ايماقتار • 19 مامىر، 2020

جەدەل ارەكەت ەتۋ ورتالىعىنا 14 236 ءوتىنىش تۇسكەن

9 رەت كورسەتىلدى

ەلىمىزدەگى تومەنشە جاعداي ۋاقىتىندا وبلىس  ورتالىعىندا جەدەل ارەكەت ەتۋ ورتالىعى قۇرىلدى.

وبلىستىق اكىمدىكتىڭ مالىمەتىنشە، ناتيجەسىندە، ءوڭىر جۇرتشىلىعىنىڭ 1300 بايلانىس  نومىرىنە جىبەرىلگەن سۇراق-ساۋالدارىنا  جاۋاپ بەرىلىپ، وتىنىشتەرى ورىندالدى. بۇل جەدەل ارەكەت ەتۋ ورتالىعىنىڭ  تيىمدىلىگىن كورسەتتى. ماماندار تۇرعىنداردان قوڭىراۋلاردى قابىلداپ قانا قويماي، وزدەرى قايتا حابارلاسىپ، ماسەلەنىڭ شەشىلۋ بارىسىن باقىلاۋدا. سونىمەن بىرگە، قالاداعى 109 بىرىڭعاي بايلانىس ورتالىعى دا قوسىلىپ، كارانتيندىك شارالارعا قاتىستى ءوتىنىش-شاعىمدار قابىلدانۋدا.

-جالپى تۇرعىنداردان مەنىڭ جانە اكىمدىكتەردىڭ الەۋمەتتىك جەلىلەردەگى پاراقشالارىنا 2079 سۇراق كەلىپ ءتۇستى. ولاردىڭ ەشقايسىسى نازاردان تىس قالعان جوق، دەدى وبلىس  اكىمى ابىلقايىر سقاقوۆ  باق وكىلدەرىمەن كەزدەسۋ بارىسىندا.

ءار سالادا قىزمەت ەتەتىن 58 مەملەكەتتىك قىزمەتشى جەدەل ورتالىقتىڭ جۇمىسىنا جۇمىلدىرىلىپ، 14 236 ءوتىنىشتى قابىلدادى. ال، توتەنشە جاعدايعا بايلانىستى تۇراقتى تابىسىنان ايىرىلعان 170 200 تۇرعىنعا 42500 تەڭگەدەن، ء«بىز بىرگەمىز» قولداۋ شاراسى اياسىندا 21 899 ادامعا 50 مىڭ تەڭگەدەن تولەنگەن. بۇعان قوسا، 14 778 ازاماتقا ازىق-ت ۇلىك جيىنتىعى بەرىلدى. وسىلايشا، 200 مىڭنان استام ءوڭىر تۇرعىنى مەملەكەتتىك قولداۋعا يە بولدى. داعدارىسقا قارسى شارالاردىڭ ءبىرى- «جۇمىسپەن قامتۋ جول كارتاسى» باعدارلاماسى بويىنشا وبلىستا جاڭادان 12 مىڭنان استام جۇمىس ورنى قۇرىلماق.

باعدارلامالاردى ىسكە اسىرۋ ناتيجەسىندە 30 مىڭنان استام ادامدى جۇمىسپەن قامتۋ مۇمكىن بولماق. سونداي-اق، 1 مىڭ كاسىپكەرگە «بيزنەستىڭ جول كارتاسى-2025»، «قاراپايىم زاتتار ەكونوميكاسى» باعدارلامالارى اياسىندا كومەك كورسەتىلەدى.

ال، «جۇمىسپەن قامتۋ جول كارتاسى» باعدارلاماسى جوبالارىنىڭ ىسكە اسۋ بارىسى باستى باقىلاۋدا بولادى.

بيۋدجەتتىڭ ءار تەڭگەسى ءتيىمدى پايدالانىلۋى ءۇشىن كەلىسىمشارت جاسالعان ساتتەن نىسان پايدالانۋعا بەرىلگەنگە دەيىنگى جۇمىستىڭ بارلىعى قاتاڭ قاداعالانادى.          

 

پاۆلودار وبلىسى

 

سوڭعى جاڭالىقتار

ۇقساس جاڭالىقتار