ايماقتار • 09 ءساۋىر، 2020

شىمكەنت: ەڭبەككە جارامسىزدىق قۇجاتىن ونلاين الۋعا بولادى

45 رەتكورسەتىلدى

بۇل تۋرالى اقپاراتتىق-كوممۋنيكاتسيالىق ورتالىقتا وتكەن بريفينگتە قر ەڭبەك جانە حالىقتى الەۋمەتتىك قورعاۋ مينيسترىلىگى، ەڭبەك، الەۋمەتتىك قورعاۋ جانە كوشى-قون كوميتەتىنىڭ شىمكەنت قالاسى بويىنشا دەپارتامەنتى باسشىسىنىڭ مىندەتىن ۋاقىتشا اتقارۋشى تورەحان ءداۋىتوۆ ءمالىم ەتتى. 

ەلىمىزدە توتەنشە جاعدايدىڭ ەنگىزىلۋىنە بايلانىستى الەۋمەتتىك شيەلەنىس جانە نارازىلىق جاعدايلارىنا جول بەرمەۋ، سونداي-اق مەملەكەتتىك قىزمەتتەر الۋ كەزىندە تابيعي جاناسۋدى بولدىرماۋ ماقساتىندا قر ەڭبەك جانە حالىقتى الەۋمەتتىك قورعاۋ مينيسترلىگى مەديتسينالىق-الەۋمەتتىك ساراپتاما بولىمىنە بارماي، «مۇگەدەكتىكتى جانە/نەمەسە ەڭبەك ەتۋ قابىلەتىنەن ايرىلۋ دارەجەسىن بەلگىلەۋ جانە/نەمەسە قاجەتتى الەۋمەتتىك قورعاۋ شارالارىن ايقىنداۋ» مەملەكەتتىك قىزمەتىن سىرتتاي فورماتتا الۋ تەتىگىن ازىرلەدى. 

- قىزمەت «ەلەكتروندىق ۇكىمەت» پورتالىندا «ەلەكتروندىق ءوتىنىش» سەرۆيسى ارقىلى بەرىلگەن ەلەكتروندىق ءوتىنىش نەگىزىندە جۇزەگە اساتىن بولادى. مەملەكەتتىك قىزمەتتى الۋ ءۇشىن ءسىز قاجەتتى قۇجاتتاردىڭ سكانەرلەنگەن نۇسقاسىمەن قوسا ءتيىستى ستاندارتقا سايكەس ءوتىنىشتى تولتىرۋىڭىز قاجەت جانە وتىنىشكە ەلەكتروندىق تسيفرلىق قولتاڭبامەن قول قويۋ قاجەت. ودان كەيىن ءوتىنىش ءسىزدىڭ تۇرعىلىقتى جەرىڭىز بويىنشا ەڭبەك، الەۋمەتتىك قورعاۋ جانە كوشى-قون كوميتەتىنىڭ اۋماقتىق دەپارتامەنتىنە جىبەرىلەدى. مەديتسينالىق-الەۋمەتتىك ساراپتاما جۇرگىزىلگەننەن كەيىن ونىڭ ناتيجەلەرى كورسەتىلەتىن قىزمەتتى الۋشىعا sms-حابارلاما ارقىلى، «ەلەكتروندىق ۇكىمەت» پورتالىنداعى جەكە كابينەتكە نەمەسە «ەلەكتروندىق ءوتىنىش» سەرۆيسى ارقىلى كەلىپ تۇسكەن وتىنىشكە جاۋاپ تۇرىندە جىبەرىلەدى. سونداي-اق، توتەنشە جاعداي كەزەڭىندە مەديتسينالىق-الەۋمەتتىك ساراپتاما بولىمىنە قايتا كۋالاندىرۋعا كەلمەگەن ازاماتتارعا وتكىزىپ العان كەزەڭىنە 2020 جىلعى 16 اقپاننان باستاپ مەرزىمدە  بەلگىلەنەتىن بولادى، - دەدى تورەحان بەكبولات ۇلى. 

مۇگەدەكتىكتى جانە ەڭبەك ەتۋ قابىلەتىنەن ايىرىلۋ دارەجەسىن جانە قاجەتتى الەۋمەتتىك قورعاۋ شارالارىن بەلگىلەۋدى ءماس بولىمدەرى «مەديتسينالىق-الەۋمەتتىك ساراپتاما جۇرگىزۋ قاعيدالارىن بەكىتۋ تۋرالى» قردەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 30 قاڭتارداعى № 44 بۇيرىعىمەن بەكىتىلگەن مەديتسينالىق-الەۋمەتتىك ساراپتاما جۇرگىزۋ قاعيدالارىنا سايكەس كۋالاندىرىلاتىن ادامدى مۇگەدەكتىك بەلگىلەنگەن كۇننەن باستاپ التى اي ىشىندە باقىلاپ تەكسەرىپ، ءبىر جىلدان اسپايتىن مەرزىمگە سىرتتاي جۇرگىزەدى.

قايتا كۋالاندىرۋ مەرزىمى توتەنشە جاعداي ەنگىزىلگەنگە دەيىن ءبىر ايدان اسپايتىن مەرزىم ىشىندە جانە توتەنشە جاعداي ۋاقىتىندا كەلگەن ادامدارعا مۇگەدەكتىكتىڭ، جالپى ەڭبەك ەتۋ قابىلەتىنەن ايىرىلۋ دارەجەسىنىڭ، كاسىپتىك ەڭبەك ەتۋ قابىلەتىنەن ايىرىلۋ دارەجەسىنىڭ جانە مۇگەدەكتى وڭالتۋدىڭ جەكە باعدارلاماسىنىڭ مەرزىمدەرى توتەنشە جاعداي ورىن العان كەزەڭدە اۆتوماتتى تۇردە ۇزارتىلادى.

مەملەكەتتىك الەۋمەتتىك جاردەماقى جانە (نەمەسە) ەڭبەك ەتۋ قابىلەتىنەن ايىرىلۋ جاعدايىناالەۋمەتتىك تولەم الۋشىلار بولىپ تابىلاتىن ادامدارعا توتەنشە جاعداي كەزەڭىندە تولەمدەر بۇدان بۇرىن بەلگىلەنگەن مۇگەدەكتىك توبىنا جانە (نەمەسە) جالپى ەڭبەك ەتۋ قابىلەتىنەن ايىرىلۋ دارەجەسىنە سايكەس توتەنشە جاعداي رەجيمى اياقتالعان ايدى قوسا العانعا دەيىن تولەنەدى.

ەستەرىڭىزگە سالا كەتەيىك، جىل سايىن «مۇگەدەكتىكتى جانە/نەمەسە ەڭبەك ەتۋ قابىلەتىنەن ايىرىلۋ دارەجەسىن بەلگىلەۋ جانە/نەمەسە قاجەتتى الەۋمەتتىك قورعاۋ شارالارىن ايقىنداۋ» مەملەكەتتىك قىزمەتى 250 مىڭنان استام ازاماتقا ونىڭ ىشىندە العاش رەت 57 مىڭعا جۋىق ازاماتقا كورسەتىلەدى، 2019 جىلى 252 مىڭ ادام قىزمەتتى الدى. بۇگىنگى كۇنى قازاقستاندا مۇگەدەكتىگى بار 700 مىڭعا جۋىق ادام تۇرادى.

 

شىمكەنت

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار