ايماقتار • 12 مامىر، 2020

بيىل شىمكەنتتە 300 اۋلا اباتتاندىرىلادى

19 رەت كورسەتىلدى

شىمكەنتتە جىل باسىنان بەرى 57 اۋلا اباتتاندىرىلىپ، ەل يگىلىگىنە بەرىلدى. ونىڭ ىشىندە 30 جىلدان بەرى بالالار الاڭشاسى بولماعان كوپقاباتتى تۇرعىن ءۇي اۋلالارى دا بار. بۇل تۋرالى شىمكەنت قالاسىنىڭ توتەنشە جاعداي جونىندەگى شتابى حابارلادى.

ونداعى اياقجولدار جاڭعىرتىلىپ، ەسىك الدىنا ورىندىقتار ورناتىلىپ، جارىق شامدار قويىلعان. ىشكى ورامداعى جولدار دا توسەلگەن. بالالار الاڭشاسىنا توسەلەتىن جۇمساق رەزەڭكە توسەنىشتەر مەن اسفالت بۇزىلسا، مەردىگەر ۇيىمدار قايتا جوندەيدى. ءبىر قۋانارلىعى، قۇرىلىسقا قاجەتتى زاتتاردىڭ باسىم بولىگى - وتاندىق. ەڭ باستىسى ساپاعا ءمان بەرىلىپ وتىر.

مەملەكەتتىك جانە جەكەمەنشىك ارىپتەستىك اياسىندا جىل سوڭىنا دەيىن تاعى 300 اۋلانى جوندەۋ جوسپارلانعان. ال 2021 جىلى 319 اۋلا قايتا جاڭعىرتىلماق. بۇعان قوسا سپورت الاڭدارىن تۇگەلىمەن جاڭارتۋ مەجەلەنگەن.

اتاپ ايتار بولساق، بيىل اباي اۋدانىندا 107 اۋلانى اباتتاندىرۋ جۇمىستارى جوسپارلانعان. ءال-فارابي اۋدانىندا 83 ويىن الاڭى مەن 18 سپورت الاڭشاسىن قۇرۋ مەجەلەنگەن. ال، كەلەر جىلى 109 ويىن الاڭى مەن 7 سپورت الاڭشاسىن قۇرىلماق.

ەڭبەكشى اۋدانىندا بيىل 83 اۋلا اباتتاندىرىلىپ، 6 اشىق سپورت الاڭشاسى قۇرىلماق، 2021 جىلى 9 اشىق سپورت الاڭشاسىن قۇرۋ جوسپارلانعان.

2020 جىلى قاراتاۋ اۋدانىندا 57 اۋلا اباتتاندىرىلىپ، 20 اشىق سپورت الاڭى قۇرىلدى. جىل سوڭىنا دەيىن تاعى 8 اۋلا جاڭارتىلىپ، 10 اشىق سپورت الاڭشاسىن سالۋ جوسپاردا بار. 2021 جىلى وسى اۋداندا 58 اۋلا قايتا جاڭعىرتىلماق.

ءبىر سوزبەن ايتقاندا، الداعى جىلدارى قالاداعى كوپقاباتتى تۇرعىن ءۇي الدىنداعى اۋلالار بىرتىندەپ تولىقتاي جوندەلەتىن بولادى.

سوڭعى جاڭالىقتار

«جىرى» بىتپەيتىن جول

قوعام • بۇگىن، 06:48

اكىمدەر ءھام الەۋمەتتىك جەلى

ساياسات • بۇگىن، 06:40

قالدىق نەگە قاجەتسىز؟

ەكولوگيا • بۇگىن، 06:36

ۇقساس جاڭالىقتار