ايماقتار • 14 مامىر، 2020

شەكتەۋ شەكاراسى كەڭىدى

46 رەت كورسەتىلدى

ەلىمىزدە توتەنشە جاعداي رەجىمى الىنىپ تاستالعانمەن، ارقانى كەڭگە سالۋعا ءالى ەرتە. سەبەبى، كەي وڭىرلەردە بوي بەرمەي تۇرعان ۆيرۋستى جۇقتىرۋ قاۋپى تولىعىمەن سەيىلە قويعان جوق. مۇنداي ايماقتاردىڭ قاتارىنا قاراعاندى وبلىسىن دا جاتقىزۋعا بولادى.

ارقا توسىندە كارانتيندىك شارا­لار جەڭىلدەتىلگەنمەن، بىر­قاتار شەكتەۋلەر ءبارىبىر دە ساقتا­لاتىن بولدى. بۇل تۋرالى قاراعان­دى وبلىسىنىڭ تاۋارلار مەن كورسە­تى­لەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپار­تامەنت­نىڭ باسشىسى قانات اسقاروۆ ارنايى بريفينگ بارىسىندا بايان ەتتى.

– «بۇدان ءارى شەشىمدەر ەپيدە­ميالىق جاعداي ەسكەرىلە وتىرى­لىپ، كەزەڭ-كەزەڭىمەن قابىل­داناتىن بولادى. توتەنشە جاع­داي رەجىمى توقتاتىلعانمەن، بىر­قاتار وڭىردە، سونىڭ ىشىندە قارا­عاندى وبلىسىندا كوروناۆيرۋس ينفەك­تسياسىنىڭ ودان ءارى تارالۋ قاۋپى ساقتالۋدا. سول سەبەپتى، قالىپ­تاسقان ەپيدەميالىق جاع­داي ەسكەرىلە وتىرىلىپ، كاران­تين­دىك شەكتەۋلەر بىرتىندەپ الىناتىن بولادى، – دەدى قانات اسقاروۆ.

جالپى، قاراعاندى وبلىسىندا كارانتيندىك شەكتەۋ ەنگىزىلگەن 20 ناۋرىزدان 10 مامىرعا دەيىنگى ارالىقتا 196 ادامنىڭ كوروناۆيرۋس ينفەكتسياسىن جۇقتىرعانى تۋرالى رەسمي مالىمەت بار. وكىنىشكە قاراي، ءۇش ناۋقاس قايتىس بولدى. ال كوڭىلگە دەمەۋ بولارلىعى، 96 ناۋقاس دارىگەرلەردىڭ كومەگىمەن ىندەتتى جەڭە ءبىلدى.

اتالعان ۆەدومستۆو باسشىسى قا­راعاندى وبلىسى بويىنشا مامىر­دىڭ 12-سىنەن باستاپ كاران­تيندى جەڭىلدەتۋدىڭ ءىس-شارالارى قالايشا جۇزەگە اساتىنىن بىلايشا ەگجەي-تەگجەيلى ءتۇسىندىرىپ بەردى.

ءۇش ادامعا دەيىن ساياباقتار مەن گۇلزارلاردا، الاڭداردا توپتاسىپ جۇرۋگە رۇقسات بەرىلدى. الەۋمەتتىك قاشىقتىقتى ساقتاي وتىرىپ، وتباسىمەن قىدىرىستاۋعا دا بولادى.

تاكسيدە جولاۋشىلار سانى بويىن­شا شەكتەۋ الىنىپ تاستالدى. اۋدانى 2 مىڭ شارشى مەترگە دە­يىن­گى ازىق-ت ۇلىك ەمەس تاۋارلار ساتا­­تىن جانە ازىق-ت ۇلىك ەمەس بازار­لاردىڭ عيماراتتارىنان تىس ورنا­لاس­قان نىساندار، ياعني ساۋدا ۇيلەرى، ورتالىقتار، دۇكەندەر اشىلدى.

مونشالار، ساۋنالار، تىگىن اتەلەلەرى، اياق كيىم، كيىم، ساعات جوندەۋ شەبەرحانالارى، سونداي-اق جۇمىس ۋاقىتى ساعات 10:00-دەن 17:00-گە دەيىن شەكتەلەتىن ازىق-ت ۇلىك ەمەس بازارلار اشىلدى.

مادەنيەت مەكەمەلەرىنە جەكە جانە توپتىق دايارلىققا قاتىسۋعا 30 ادامعا دەيىن عانا رۇقسات بەرىلدى. ال كورەرمەندەرىڭ قاتىسۋىمەن وتەتىن ءىس-شارالارعا تىيىم ءالى ءوزىنىڭ كۇشىن جويا قويعان جوق.

بالالاردى كوررەكتسيالىق تۇزەتۋ كابينەتتەرى جۇمىسىن باستايدى. بۇل جەردەگى قىزمەتتەر  الدىن الا جازىلۋ بويىنشا، قىزمەتكەرلەر مەن بالالاردىڭ تەرمومەترياسى مىندەتتى تۇردە تەكسەرىلىپ، كۇشەي­تىلگەن سانيتارلىق-دەزينفەك­تسيالىق رەجىم ساقتاي وتىرىلىپ جۇرگىزىلەدى. جرۆي بەلگىلەرى بار قىزمەتكەرلەر مەن بالالار ساباققا جىبەرىلمەيدى.

