تاريحى باي، الەۋەتى زور كاسىپورىندا جەكە كونسترۋكتورلىق بيۋرو جۇمىس ىستەيدى

ايماقتار • 09 مامىر، 2020

الەۋەتى زور كاسىپورىندا جەكە كونسترۋكتورلىق بيۋرو جۇمىس ىستەيدى

11 رەت كورسەتىلدى

«س.م. كيروۆ اتىنداعى ماشينا جاساۋ زاۋىتى» اق 1942 جىلى الماتى قالاسىندا قۇرىلعان. قازىر كاسىپورىن كەمە گيدراۆليكاسى بۇيىمدارىنىڭ 200-دەن استام ءتۇرىن وندىرەدى، دەپ حابارلايدى يدم ءباسپاسوز قىزمەتى.

سۇڭعات ءالىپباي

كاسىپورىن سونىمەن قوسا تەڭىز قارۋ-جاراعىنىڭ ارنايى بولىمدەرىن، جانۋ اۆتوماتيكاسى بۇيىمدارىن، تەمىر جول سالاسىنا ارنالعان بۇيىمداردى (130-دان استام ءتۇرى)، تاۋ-كەن جانە مۇناي-گاز سەكتورلارىن جاڭعىرتۋعا جانە قالپىنا كەلتىرۋگە ماماندانعان.

زاۋىت ءوز باستاۋىن 1882 جىلدان الادى. سول جىلى ۋكراينانىڭ ۇلكەن توقماك تاۆريا جەرىندە نەمىس كاسىپكەرلەرى فۋكس جانە كلەينەرمەن اۋىل شارۋاشىلىعى ماشينالارىن وندىرەتىن كاسىپورىن قۇردى.

1935 جىلى 9 شىلدەدە زاۋىتقا س. م. كيروۆ ەسىمى بەرىلەدى جانە كسرو حالىق كوميسسارلارى كەڭەسىنىڭ قاۋلىسىمەن تەڭىزدەگى قوزعالاتىن تەڭىز مينالارى مەن قارۋىنىڭ ءبىرىنشى وتاندىق ۇلگىسىن جاساۋعا كىرىسۋ تاپسىرىلادى. زاۋىت قايتا جاڭارتىلىپ، س. م. كيروۆ اتىنداعى № 175 زاۋىتقا اينالادى. وسى ساتتەن باستاپ زاۋىت پاروگاز تورپەدالار ءوندىرىسى بويىنشا كاسىپورىن بولدى. تورپەدالاردىڭ العاشقى ۇلگىلەرى 1937 جىلى اسكەري-تەڭىز فلوتىن قارۋلاندىرۋعا بەرىلدى.

1940 جىلى ۇلى وتان سوعىسىنىڭ باسىندا ستراتەگيالىق ماڭىزى بار زاۋىت ماحاچكالا قالاسىنا، ال 1942 جىلدىڭ سوڭىندا الماتىعا كوشىرىلدى. ءدال قازاقستاندا كسرو-دا كۇردەلى ماشينا جاساۋ ونىمدەرىن شىعاراتىن بىرەگەي جانە جالعىز وندىرىستىك بازا - جىلۋ قوزعالتقىشى قوندىرعىلارى بار تورپەدا قۇرىلدى.

1950-1980 جىلدار كەزەڭى. كيروۆ اتىنداعى ماشينا جاساۋ زاۋىتى كەڭەس قورعانىس ونەركاسىبىنىڭ ەڭ ءىرى جانە قۇپيا كاسىپورىندارىنىڭ قاتارىنا ەندى. ءوزىنىڭ عىلىمي-تەحنيكالىق جانە تەحنولوگيالىق الەۋەتى بويىنشا «كيروۆەتسكە» تەڭ كاسىپورىندار باتىستىڭ ەڭ دامىعان ەلدەرىندە دە سيرەك ەدى. ونىمدىلىگى جاعىنان دا زاۋىت تەك كسرو-دا ەمەس، الەمدەگى ءىرى تورپەدالار ءوندىرۋشىسى بولدى.

