ايماقتار • 19 مامىر، 2020

قاراعاندى وبلىسى: كەسىلگەن قولدى قايتا جالعادى

154 رەت كورسەتىلدى

كەنشىلەر قالاسى ابايدا تۇراتىن دەنيس ستەفانەنكو دەگەن جىگىت شىراينالما ارانى قولعا الىپ، ەكى كەشتىڭ اراسىندا وتىنعا اعاش دايىنداماق بولعان. سودان، ءبىر عانا اعات قيمىل جاساعان ەكەن: زىر اينالىپ تۇرعان ەلەكتر ارا سابازدىڭ وڭ قولىن تۋرا بىلەزىكتەن تۋراپ تۇسكەن...

دەنيس ءاپ-ساتتە ەسىنەن تانىپ قالىپتى. ءتىپتى، اۋرۋحاناعا قالاي جەتكىزىلگەنىن دە بىلمەيدى. ال ونى جەدەل جاردەمنىڭ كەلگەنىن كۇتپەي، تۋىستارى ابايداعى ورتالىق اۋرۋحاناعا اپارعان. ول جەردەگى دارىگەرلەر ەڭ الدىمەن قاندى توقتاتىپ، جاراقاتقا سىم شاباق سالىپ، ەكىگە ءبولىنىپ قالعان مۇشەنى بىرىكتىرە تىگەدى. ودان كەيىن جارالى جىگىت بىردەن وبلىس ورتالىعىنداعى پروفەسسور حافيز ماقاجانوۆ اتىنداعى كوپسالالى اۋرۋحاناعا جەتكىزىلگەن.

اتاقتى مەديتسينالىق مەكەمەنىڭ تاجىريبەلى حيرۋرگتەرى ءتورت ساعاتقا سوزىلعان وتا بارىسىندا دەنيستىڭ قول سۇيەگىن قالپىنا كەلتىرىپ، ءسىڭىردىڭ، تامىرلار مەن جۇيكەنىڭ تالشىقتارىن جالعاپ تىككەن.   «مۇنداي كۇردەلى وپەراتسيا ءۇشىن بۇل ۇزاق ۋاقىت ەمەس»، دەيدى اۋرۋحانانىڭ ميكروحيرۋرگى تيمۋر يگىمباەۆ. سونداي-اق، ول وپەراتسيانىڭ ءساتتى وتۋىنە ناۋقاسقا كورسەتىلگەن العاشقى كومەكتىڭ يگى ىقپالى مولىنان تيگەنىن ايتادى.

حيرۋرگيالىق وتانىڭ ءساتتى وتكەنى سونشالىقتى – ءۇش كۇنەن كەيىن دەنيس ساۋساقتارىن وزدىگىنەن جىبىرلاتا الاتىن كۇيگە جەتتى. قازىر ول كۇندەلىكتى  فيزيوتەراپيا الىپ، ءتيىستى ءدارى-دارمەكتەرىن قابىلداپ ءجۇر.

– قولىم تولىق قالپىنا كەلتىرىلگەننەن كەيىن مۇگەدەكتىكتى رەسىمدەۋدىڭ قاجەتى بولمايتىن سياقتى. جۇمىسىما قايتا ورالامىن دەگەن ۇمىتتەمىن. ال ازىرشە، مەن سول قولمەن جازۋدى ۇيرەنىپ الدىم، – دەيدى گەولوگيالىق بارلاۋ سالاسىندا ەڭبەك ەتەتىن  دەنيس ستەفانەنكو.

دەنيستىڭ ەرتەڭگى كۇننەن ءۇمىتى زور. وعان وتا جاساعان دارىگەرلەر دە جاس جىگىتتىڭ قولى تولىق جازىلعاننان كەيىن، قاسىق پەن شانىشقىنى ءوزى ۇستاپ، تۇيمەلەرىن تاعىپ، اياق كيىمىنىڭ باۋىن دا ءوزى بايلاي الادى دەگەن بولجامدى سەنىمدى تۇردە ايتادى. 

 

 

قاراعاندى وبلىسى

 

سوڭعى جاڭالىقتار

ۇرى الىستان كەلمەپتى

ايماقتار • بۇگىن، 10:15

شاشتان شاحمات تاسىن جونادى

تانىم • بۇگىن، 07:44

ونلاين-سورەدە – ويلى كىتاپتار

رۋحانيات • بۇگىن، 07:42

دارىگەرلەرگە كولىك سىيلادى

وقيعا • بۇگىن، 07:17

سوڭعى پاتسيەنت ۇيىنە قايتتى

قوعام • بۇگىن، 07:05

جامانتاۋدى جوعالتىپ المايىق

رۋحانيات • بۇگىن، 06:50

سەنات دەپۋتاتتارى سايلاندى

سايلاۋ • بۇگىن، 06:48

ادەپتى ادەمى ۇستاز

رۋحانيات • بۇگىن، 06:47

ۇقساس جاڭالىقتار