قازاقستان • 19 مامىر، 2020

«ازيا اۆتونىڭ» باسىنا بۇلت ءۇيىرىلدى

66 رەت كورسەتىلدى

سوڭعى اپتالاردا وتاندىق مەديا كەڭىستىكتە «ازيا اۆتو» كəسىپورنىنا قاتىستى ايتىلعان پىكىرلەر مەن جاريالانعان ماتەريالدار جيىلەپ كەتتى. وعان يندۋستريا جəنە ينفراقۇرىلىمدىق دامۋ مينيسترلىگى مەن اتالعان كومپانيا اراسىنداعى ونەركəسىپتىك كەلىسىمنىڭ بۇزىلۋى تۇرتكى بولدى. وسىنىڭ سالدارىنان اۆتوقۇراستىرۋ زاۋىتىنىڭ ءوندىرىسى تۇرالاپ، مىڭداعان قىزمەتكەردىڭ جۇمىسسىز قالۋ قاۋپى تۋىندادى دەپ دابىل قاعۋدا كومپانيا وكىلدەرى.

ۇكىمەتتەن كومەك سۇرايدى

بۇل ورايدا «بيپەك اۆتو – ازيا اۆتو» كومپانيا توبى پرەمەر-ءمينيستردىڭ اتىنا، يندۋستريا جانە ينفراقۇرىلىمدىق دامۋ مينيسترىنە، سونداي-اق پارلامەنتتىڭ قوس پالاتا دەپۋتاتتارىنا ۇندەۋ جاريالاپ، ىقتيمال قاۋىپتى سەيىلتۋ ءۇشىن قولداۋ كورسەتۋىن ءوتىندى. حولدينگ باسشىلىعى ينۆەستيتسيالىق قىزمەتتى ءماجبۇرلى توقتاتۋ تəۋەكەلىنە ۇشىراعانىن العا تارتىپ، كəسىپورىن ىسكە قوسىلعاننان بەرى مەملەكەتتىك بيۋدجەتكە 511 ملن دوللار كولەمىندە كىرىس تۇسىرگەنىن جەتكىزدى.

«وسى سالاداعى ەڭ ءىرى سالىق تولەۋشىلەردىڭ ءبىرىمىز. قازاقستاننىڭ شيكىزاتتىق ەمەس ەكونوميكاسىن قالىپتاستىرۋعا ۇلەسىمىزدى بارىنشا قوسىپ كەلەمىز. تولىق تسيكلدى ءوندىرىستىڭ قۇرىلىسىنا 74 ملن دوللار جۇمسالدى. حولدينگتىڭ قاراجاتى ەسەبىنەن تاعى 90 ملن دوللار سالىنباق»، - دەدى «ازيا اۆتو قازاقستان» اق باس ديرەكتورى ەرجان مانديەۆ.

ءسəۋىردىڭ باسىندا كومپانياعا يندۋستريا جانە ينفراقۇرىلىمدىق دامۋ مينيسترلىگىنەن قولدانىستاعى ونەركاسىپتىك كەلىسىمدى بۇزۋ تۋرالى حات كەلگەن. وسىلايشا، كولىك قۇرالدارىن جيناقتاۋ بويىنشا مەملەكەت پەن حولدينگ اراسىنداعى كەلىسىمشارتتىڭ كۇشى جويىلدى دەيدى زاۋىت وكىلدەرى. ءىس جۇزىنە كەلگەندە، بۇل جۇمىس ىستەپ تۇرعان كونۆەيەردىڭ جۇمىسى مەن وسكەمەندەگى جاڭا تولىق تسيكلدى كەشەن قۇرىلىسىنىڭ توقتاتىلۋىن بىلدىرسە كەرەك دەپ ناقتىلادى ە. مانديەۆ.

باسقارما باسشىسىنىڭ سوزىنە سۇيەنسەك، بۇعان دەيىن سالالىق مينيسترلىك وتاندىق ونەركاسىپتى دامىتۋ باعدارلاماسى اياسىندا كəسىپورىنعا جان-جاقتى قولداۋ كورسەتىپ كەلگەن.

10 جىل ىشىندە سىن-ەسكەرتپەنى تۇزەمەگەن

الايدا جاۋاپتى ۆەدومستۆونىڭ اقپاراتىنا سəيكەس، اۆتوقۇراستىرۋ زاۋىتىنا سىن-ەسكەرتپەلەردى تۇزەتۋگە 10 جىل ۋاقىت بەرىلدى. سوعان قاراماستان كəسىپورىن جۇكتەلگەن مىندەتتى ورىنداۋعا ق ۇلىقسىزدىق تانىتقان. سالالىق مينيسترلىكتىڭ مəلىمەتىنشە، ەلىمىزدە موتورلى كولىك قۇرالدارىن قۇراستىرۋ كəسىبى «قازاقستان رەسپۋبليكاسىنىڭ زاڭدى تۇلعالارى رەزيدەنتتەرىمەن موتورلى كولىك قۇرالدارىن ونەركاسىپتىك قۇراستىرۋ تۋرالى كەلىسىمدى جاساسۋدىڭ، ونىڭ تالاپتارى مەن ۇلگى نىسانىنىڭ كەيبىر ماسەلەلەرى تۋرالى» 2010 جىلعى 11 ماۋسىمداعى № 113 بۇيرىعى نەگىزىندە جۇزەگە اسىرىلادى. سوعان سəيكەس، ەۋرازيالىق ەكونوميكالىق كەڭەستىڭ «كەدەن وداعىنا مۇشە مەملەكەتتەر مەن بىرىڭعاي ەكونوميكالىق كەڭىستىك اۋماعىندا «موتورلى كولىك قۇرالدارىن ونەركاسىپتىك قۇراستىرۋ» ۇعىمىن قولدانۋ شارتتارى تۋرالى» 2014 جىلعى 29 مامىرداعى № 72 شەشىمى بويىنشا مينيسترلىك 10 كاسىپورىنمەن موتورلى كولىك قۇرالدارىن قۇراستىرۋ جونىندە 19 كەلىسىم جاساعان. ونىڭ اياسىندا ءوندىرىس سۋبەكتىلەرى كولىك قۇرالدارىن بالقىتىپ بىرىكتىرۋ، بوياۋ جانە قۇراستىرۋ بويىنشا تەحنولوگيالاردى يگەرۋ جانە وقشاۋلاندىرۋدى ۇلعايتۋعا بايلانىستى مىندەتتەمەلەردى الدى. Əيتسە دە «ازيا اۆتو» اق جانە «ازيا اۆتو قازاقستان» اق كاسىپورىندارى كەلىسىم بويىنشا ونەركاسىپتىك قۇراستىرۋ تۋرالى مىندەتتەمەلەرىن ورىنداماعان. باسقا كومپانيالار شاناقتى بالقىتىپ بىرىكتىرۋ جانە بوياۋ بويىنشا تەحنولوگيالىق جابدىقتاردى ىسكە قوسۋ جونىندەگى مىندەتتەمەلەرىن كەلىسىمنىڭ جوسپار-كەستەسىنە ساي ورىندادى دەپ ايتادى جاۋاپتى ورگان وكىلدەرى.

«كاسىپورىن قىزمەتىن باستاعالى قازاقستاننىڭ زاڭناماسىنا سايكەس، قوسىمشا قۇن سالىعىنان جانە كەدەندىك تولەمدەردەن بوساتىلىپ، مەملەكەتتىك پرەفەرەنتسيالار الىپ كەلدى. سونداي-اق تولەنگەن ۋتيليزاتسيالىق الىمدى قايتارۋ تۇرىندە ىنتالاندىرىلدى. 2010 جىلدىڭ 24-ءشى ماۋسىمى مەن 2017 جىلدىڭ 1-ءشى ماۋسىمى ارالىعىندا «ازيا اۆتو» اق-مەن  شاناقتى بالقىتىپ بىرىكتىرۋ جانە بوياۋ بويىنشا تەحنولوگيالىق وپەراتسيالاردى ۇيىمداستىرۋ مىندەتتەمەسىمەن بىرگە 8703 تن ۆەد تس (جەڭىل اۆتوموبيلدەر) تاۋار پوزيتسياسىمەن موتورلى كولىك قۇرالدارىن ونەركاسىپتىك قۇراستىرۋ تۋرالى كەلىسىمگە قول قويىلدى. بىراق تا اتالعان مىندەتتەمە ورىندالعان جوق. سونداي-اق 2012 جىلدىڭ 28-ءشى جەلتوقسانى مەن 2019 جىلدىڭ 1-ءشى جەلتوقسانى ارالىعىندا «ازيا اۆتو قازاقستان» اق-مەن شاناقتى بالقىتىپ بىرىكتىرۋ جانە بوياۋ بويىنشا تەحنولوگيالىق وپەراتسيالاردى ۇيىمداستىرۋ مىندەتتەمەسىمەن بىرگە 8703 تن ۆەد تس (جەڭىل اۆتوموبيلدەر) تاۋار پوزيتسياسىمەن موتورلى كولىك قۇرالدارىن ونەركاسىپتىك قۇراستىرۋ تۋرالى كەلىسىمگە قول قويىلدى. بىراق اتالعان مىندەتتەمە دە ورىندالمادى. 

