ايماقتار • 09 ءساۋىر، 2020

«زەرە اجەنىڭ ىزىمەن» بايقاۋى مەرەيتويعا ارنالدى

42 رەتكورسەتىلدى

اۋدانداعى شاقات اۋىلى مەكتەبىندە وتكەن  ابايدىڭ 175 جىلدىق مەرەيتويىنا وراي ارنالعان بايقاۋعا اجەلەر مەن نەمەرەلەر قاتىستى.

ايسۇلۋ  اسىلبەكوۆا

مەكتەپ ديرەكتورى الماگۇل قايدارقىزىنىڭ ايتۋىنشا، نەمەرلەرىن ەرتىپ بايقاۋعا قاتىسقان  اۋىلدىڭ  اجەلەرى دە  ونەرلى، ءانشى، تاعىلىمدى، تانىمدى اڭگىمەلەرى بار، قولونەر شەبەرلەرى ەكەندەرىن كورسەتتى. ال ماقسات- ابايدىڭ اقىن، ۇلى تۇلعا رەتىندە قالىپتاسۋىنا ىقپال ەتكەن زەرە اجە، ۇلجان انالاردىڭ بەينەسى ارقىلى ۇلتتىق  تاربيەنى ۇلگى-ونەگە ەتۋ.

شاقات اۋىلىنداعى ورتا مەكتەپتە 163 وقۋشى ءبىلىم الۋدا. وقۋشىلار «جاس مەرگەن»، «جاس قىران»، «ونەر الدى-قىزىل ءتىل»، «شەبەرلەر الەمى»، شاحمات، دويبى  ۇيىرمەلەرىنە قاتىسۋدا. مەكتەپكە وڭتۇستىك وڭىرىنەن كەلگەن  دينا مۇرات، اقجان مۇرات، قىتاي ەلىنەن كەلگەن  قۇرالاي مىرزاتاي، تولعاناي مىرزاتاي  دەگەن وقۋشىلار  كەپ قوسىلدى.

بايقاۋعا قاتىسقان 71 جاستاعى قۇرالاي اجە بولسا،  5 بالا تاربيەلەپ  ءوسىرىپ،  قازىر 15 نەمەرەسىنىڭ قىزىعىن كورىپ وتىر. نەمەرەسى،  3-سىنىپ وقۋشىسى تولعانايمەن بىرگە قاتىستى. ال بيبي اجە  دە ەكى بالا ءوسىرىپ، 4 نەمەرە باعىپ وتىر.  بارلىعى دا قۇرالاي اجەمەن  نەمەرەسى تولعاناي باستاپ، ءبيبى اجە نەمەرەسى نازەركە، قاينيكامال اجە نەمەرەسى داريعا، ءامينا اجە نەمەرەسى توعجان، جىبەك اجە نەمەرەسى الينامەن بىرگە ساحناعا شىعىپ، بايقاۋدا بار ونەرلەرىن كورسەتتى.

ددد

ءسويتىپ،  بايقاۋدىڭ «مەن اجەمىن ۇرپاعىن الديلەگەن» (تانىستىرۋ)، «اباي اندەرىن ايتىپ،ولەڭدەرىن وقۋ»، «سىر ساندىق» (سۇراق-جاۋاپ)، «زەرە اجەگە قۇرمەت»، «ونەرلى ساۋساقتار» (ويۋ ۇلگىسىن قيۋ)، ء«ۇي تاپسىرماسى» (ۇلتتىق تاعام ازىرلەۋ) سياقتى كەزەڭدەرىندە ءوزارا سىنعا ءتۇستى. مىسالى، «سىر ساندىق» اتتى سۇراق-جاۋاپ  كەزەڭىندە اجەلەر مەن نەمەرەلەرى اباي اتالارىنىڭ ءومىرى مەن شىعارماشىلىعىنا قاتىستى سۇراقتارعا جاۋاپ بەردى.

قازىلار القاسىنىڭ شەشىمىمەن قۇرالاي اجە مەن نەمەرەسى تولعاناي، «ونەرلى اجە مەن قابىلەتتى نەمەرە»، قاينيكامال اجە مەن نەمەرەسى داريعا «ىسكەر اجە مەن تاپقىر نەمەرە»، ءامينا اجە مەن نەمەرەسى توعجان «شەشەن اجە مەن تاپقىر نەمەرە»، جىبەك اجە نەمەرەسى الينا «ونەگەلى اجە مەن پاراساتتى نەمەرە» اتاندى.

ج

ال بيبي اجە بايقاۋعا  نەمەرەسى مەن وزىنە ۇلتتىق كيىم تىگىپ كيىپ كەلىپ، ەرەكشە  كوزگە ءتۇستى. كوپ وقيتىندارىن كورسەتتى. ۇلتتىق تاعام جاساۋدا، ءان ايتۋدا، اباي ولەڭدەرىن وقۋدا، قاراسوزدەرىنەن  ۇزىندىلەر ايتقاندا، اقىن جايىندا بەرىلگەن بارلىق سۇراقتارعا جاۋاپ بەردى. ءسويتىپ، «دانا اجە مەن العىر نەمەرە» اتالىمىن جەڭىپ العان ءبيبى اجە مەن نەمەرەسى نازەركە بايقاۋدىڭ باس جۇلدەسىنە يەلەندى. سوڭىندا «زەرە اجەنىڭ ىزىمەن» بايقاۋىنا قاتىسۋشى اجەلەر مەن نەمەرەلەر ديپلومدارمەن، ەسكەرتكىش سىيلىقتارمەن ماراپاتتالدى.

پاۆلودار وبلىسى،

پاۆلودار اۋدانى

 

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار