قازاقستان • 09 ءساۋىر، 2020

ونلاين وقىرمانىمىز 100 مىڭنان استى

81 رەتكورسەتىلدى

گازەتىمىزدىڭ egemen.kz سايتىنىڭ وقىرماندار قاتارى وسىدان 3-4 جىل بۇرىنعى دەڭگەيمەن سالىستىرعاندا ەلۋ ەسەگە دەيىن ارتىپ، بۇگىندە 100 مىڭدىق مەجەدەن اسىپ جىعىلدى.

الەمدى جايلاعان كوروناۆيرۋس پاندەمياسىنا بايلانىستى ءبىزدىڭ ەل دە پرەزيدەنت جارلىعىمەن توتەنشە جاعداي ەنگىزىپ، بارشا حالقىمىز كارانتيندىك وقشاۋلانۋعا كوشكەن كەزدە ىندەتپەن كۇرەستىڭ الدىڭعى شەبىندە دارىگەرلەرمەن قاتار جۋرناليستەر قاۋىمى دا جۇرگەنى بەلگىلى. ويتكەنى، وسىنداي جاۋاپتى كەزەڭدە جۇرتشىلىقتى سەنىمدى دەرەككوزدەر ارقىلى حاباردار ەتۋمەن بىرگە، وقشاۋلانىپ ۇيدە وتىرعان حالىقتى تالعام-تىلەگىنە ساي رۋحاني-مادەني، تاريحي-تانىمدىق اقپاراتتارمەن، سۇبەلى ماتەريالدارمەن قامتاماسىز ەتۋ دە اسا ماڭىزدى.

وسى ورايدا، «Egemen Qazaqstan» گازەتى تىلشىلەرىن ونلاين جۇمىس تارتىبىنە كوشىرىپ قانا قويماي، قالىڭ وقىرماننىڭ مۇددەسىن ەسكەرىپ، جۇمىس قارقىنىن دا كۇشەيتتى. سايتتاعى ماتەريالدار مازمۇنىن جان-جاقتى، سان-سالالى ماتەريالدارمەن بايىتىپ، ءتۇرلى ساراپتامالار مەن وڭىرلەردەن بەرىلەتىن كۇندەلىكتى جاڭالىقتار لەگىن ءۇش ەسەگە دەيىن ۇلعايتتى. سونداي-اق الەۋمەتتىك جەلىدەگى – Facebook، Instagram، Telegram، Twitter، ۆكونتاكتە اككاۋنتتارىنىڭ كونتەنتىن كوبەيتىپ، YouTube جەلىسىندەگى «Egemen TV» ارناسىنان ۇسىنىلىپ جۇرگەن ء«سوز تۋرالى ءسوز»، «ورنەك» سىندى جوبالار قاتارىن «پوەزيا بۇرىشى»، «بالالارعا بازارلىق» سياقتى جاڭا دۇنيەلەرمەن تولىقتىرىپ، دومبىرا ۇيرەنۋگە ارنالعان ۆيدەوساباقتارىن دا ۇسىندى. ناتيجەسىندە، گازەتىمىزدىڭ تۇراقتى وقىرماندارىنان بولەك، ونىڭ ونلاين وقىرماندارىنىڭ قاتارى دا كۇرت ءوستى.  

بۇل سوڭعى 4 جىل كولەمىندە ۇزاق مەرزىمدى دامۋ ستراتەگياسىن جۇزەگە اسىرىپ كەلە جاتقان «Egemen Qazaqstan» گازەتىنە دەگەن قالىڭ كوپشىلىكتىڭ جوعارى باعاسى دەپ بىلەمىز.  سوندىقتان «ەگەمەن» وقىرمان ءۇشىن پايدالى كونتەنت لەگىن جالعاستىرا بەرەدى.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار