ايماقتار • 09 ءساۋىر، 2020

شقو پوليتسەيلەرى ءىرى كولەمدە ەسىرتكى تاركىلەدى

73 رەتكورسەتىلدى

ريددەر قالاسى تۇرعىنىنىڭ كولىگى مەن گاراجىنان ەسىرتكى تابىلعان دەپ حابارلادى شقو پوليتسيا دەپارتامەنتى ءباسپاسوز قىزمەتى.

مالىمەتكە سۇيەنسەك، ريددەر قالاسىنىڭ كريمينالدىق پوليتسيا ءبولىمىنىڭ قىزمەتكەرلەرى وتكىزگەن ارنايى وپەراتسيا بارىسىندا زاڭسىز اينالىمداعى ەسىرتكى تاركىلەندى.

– 37 جاستاعى ەر ادامنىڭ Volkswagen Passat كولىگىنەن پوليمەرلى پاكەتتەگى وتكىر ءيىسى بار، جاسىل ءتۇستى وسىمدىك تەكتەس زات تابىلدى. بۇدان بولەك، ونىڭ گاراجىنان ءدال وسىنداي زات سالىنعان 5 قوراپ انىقتالعان. ساراپتاما ناتيجەسى كورسەتكەندەي، بۇل كەپتىرىلگەن ماريحۋانا بولىپ شىقتى. سونداي-اق ءتىنتۋ بارىسىندا كۇدىكتىدەن 200 مىڭ تەڭگە تاركىلەنگەن، – دەلىنگەن ۆەدومستۆو مالىمەتىندە.

ەسىرتكىنىڭ جالپى سالماعى 43 كەلىدەن اسادى. قازىرگى ۋاقىتتا ءتارتىپ ساقشىلارى قر قك-ءنىڭ 296-بابى 4-بولىگىمەن (اسا ءىرى مولشەردەگى ەسiرتكiنى وتكىزۋ ماقساتىنسىز زاڭسىز ساقتاۋ) سوتقا دەيىنگى تەرگەۋ امالدارىن جۇرگىزۋدە.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار