ايماقتار • 20 مامىر، 2020

اقتوبەدە مەملەكەت-جەكەمەنشىك ارىپتەستىك ۇلەسى ارتقان

20 رەت كورسەتىلدى

پاندەميادان الىناتىن ساباقتىڭ ءبىرى مەملەكەت-جەكەمەنشىك ارىپتەستىگىنىڭ ء(مجا) اراقاتىناسىن ودان ءارى كەڭەيتۋ بولىپ وتىر. ءارى مۇنداي ءتاسىل بوساپ قالعان بيۋدجەتتىڭ ءبىر جاق شىعىس-كىرىس بولىكتەرىنىڭ ورنىن تولتىرۋدىڭ باستى ءبىر جولى دا. وزگە وڭىرلەرمەن سالىستىرا قاراعاندا بۇل باعىتتاعى تاجىريبە اقتوبەدە تەرەڭىرەك ورنىعىپ كەلگەنىن ەشكىم جوققا شىعارا المايدى. قازىرگى كۇنى وسىنداي پايداسى مول ءىستىڭ ەكىنشى تولقىنىنىڭ ەكپىنى ايقىنىراق ەستىلە باستادى.

ءسويتىپ ءوڭىردىڭ الەۋمەتتىك-ەكونوميكالىق الەۋەتىن تولىقتىرۋ تۇرعىسىندا ءمجا-ءنىڭ جەرگىلىكتى جوبالارىنىڭ ۇلەسى بۇعان دەيىنگى كەزبەن سالىستىرعاندا اناعۇرلىم وسە ءتۇستى. ياعني وبلىستا جەكە كاپيتالدى ورتاق ىسكە تارتۋ ارقىلى ونەركاسىپ پەن قۇرىلىستا، ءارى شاعىن جانە ورتاشا بيزنەس سەكتورىندا وڭ ديناميكا كوزگە ايقىن بايقالاتىن بولدى.

سونىمەن بىرگە مەملەكەت-جەكەمەنشىك ارىپتەستىگىنىڭ بارلىق تۇرلەرى مەن ونىڭ بۇعان دەيىن پايدالانىلىپ كورمەگەن جاڭا فورماتتارىن ىسكە اسىرۋ – جاڭا ناتيجەلەرگە جول اشۋدا. جاڭا تەتىكتەر اسىرەسە وبلىستىڭ الەۋمەتتىك سالاسىندا قوردالانىپ قالعان ماسەلەلەردى وڭتايلى شەشۋگە سەپتىگىن تيگىزۋدە. مۇنىڭ باسى قوزعاۋشى كۇشى – جەكە ينۆەستيتسيالار ەكەنى ەلەۋلى ءىس.

تۇتاستاي العاندا وبلىستا ءمجا شەڭبەرىندەگى جوبالار بۇدان ءتورت جىل بۇرىن قولعا الىنا باستاعان بولاتىن. سول ۋاقىتتان بەرى 18،5 ميلليارد تەڭگەنىڭ 20 كەلىسىمشارتى جاسالىپتى. وسى ورايدا ءبىلىم بەرۋ، دەنساۋلىق ساقتاۋ جانە سپورت سالالارىنا باسىمدىق بەرىلىپ كەلگەنىن اتاپ ايتقان ءجون. ايتالىق وسى الەۋمەتتىك سەكتورلار بويىنشا قالالىق جەدەل جاردەم بەكەتى، قالالىق بالالار ستوماتولوگيالىق ەمحاناسى، «اقتوبە مەديتسينالىق ورتالىعىنىڭ» قوسىمشا قۇرىلىسى، مۇز ايدىنى سارايى، تەننيس كوردى، سونداي-اق بىرنەشە بالاباقشالار عيماراتىنىڭ ىسكە قوسىلعانى جوعارىدا ايتىلعان پىكىرىمىزدىڭ باستى دالەلى. ويتكەنى ەلىمىزدىڭ وزگە وڭىرلەرىندە ءمجا-ءنىڭ اۋقىمى اقتوبە اۋماعىنداعىداي كەڭىنەن قانات جايىپ كەتە قويماعانى كامىل.

جوعارىدا ايتىلعان ءتىزىمدى ودان ءارى سوزا بەرۋگە بولادى. ونىڭ ىشىندە «دارۋ جارىعى» وفتولمالوگيالىق ورتالىعىن قۇرۋعا  قوسىلعان جەكەمەنشىك كاپيتالدىڭ ۇلەسى مەن ينۆەستيتسياسى 3 ميلليارد 100 ميلليون تەڭگەنى قۇرادى. ارينە بۇل بەلگىلى ءبىر ءوڭىر ءۇشىن جوعارى سوما ەكەنى ايتپاسا دا تۇسىنىكتى. ءارى اتالعان جوبا تەڭگەنىڭ دوللارعا شاققانداعى باعامى قازىرگى كەزبەن سالىستىرعاندا الدەقايدا تومەن بولعان كەزدە جۇزەگە اسىرىلعانى تاعى ءبىر مەرەي. اتالعان ورتالىق ءار اۋىسىمدا 500 ادامعا دەيىن ەمدەلۋشىلەر قابىلداي الادى. سونىمەن بىرگە مۇندا 60 كەرەۋەتتىك اۋرۋحانا جۇمىس ىستەيدى. جۇزەگە اسىرىلعان وسىنداي ءمجا جوبالارى ارقىلى 500-دەن استام جاڭا جۇمىس ورىندارى اشىلدى.

