى. وسىعان دەيىن جۇمادا جاريالاعان بولجامىندا 140 مىڭنان استام ادامعا جەتەدى دەگەن ەدى، الايدا وتكەن اپتاداعى جاعدايدى ەسكەرە وتىرىپ، كوز جۇمعاندار سانى 5 مىڭ ادامعا كوبىرەك بولادى دەپ وتىر.

بۇل شەشىمنىڭ ناقتى سەبەبى انىق ەمەس. دەسە دە بۇل حابار تەحاس شتاتىندا ۆيرۋس جۇقتىرعانداردىڭ كۇرت وسۋىمەن جانە 22 شتاتتاعى جاعدايدىڭ ۋشىعۋمەن قاتار كەلىپ وتىر.

جاعداي قيىنداعان شتاتتاردىڭ قاتارىندا ميچيگان مەن اريزونا بار. جۇقپالى اۋرۋلاردى زەرتتەيتىن ماماندار اقش-تا سوڭعى كۇندەرى دجوردج فلويدتىڭ ولىمىنە قاتىستى بولعان جاپپاي ەرەۋىلدەر ۆيرۋستىڭ كەڭ تاراۋىنا ىقپال ەتۋى مۇمكىن دەگەن پىكىر ءبىلدىردى.

سوڭعى جاڭالىقتار

ەلگە كەرەك ەكى كىتاپ

رۋحانيات • بۇگىن، 08:52

«عارىشقا اپارار جول»

رۋحانيات • بۇگىن، 08:50

ۇقساس جاڭالىقتار