ايماقتار • 09 ءساۋىر، 2020

الماتى وبلىسى: كوپ بالالى وتباسىلاردى قونىس تويى كۇتىپ تۇر

102 رەتكورسەتىلدى

بيىل الماتى وبلىسىندا جالعا بەرىلەتىن تۇرعىن ءۇي قۇرىلىسىن جۇرگىزۋگە 18 ملرد تەڭگە قارجى ءبولىندى. بۇل قارجىنىڭ 9 ملرد تەڭگەسى رەسپۋبليكالىق بيۋدجەتتەن قاراستىرىلسا، قالعان جارتىسى وبلىستىڭ ءوز قاراجاتى ەكەن.

ءبىر قۋانارلىعى، بولىنگەن قارجى كوپ بالالى وتباسىلارعا ارنالعان تۇرعىن ءۇي قۇرىلىسىنا باعىتتالىپ وتىر. بۇيىرسا جالعا بەرىلەتىن 975 تۇرعىن ءۇيدىڭ 669 پاتەرى كوپ بالالى اۋلەتتەرگە، ال 377 پاتەر الەۋمەتتىك جاعىنان قورعالماعان ادامدار توبىنا بەرىلمەكشى. جالپى، جەتىسۋداعى كوپ بالالى وتباسىلاردى باسپانامەن قامتۋ ءىسى جاڭادان سالىنعان قۇرىلىستارعا قاراپ تۇرعان جوق. بيىل جەرگىلىكتى بيۋدجەت ەسەبىنەن قوسىمشا 50 پاتەر ساتىپ الۋعا قارجى كوزى ناقتىلانىپتى. جالپى، جىل سوڭىنا دەيىن 719 كوپ بالالى وتباسىن تۇرعىن ۇيمەن قامتۋ ماقساتى تۇر.

ال قازىر ايماقتاعى تۇرعىن ءۇي قۇرىلىسى قىزۋ شاعىندا. نەسيەگە بەرىلەتىن باسپانا سالۋ ۇلەسى بيىل جالپى الاڭى 51،4 مىڭ شارشى مەتر قۇرايتىن 648 پاتەرلى 51 تۇرعىن ءۇي شاماسىندا ەكەن. بۇعان 5،7 ملرد تەڭگە قارجى بولىنگەن. بۇدان بولەك، كوممۋنالدىق تۇرعىن ءۇي قۇرىلىسى دا قارقىندى. ءدال وسى تالاپقا ساي 91 ءۇي بوي كوتەرە باستاعان. 9 مىڭ شارشى اۋماققا سالىنىپ جاتقان قۇرلىىسقا 2 ملرد تەڭگە جۇمسالماقشى.

ايتپاقشى، الماتى وبلىسى وتكەن جىلى كوپ بالالى وتباسىلار مەن الەۋمەتتىك جاعىنان قورعالماعان اۋلەتتەردى باسپانامەن قامتۋ ۇلەسى بويىنشا نۇر-سۇلتان قالاسىنان كەيىنگى ەكىنشى ورىننان كورىنگەن. ياعني، بىلتىر 135 وتباسىنا بيۋدجەت ەسەبىنەن باسپانا ساتىپ الىنسا، ونىڭ جەتپىس ءبىرى كوپ بالالى وتباسى ەكەن. ال «باقىتتى وتباسى» باعدارلاماسى اياسىندا قونىس تويلاعان تۇرعىندار سانى 500 وتباسىنا جەتتى. بيىل بۇل كورسەتكىش 600 وتباسىنا جەتۋى ءتيىس. ال جىل باسىنان بەرى بيۋدجەت قارجىسىنا ساتىپ الىن 69 پاتەردىڭ وتىزى تاعى كوپ بالالى وتباسىنا بەرىلگەن.

 

الماتى وبلىسى

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار