ايماقتار • 12 مامىر، 2020

«قاراپايىم زاتتار» ەكونوميكاسىنا ارقا سۇيەيتىن ۋاقىت كەلدى

119 رەت كورسەتىلدى

كەشە ەل پرەزيدەنتى قاسىم-جومارت توقاەۆ ەلىمىزدەگى توتەنشە جاعدايلارعا بايلانىستى قۇرىلعان كوميسسيا وتىرىسىندا كورونوۆيرۋس پاندەمياسى سالدارىنان تۋىنداعان قيىندىقتاردى شەشۋ بويىنشا ەلىمىزدە ىستەلگەن ناقتى ءىس-شارا باعىتتارىن قورىتىندىلاپ، جاريا ەتتى.

جالپى، ەل بويىنشا وسى از ۋاقىت ىشىندە 4،5 ميلليوننان استام ادامعا 42500 تەڭگە كولەمىندە قارجىلىق كومەك كورسەتىلۋى، 1 ميلليوننان استام ازاماتقا ازىق-ت ۇلىك پەن تۇرمىستىق زاتتاردىڭ تەگىن بەرىلۋى، كوممۋنالدىق تولەمدەردى تولەۋگە قوسىمشا قارجى ءبولىنۋى، بيزنەس سالاسىنداعى كومپانيا مەن كاسىپكەرلەر ءۇشىن سالىق جۇكتەمەسىن ازايتۋ جانە تاعى باسقادا باعىتتار بويىنشا دەر كەزىندە بەرىلگەن ناقتى كومەك قازاقستان ەكونوميكاسىنىڭ پارمەندىلىگىن كورسەتتى. ەندى ەكونوميكانى قالپىنا كەلتىرۋ جۇمىستارى بەلەڭ الماق. بۇل – زاڭدى ارەكەت. ەكىنشى جاعىنان، كوروناۆيرۋس مەملەكەتتىڭ ىشكى مۇمكىندىگىن كورسەتىپ، الداعى كۇندەردەگى باعىتىن دا ايقىنداپ بەرگەندەي. ياعني، ۇكىمەت الداعى دامۋ جوسپارىن جاساۋ كەزىندە جەڭىل ونەركاسىپتى وركەندەتۋگە باسىمدىق بەرەدى دەگەن سەنىمدەمىز. وتاندىق ەكونوميستەر دە وسىنداي پىكىردە. ماسەلەن، يلياس جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ وقىتۋشىسى، ەكونوميكا عىلىمدارىنىڭ كانديداتى بالقيا شومشەكوۆا «قازاقستان ءۇشىن «قاراپايىم زاتتار» ەكونوميكاسىنا ارقا سۇيەتىن ۋاقىت كەلدى» دەگەن پىكىردە.

 - مەملەكەتىمىز دەر كەزىندە توتەنشە جاعدايدى ەنگىزە وتىرىپ، وتانداستارىمىزدى «قاراپايىم زاتتار ەكونوميكاسىنىڭ» قاجەتتىلىگىمەن قامتۋ ارقىلى، ەلىمىزدەگى ءومىر ءسۇرۋ دەڭگەيىنىڭ تومەندەۋىنە جول بەرمەۋگە تىرىستى. كورونوۆيرۋستىڭ ەتەك الماۋىنا مەملەكەتتىك دەڭگەيدە توسقاۋىل قويىپ، ونى ەلىمىزدىڭ ەرەكشەلىكتەرىن ەسكەرە وتىرىپ جۇرگىزىلۋى كوڭىلگە نىق سەنىم ۇيالاتتى. ەكونوميكا تىلىمەن ايتقاندا، «قوعام تاۋاردى تۇتىنباي تۇرا المايتىنى سياقتى، ونى وندىرمەي دە تۇرا المايتىنى بەلگىلى». ياعني، الداعى ۋاقىتتا الەمدى جايلاعان كورونوۆيرۋس پاندامەياسى كوپتەگەن ەلدەردىڭ تۇتىنۋشىلىق قاعيدالارىنا، ونىڭ ىشىندە قازاقستاندىقتاردىڭ ءومىر ءسۇرۋ سالتى مەن الەۋمەتتىك- ەكونوميكالىق ومىرىنە، ەلەۋلى وزگەرىس اكەلەتىنى انىق. سوندىقتان ەلىمىزدە قالىپتاسقان ەكونوميكا سالالارىنا قۇرىلىمدىق وزگەرتۋدى ەنگىزۋ جانە ونى جاڭا تالاپقا ساي بەيىمدەۋگە بەت بۇرۋى - وتاندىق ءوندىرىستىڭ قارقىندىلىعىن ارتتىرۋداعى وبەكتيۆتى قاجەتتىلىكتەن تۋىنداپ وتىر. بۇل وزگەرىس بۇكىل قوعام تاراپىنان ۇلكەن قولداۋعا يە بولاتىن قۇپتارلىق ءىس دەپ سانايمىن. وتكەنى، ول ۇلتتىق ەكونوميكانىنىڭ ءتۇرلى سالالارىن جاڭاشا قۇرۋعا جانە سوعان لايىق جاڭاشا ءومىر ءسۇرۋ ورتاسىن قالىپتاستىرۋعا نەگىز بولادى جانە بەلسەندى قىزمەت ەتۋگە دەگەن قىزىعۋشىلىقتاردى ارتتىرۋعا ءورىس بەرەدى. توق ەتەرىن ايتقاندا الداعى كۇندەردە قازاقستان باسقا دا جاھاندانۋ تابيعاتىندا بولاتىن ءتۇرلى اۋىتقىمالى دامۋ سالدارىنان تۋىنداعان قيىندىقتاردان قورعانۋدىڭ وزىندىك جولدارىن انىقتاپ، الەۋمەتتىك-ەكونوميكالىق ءومىر ءسۇرۋ ورتاسىن جاڭاشا قۇرۋعا بەيىمدەلەتىنى انىق، - دەيدى ەكونوميست بالقيا شومشەكوۆا.

 

 

الماتى وبلىسى

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • 10 شىلدە، 2020

پنەۆمونياعا باسقا اتاۋ بەرىلۋى مۇمكىن

كوروناۆيرۋس • 10 شىلدە، 2020

كوروناۆيرۋس ىندەتى 3 كەزەڭنەن تۇرادى

كوروناۆيرۋس • 10 شىلدە، 2020

ۇقساس جاڭالىقتار