مەملەكەتتىك ورگاندار مەن بيزنەس-ورتالىقتارداعى جانە ساۋدا وبەكتىلەرىندەگى 2 مىڭ شارشى مەتردەن اساتىن نىسانداردى قوسپاعاندا، قالعان كەڭسەلەر قىزمەتىن باستايدى. بۇل جەردە، ەگەر شتاتتا 30-دان استام ادام بولسا، قىزمەتكەرلەردىڭ تەڭ جارتىسىنىڭ قاشىقتان جۇمىس ىستەۋى كەرەكتىگىن قاتاڭ ەسكەرۋگە تۋرا كەلەدى.

سونداي-اق بەلگىلەگەن سانيتار­لىق-دەزينفەكتسيالىق رەجىم جانە قوسىمشا تالاپتار مىندەتتى تۇردە ساقتالعان جاعدايدا، ەل ىشىندەگى اۆيارەيستەرگە رۇقسات ەتىلدى.

سونىمەن قاتار جالپى اۋماعى 500 شارشى مەترگە دەيىنگى ازىق-ت ۇلىك ەمەس تاۋارلاردى ساتاتىن نىساندار، جارناما اگەنتتىكتەرى، باسپاحانالار، بارلىق تۇردەگى قويمالار، جىلجىمايتىن م ۇلىك­پەن وپەراتسيالار جاسايتىن كومپا­نيالار، فوتوسالوندار، كىر جۋ جانە حيميالىق تازالاۋ ورىن­دارى، ەكىنشى دەڭگەيدەگى بانك­تەر­دىڭ فيليالدارى مەن بولىم­شەلەرى، حالىققا قىزمەت كورسەتۋ ورتا­لىقتارى، لومباردتار، اقشا ايىرباستاۋ پۋنكتتەرى، ميكروقار­جى جانە ميكروكرەديتتىك ۇيىمدار، ساقتاندىرۋ كومپانيالارى، اق­پا­­راتتىق-كوممۋنيكاتسيالىق تەح­نولوگيالار كومپانيالارى، قۇ­رىلىس ماتەريالدارىن ساتۋ بو­يىن­شا مامانداندىرىلعان دۇ­كەندەر جۇمىس ىستەي باستادى. بۇلاردىڭ قاتارىنا ساۋدا ۇي­لەرىندە، ورتالىقتاردا، بيزنەس-ورتا­لىقتاردا ورنالاسقاندارى جاتپايتىنىن ەسكەرۋ كەرەك.

جەتكىزۋ رەجىمىندە تۇرمىستىق تەحنيكا مەن ەلەكتر تاۋارلارىن، جانۋارلارعا ارنالعان تاۋارلاردى، تۇرمىستىق حيميانى، سونداي-اق قوسالقى بولشەكتەر مەن شىعىس ماتەريالدارىن وتكىزەتىن اۋدانى 500 شارشى مەتردەن اساتىن ساۋدا نىساندارىنا جۇمىس ىستەي باستاۋعا رۇقسات ەتىلدى.

كارانتيننىڭ ەرەكشە تارتىبىندە تۇرعان تەمىرتاۋدىڭ وزىندە دە بىرقاتار جەڭىلدەتۋلەر ەنگىزىلەدى. مىسالى، قالادا قوعامدىق كولىك جۇمىسى قايىرا جاندانادى. جەكە اۆتوكولىكتەردىڭ جۇرۋىنە رۇقسات بار. تاكسيدە جولاۋشىلار سانى بويىنشا شەكتەۋ جوق. شاشتارازدار، سۇلۋلىق سالوندارى الدىن الا جا­زىلعان كليەنتتەرىنە قىزمەت كور­سە­تە باستادى. بۇلار ساعات 20:00-گە دەيىن جۇمىس ىستەيدى.

قانات اسقاروۆ بريفينگ بارىسىندا ينفەكتسيالىق قاۋىپ سەيىل­مە­يىنشە، وبلىستا بالا باقشا­لاردىڭ ازىرگە اشىلمايتىنىن ايتتى.

سانيتارلىق بلوك-بەكەتتەرگە كەلسەك، ولار ىندەتتىڭ وشاعىنا اينالىپ وتىرعان تەمىرتاۋدا عانا قا­لىپ، وبلىستىڭ قالعان اۋما­عىن­دا الىنىپ تاستالدى. ياعني قالالار مەن اۋداندار اراسىندا شەكتەۋسىز ءجۇرىپ تۇر.

دەگەنمەن، وبلىستىڭ باس مەم­لە­كەت­­تىك سانيتارلىق دارىگەرى ىن­دەت­تى جۇق­تىرۋدىڭ قاۋپى ءالى دە بول­سا جو­عارى ەكەنىن ايتا كەلىپ، تۇر­عىن­دار­دى سانيتارلىق جانە دەزينفەك­تسيا­لىق تالاپتاردى قاتاڭ ساقتاۋعا شاقىردى.

 

قاراعاندى

 

سوڭعى جاڭالىقتار

تۇركىستان جاسىل قالاعا اينالۋدا

وڭتۇستىك قازاقستان • كەشە

ۇقساس جاڭالىقتار