11 مامىر، 2020

جامبىل وبلىسىندا كوروناۆيرۋس جۇقتىرعاندار سانى 179-عا جەتتى

142 رەت كورسەتىلدى

سوڭعى ۋاقىتتا جامبىل وبلىسىندا كوروناۆيرۋس ينفەكتسياسىن جۇقتىرۋ دەرەگى ءجيى تىركەلۋدە.

قاۋىپتى ىندەتتىڭ بەلگىلەرى كۇن سايىن انىقتالۋدا. اعىمداعى جىلعى 11 مامىرداعى جاعداي بويىنشا وبلىس اۋماعىندا كوروناۆيرۋستىق ينفەكتسيانىڭ 179 جاعدايى تىركەلگەن. ونىڭ ىشىندە وبلىس ورتالىعى تاراز قالاسىندا 87، بايزاق اۋدانىندا 17، جامبىل اۋدانىندا 6، قورداي اۋدانىندا 37، مەركى اۋدانىندا 4، شۋ اۋدانىندا 2 جانە مويىنقۇم اۋدانىندا 1 جاعدايدان انىقتالىپ وتىر. سونداي-اق، ءۇندىستان ەلىنەن كەلگەن «دەلي – تاراز» رەيسى جولاۋشىلارىنان 6، اتىراۋ وبلىسىنداعى تەڭىز ۆاحتالىق كەنتىنەن كەلگەن جۇمىسشىلار اراسىنان 19 ىندەت جۇقتىرۋ دەرەگى انىقتالعان.

جالپى، بۇگىندە قاۋىپتى ىندەتتى جۇقتىرعان 84 ازامات ەمدەلىپ، ولار ءۇي كارانتينىنە شىعارىلعان. جامبىل وبلىستىق اكىمدىگىنىڭ حابارلاۋىنشا، اتالعان ازاماتتار دارىگەرلەردىڭ باقىلاۋىندا بولادى.

 

جامبىل وبلىسى

سوڭعى جاڭالىقتار

ۇقساس جاڭالىقتار