1990 جىلدار. «س.م. كيروۆ اتىنداعى ماشينا جاساۋ زاۋىتى» اق قازاقستان رەسپۋبليكاسىنىڭ مەملەكەتتىك م ۇلىك جونىندەگى الماتى اۋماقتىق كوميتەتىنىڭ 1993 جىلعى 30 جەلتوقسانداعى №257 قاۋلىسى نەگىزىندە قۇرىلىپ، ناتيجەسىندە «س.م. كيروۆ اتىنداعى ماشينا جاساۋ زاۋىتى» مك پايدا بولدى

2003 جىلدان قازىرگى ۋاقىتقا دەيىن. قر ۇكىمەتىنىڭ 2003 جىلعى 13 ناۋرىزداعى №244 قاۋلىسىنا سايكەس «س.م. كيروۆ اتىنداعى ماشينا جاساۋ زاۋىتى» اق اكتسيالارىنىڭ مەملەكەتتىك پاكەتى «قازاقستان ينجينيرينگ» ۇك» اق جارعىلىق كاپيتالىن تولەۋگە بەرىلدى.

«س.م. كيروۆ اتىنداعى ماشينا جاساۋ زاۋىتى» اق:

- تاۋ-كەن مەتاللۋرگيا سالاسى بويىنشا - بۇرعىلاۋ كورونكالارىن، يلەمدەۋ ورناقتارىن، ەلەكتر بالعالاردى، ەلەكتر پەرفوراتورلاردى، قۇرال-سايمانداردى جانە ت. ب. ءوندىرۋ;

- تەمىر جول سالاسى بويىنشا - قوسالقى بولشەكتەر مەن جيناقتاۋشىلاردىڭ 1200-دەن استام ءتۇرىن ءوندىرۋ;

- مۇناي-گاز ءوندىرۋ سالاسىندا - ساعالىق شلانگتىق تەرەڭدىك سورعى ارماتۋراسىن ءوندىرۋ، شارلى كراندار، فلانەتستەر جانە ت. ب.;

- ەكونوميكانىڭ باسقا سالالارى - مەحانيكالاندىرىلعان كوپ دەڭگەيلى تۇراق، ەلەكتر كولىگى، قورشاۋ تورلى بۇيىمدار جانە ت. ب. ءوندىرىسى ءۇشىن ءونىم وندىرۋگە مۇمكىندىگى بار.

ايتا كەتۋ كەرەك، زاۋىتتىڭ بارلىق تەحنولوگيالىق پروتسەستەرى كەز كەلگەن كۇردەلىكتەگى عىلىمدى قاجەتسىنەتىن بۇيىمدار دايىنداۋدىڭ تولىق تسيكلى بار. زاۋىتتىڭ وندىرىستىك بازاسى مەتالل وڭدەۋ تسەحتارىن، قۇيۋ جانە قۇرال-سايماندىق تسەحتاردى، تەرميالىق وڭدەۋ تسەحىن، ۇستا نىعىزداۋ تسەحىن، گالۆانيكالىق جابىندار تسەحىندارىن، سونداي-اق باسقا دا وندىرىستىك ءۇي-جايلاردى قامتيدى. عىلىمي-زەرتتەۋ جانە كونسترۋكتورلىق ازىرلەمەلەردى جۇرگىزەتىن جەكە كونسترۋكتورلىق بيۋرونىڭ جانە زەرتحانالىق-تالداۋ ورتالىعىنىڭ بولۋى - زاۋىتتىڭ ماڭىزدى ارتىقشىلىعى. زاۋىتتا 100-دەن استام اۆتورلىق قۇقىق پەن پايدالى مودەلدەر مەن ونەرتابىستارعا پاتەنتتەر بار.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز