تاريح • 18 مامىر، 2020

بۇگىن «مۋزەي ءتۇنى» ونلاين وتەدى

81 رەتكورسەتىلدى

ۇلتتىق مۋزەي حالىقارالىق مۋزەيلەر كۇنى مەرەكەسىنە وراي «مۋزەي ءتۇنى» اكتسياسىن وتكىزەدى. بيىلعى كارانتينگە بايلانىستى شارا ونلاين فورماتتا ۇيىمداستىرىلادى. بۇل تۋرالى مۋزەيدىڭ ءباسپاسوز قىزمەتى حابارلادى.

«مۋزەي ءتۇنى» اكتسياسى قازاقستاننىڭ ۇلتتىق مۋزەيىندە جىل سايىن ءداستۇرلى تۇردە ءوتىپ كەلەدى. شارا وسىعان دەيىن 5 مارتە ۇيىمداستىرىلدى. 2015 جىلعى العاشقى اكتسياعا 23 مىڭ ادام قاتىسسا، 2016 جىلعى 18 مامىر كۇنى ۇلتتىق مۋزەيگە 30 مىڭنان استام ادام كەلگەن. 2017 جىلى اتالعان اكتسيا 2 رەت وتكىزىلدى. ونىڭ العاشقىسى «ناۋرىز» مەرەكەسىنە وراي «ناۋرىز – جاڭعىرۋ نىشانى» دەگەن تاقىرىپپەن ۇيىمداستىرىلدى، ال ەكىنشىسى  حالىقارالىق مۋزەيلەر كۇنىنە ارنالدى.

بيىلعى جىلى «مۋزەي ءتۇنى» شاراسى ء«بىر بىرگەمىز» تاقىرىبىندا الەۋمەتتىك پاراقشالاردا جۇرگىزىلەدى. باعدارلاما بارىسىندا كورەرمەندەر نازارىنا مۋزەي زالدارى بويىنشا تۇسىرىلگەن « ۇلى دالا جاۋھارلارى» جانە «ۇلتتىق مۋزەي – ۇلت ايناسى» اتتى دەرەكتى فيلمدەر ۇسىنىلادى.

شارانىڭ ماقساتى - مادەني قۇندىلىقتاردى، حالقىمىزدىڭ تاريحىن، مادەنيەتىن، سالت-ءداستۇرىن زاماناۋي فورماتتا تانىتىپ، مۋزەي قىزمەتىن، ونداعى ەكسپوناتتار مەن جادىگەرلەردى كەڭىنەن ناسيحاتتاۋ.

حالىقارالىق مۋزەي كۇنى مەرەكەسى 1977 جىلى حالىقارالىق مۋزەيلەر كەڭەسىنىڭ باس كونفەرەنتسياسىندا بەكىتىلگەن. اتالعان داتاعا وراي 1997 جىلى تۇڭعىش رەت «مۋزەي ءتۇنى» شاراسى بەرلين قالاسىندا وتكىزىلدى.

سوڭعى جاڭالىقتار

قىرشىن كەتكەن ساڭلاق

سپورت • بۇگىن، 17:35

ۇقساس جاڭالىقتار