قوعام • 14 مامىر، 2020

كارانتين ماۋسىمعا دەيىن جالعاسادى

1429 رەت كورسەتىلدى

ەلىمىزدە توتەنشە جاعداي رەجىمى الىنعانىمەن، شەكتەۋ شارالارى جالعاسىپ جاتقانى بەلگىلى.

وڭىردە باسقا ايماقتارمەن سالىستىرعاندا جۇقپالى ين­فەكتسياعا شالدىققاندار سانى ءبىرشاما از بولعانىمەن سە­مەي قالاسىنداعى جاعداي تۇرعىن­داردىڭ الاڭداۋشىلىعىن تۋدىرىپ وتىر. ماسەلەن، وبلىستا كوروناۆيرۋستىڭ 53 فاكتىسى تىركەلسە، سونىڭ 43-ءى – سەمەيدە. سوندىقتان وڭىردە كارانتين شارالارىن 1 ماۋسىمعا دەيىن ۇزارتۋ تۋرالى شەشىم قابىلداندى. «شىعىس قازاقستان  كارانتيننەن كەلەسى رەتپەن شىعادى. 12 مامىردان باستاپ سەمەيدەن وزگە بارلىق قالالار مەن اۋدانداردا كەزەڭ-كەزەڭمەن جۇمىس رەجىمىنە كوشۋ باستالادى. وسى كۇننەن اۋدانى 500 شارشى مەتردەن اسپايتىن ازىق-ت ۇلىك ەمەس تاۋارلاردىڭ كوتەرمە جانە بولشەك ساۋدا وبەكتىلەرى، سونداي-اق، سۇلۋلىق سالوندارى، گۇل دۇكەندەرى جۇمىسقا كىرىسەدى. 18 مامىردان كومپيۋتەرلىك، تۇرمىستىق تەحنيكالاردى ساتۋ جانە جوندەۋ سالوندارى اشىلادى. بۇل ساناتتا قۇرىلىس ماتەريالدارىن بولشەك ساتۋمەن اينالىساتىن ساۋدا ورىندارى، اۆتوسالوندار، لومباردتار، كىر جۋ جانە حيميالىق تازالاۋ كاسىپكەرلىك نىساندار كىرەدى. بۇدان بولەك، اشىق الاڭدارداعى سپورت نىساندارى، قاشىقتىقتان جەتكىزۋ جانە تاماقتى وزىمەن بىرگە الىپ كەتۋ شارتىمەن قوعامدىق تاماقتانۋ ورىندارى قىزمەتتەرىن جانداندىرادى. الدىن الا كەزەكتى برونداۋ ءتارتىبى بويىنشا حقكو جۇمىسى باستالادى. ساياجاي ۋچاسكەلەرىنە بارۋ جونىندە كوپتەگەن سۇراقتار ءتۇستى. سونىمەن، ساياجايعا جۇپ، تاق كۇندەرى، سەنبى، جەكسەنبى مەن مەرەكە كۇندەرىن قوسا العاندا قاتىناۋعا رۇقسات بەرىلگەن. جاعداي جاقسارعان جاعدايدا رۇقساتتاما بويىنشا قوزعالىس رەجىمى توقتاتىلادى. جالپى، كارانتين رەجىمىن اياقتاۋ، قالىپتى تىنىس-تىرشىلىككە ورالۋ ماۋسىمنىڭ باسىنا بولجانىپ وتىر» دەيدى وبلىس اكىمى دانيال احمەتوۆ.

 

شىعىس قازاقستان وبلىسى

 

سوڭعى جاڭالىقتار

شىرقاۋ شىڭى شوقاننىڭ

رۋحانيات • كەشە

ۇقساس جاڭالىقتار