قازىرگى كۇنى ءمجا جوبالارىن جۇزەگە اسىرۋ ىسىندەگى ساباقتاستىق پەن پايدالانىلعان تاجىريبە تىڭ ءارى جاڭاشىل كوزقاراس جاعدايىندا جالعاسىن تاۋىپ كەلەدى. اقتوبە وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى گۇلكاسيما سۇيىنتاەۆانىڭ ايتۋىنشا بيىلعى جىلى ءمجا-گە قاتىستى ماسەلەلەر ءارى بۇعان جۇمسالاتىن قاراجات جالپى سيپاتتاعى تابىس پەن ترانسفەرت كولەمىنىڭ وزگەرىسىن ەسەپكە الۋ جاعدايىندا جۇمسالىپ جۇزەگە اسىرىلماوق. ياعني بۇل ارادا بەلگىلى ءبىر بيۋدجەتتىك قاراجات ۇلەسىنىڭ ساقتالۋى نازاردا بولماق. ءارى قاجەت دەلىنگەن قاراجات سوماسى اقتوبە وبلىستىق ءماسليحاتىنىڭ سەسسياسىندا قوسىمشا بەكىتىلمەك. الدىن-الا جاسالعان ەسەپتەرگە قاراعاندا ونىڭ جالپى سوماسى 28 ميلليارد تەڭگە كولەمىندە بولماق.

سونداي-اق بيىلعى جىلى مەملەكەت-جەكەمەنشىك ارىپتەستىگى شەڭبەرىندە اۆتوجول، مەديتسينا جانە پوليتەحنيكا كوللەدجى ستۋدەنتتەرى ءۇشىن جاتاقحانا قۇرىلىستارى بوي كوتەرمەك. ونىڭ سمەتالىق قۇنى 2،7 ميلليارد تەڭگە توڭىرەگىندە. سونىمەن بىرگە جالپى اۋماعى 9250 شارشى مەتر قۇرايتىن بالالارعا ارنالعان مەديتسينالىق ورتالىقتىڭ قوسىمشا عيماراتى تۇرعىزىلماق. بۇعان قوسا اقتوبە قالاسى كوشەلەرىن جابدىقتاۋدىڭ جەلىلەرى دە ءمجا اياسىندا جۇزەگە اسىرىلماق. سونىمەن قاتار الداعى ۋاقىتتا بۇل ءىستى باسقارۋدىڭ ءتيىمدى ءارى ۇنەمدى اۆتوماتتاندىرىلعان جۇيەسى ەنگىزىلمەك. مۇنداعى باستى ماقسات – «اقىلدى قالا» پلاتفورماسىن ءبىرتۇتاس جۇيەگە بىرىكتىرۋ بولماق.

بۇل رەتتە تاعى ءبىر ايتا كەتەرلىك ماسەلە ءمجا جوبالارى قولعا الىنعان كەزدە بيۋدجەت قاراجاتتارىن بارىنشا وڭتايلى ءارى ءتيىمدى جۇمساۋدىڭ جولدارى ىزدەستىرىلىپ وتىرعانى. ايتالىق جوعارىدا ايتىلعان الەۋمەتتىك نىسانداردى تۇرعىزۋ كەزىندە بيۋدجەت قاراجاتىنىڭ ۇلەسى مەيلىنشە تومەن بولىپ بەلگىلەنگەنى الدىڭعى پىكىرىمىزدىڭ ايقىن ايعاعى. بۇعان قوسا بۇگىنگى كۇنى وبلىستىق ءماسليحاتتىڭ دەپۋتاتتارى جاتاقحانالار قۇرىلىسىنا جۇمسالاتىن قاراجاتتىڭ قايتارىلمى حاقىندا دا ورىندى ۇسىنىس-تىلەكتەردى ورتاعا تاستاپ كەلەدى. ءتۇيىپ ايتقاندا بۇگىنگى اڭگىمەمىزگە تيەك بولعان ماسەلەلەر وڭىردە مەملەكەت-جەكەمەنشىك ارىپتەستىگىنىڭ ءورىسىن ودان ءارى وسىرۋگە سەپتىگىن تيگىزە الادى دەمەكپىز.

 

اقتوبە

سوڭعى جاڭالىقتار

15169 ادام كوروناۆيرۋس جۇقتىردى

كوروناۆيرۋس • كەشە

ۇقساس جاڭالىقتار