وندىرۋشىلەردىڭ مىندەتتەمەلەرىنە سايكەس، كومپانيالار 84 اي (7 جىل)ىشىندە شاناقتى بالقىتىپ بىرىكتىرۋ جانە بوياۋ بويىنشا تەحنولوگيالىق جابدىقتاردى پايدالانۋعا بەرۋى ءتيىس. ءارى موتورلى كولىك قۇرالدارىن ونەركاسىپتىك قۇراستىرۋ تۋرالى كەلىسىمگە قول قويۋ ەرەجەلەرىنىڭ 8 تارماعىنا سايكەس، ونەركاسىپتىك قۇراستىرۋ تۋرالى كوپجاقتى كەلىسىمگە قول قويۋعا بولادى. ونەركاسىپتىك قۇراستىرۋعا كوشۋ مەرزىمى كەلىسىم تاراپتارىنىڭ ءبىرى قابىلداعان ەڭ جوعارعى مەرزىمنەن اسىپ كەتپەۋى ءتيىس.

«ازيا اۆتو» اق كاسىپورنىنىڭ ءوز مىندەتتەمەلەرىن ورىنداۋعا دايىن ەمەستىگىن ەسكەرە وتىرىپ، مىندەتتەمەلەر مەرزىمىن ۇزارتۋ ماقساتىندا 2017 جىلدىڭ باسىندا «ازيا اۆتو» اق جəنە «ازيا اۆتو قازاقستان» اق موتورلى كولىك قۇرالدارىن ونەركاسىپتىك قۇراستىرۋ تۋرالى كوپجاقتى كەلىسىمگە قول قويۋ تۋرالى مينيسترلىككە ءوتىنىش ءبىلدىردى. 2017 جىلدىڭ 7-ءشى ساۋىرىندە مينيسترلىك اتالعان كاسىپورىندارمەن كەلىسىم اياسىنداعى مىندەتتەمەلەر مەرزىمىن 2019 جىلدىڭ 1-ءشى جەلتوقسانىنا دەيىن ۇزارتۋعا مۇمكىندىك بەرەتىن كوپجاقتى كەلىسىمگە قول قويدى. 

موتورلى كولىك قۇرالدارىن ونەركاسىپتىك جيناۋ تۋرالى كەلىسىمنىڭ 2.1.3 تارماقتارى بويىنشا ەسەپتى جىلدان كەيىنگى ءار كۇنتىزبەلىك جىلدىڭ 1 ساۋىرىنە دەيىن ءوندىرۋشى ۋاكىلەتتى ورگانعا جوسپاردىڭ ورىندالۋى تۋرالى كەلىسىم كەزەڭدەرىن ىسكە اسىرۋ كەستەسىن ۇسىنۋعا مىندەتتى.

وسىلايشا، وسى جىلدىڭ ساۋىرىندە ەسەپتى ۇسىنۋ بارىسىندا «ازيا اۆتو» اق-نىڭ موتورلى كولىك قۇرالدارىن ونەركاسىپتىك جيناۋ تۋرالى قول قويىلعان كوپجاقتى كەلىسىمگە سايكەس، 10 جىلدان بۇرىن العان مىندەتتەمەلەرىن كەزەكتى رەت ورىندالماعانى راستالدى»، - دەلىنگەن قۇزىرلى ورگان تاراتقان اقپاراتتا.  

سول سەكىلدى كەلىسىمنىڭ 4.3 تارماعىنا سايكەس، بەلگىلەنگەن نورمالار ورىندالماعان نەمەسە ءتيىستى دەڭگەيدە ورىندالماعان جاعدايدا ۋاكىلەتتى ورگان وندىرۋشىگە انىقتالعان بۇزۋشىلىقتاردى كورسەتىپ، ونى 1 ايدىڭ ىشىندە جويۋعا جازباشا حابارلاما جىبەرۋگە قۇقىلى.

بۇل حابارلاما «ازيا اۆتو» اق جانە «ازيا اۆتو قازاقستان» اق كاسىپورىندارىنىڭ مەكەنجايىنا بيىل ءسəۋىردىڭ 11-دە جىبەرىلدى.  

وسى بۇيرىقتا قاراستىرىلعان سىن-ەسكەرتپەلەر 1 ايدىڭ ىشىندە جويىلماسا نەمەسە ءتيىستى دەڭگەيدە اتقارىلماعان جاعدايدا، ازاماتتىق زاڭ تارتىبىنە ساي كەلىسىم بۇزىلىپ، جەڭىلدىكتەر بەرۋ توقتاتىلادى. سالالىق ۆەدومستۆو بۇل ەرەجە «ازيا اۆتو» اق جانە «ازيا اۆتو قازاقستان» اق-نا حابارلاندىرىلعانىن ايتتى.

ەكونوميست جəنە بلوگەر دەنيس كريۆوشەەۆ بيلىكتىڭ بۇل قادامىن قۋاتتاپ وتىر. ءتىپتى بۇل شەشىمدى əلدەقايدا بۇرىن قابىلداۋ كەرەك ەدى دەيدى.

«ۇكىمەت كەلىسىمدى بۇزۋ تۋرالى شەشىمدى تىم سوزىپ جىبەردى. 2003-2019 جىلدار ارالىعىندا كəسىپورىن 350 گەكتار جەر كولەمىندە جəنە 340،7 ملرد تەڭگە شاماسىندا جەڭىلدەتىلگەن گرانتقا يە بولدى. 2019 قاراشا ايى مەن 2020 جىلدىڭ ناۋرىز ايى ارالىعىندا 40،5 ملرد تەڭگە كولەمىندە مەملەكەتتىك قولداۋ كورسەتىلدى. بۇل بانكتەردىڭ الدىنداعى 106 ملرد تەڭگە مولشەرىندەگى قارىزدى ەسەپكە الماعاندا»، - دەگەن ويىن ءبىلدىردى فەيسبۋكتەگى پاراقشادا د.كريۆوشەەۆ.

كومپانيا باسشىلىعىنىڭ ايتۋىنشا، كەلىسىمدەگى مىندەتتەردىڭ ورىندالماۋىنا قالىپتاسقان احۋالدان بولەك، تەڭگەنىڭ ءۇش مəرتە قۇنسىزدانۋى ىقپال ەتسە كەرەك. تەك بىلتىردىڭ وزىندە «ازيا اۆتو» 97 ملن دوللار جوعالتقان.

ء«برىنشى توقسانداعى ءوندىرىس كولەمىنىڭ ارتۋى بىزگە 70 جاڭا جۇمىس ورنىن قۇرۋعا مۇمكىندىك بەردى. بۇل شامامەن 10% - دان اساتىن ءوسىم كورسەتكىشى. سونىمەن قاتار ەلىمىزدەگى كوروناۆيرۋستىق ينفەكتسياعا قارسى كۇرەسكە ۇلەسىمىزدى قوسىپ جاتىرمىز. كومپانيا توبى قازاقستان ايماقتارىنداعى جەدەل شتابتار مەن ۆولونتەرلىك توپتارعا 80 اۆتوكولىكتى پايدالانۋعا بەردى. 200-دەن استام قىزمەتكەرىمىز ۆولونتەرلىك شتابتاردىڭ جۇمىسىنا قاتىسىپ ءجۇر. بۇعان قوسا اۋرۋحانالاردى مەديتسينالىق ماسكالارمەن قامتۋدى قولعا الدىق. ونىڭ ءوندىرىسى ءبىزدىڭ كəسىپورىندا جولعا قويىلدى»، - دەدى «ازيا اۆتو» اق باس ديرەكتورى ەرىك ساعىمباەۆ.

يندۋستريا جəنە ينفراقۇرىلىمدىق دامۋ مينيسترلىگى «ازيا اۆتو» اق كومپانياسى كولىك قۇرالدارى ءوندىرىسىن، سول سەكىلدى «ازيا اۆتو قازاقستان» اق تولىق تسيكلدى زاۋىت قۇرىلىسىن جالعاستىرۋعا قۇقىلى ەكەنىن جەتكىزدى. جاۋاپتى ۆەدومستا ءتيىستى مىندەتتەمەلەر ورىندالعاننان كەيىن كەلىسىم جاساپ، جەڭىلدىكتەر ۇسىنۋ مۇمكىندىگىن قاراستىرۋعا دايىن دەپ ناقتىلادى يدم ءباسپاسوز قىزمەتى.

سوڭعى جاڭالىقتار

ەلگە كەرەك ەكى كىتاپ

رۋحانيات • بۇگىن، 08:52

«عارىشقا اپارار جول»

رۋحانيات • بۇگىن، 08:50

العاشقى عارىش ايلاعى

وقيعا • بۇگىن، 08:48

تاريحي جەرلەردىڭ تاعىلىمى بولەك

رۋحانيات • بۇگىن، 08:30

شيرەك فينالدا ءسۇرىندى

تەننيس • بۇگىن، 08:11

ەل-كلاسيكودا جەڭىسكە جەتتى

فۋتبول • بۇگىن، 08:06

رۋحى بيىك ەل ەشقاشان جەڭىلمەيدى

رۋحانيات • بۇگىن، 08:05

يزرايلدەن باسىم ءتۇستى

سپورت • بۇگىن، 08:04

عىلىمنىڭ جاڭا بەلەسى

عىلىم • بۇگىن، 08:01

ۇلتتىق ۇردىستەر ۇزىلمەيدى

قازاقستان • كەشە

ۇقساس جاڭالىقتار