ايماقتار • 09 ءساۋىر، 2020

شىمكەنتتە 200 مىڭنان اسا وقۋشى ءارتۇرلى ءموبيلدى بايلانىس ارقىلى ينتەرنەتكە قوسىلعان

50 رەتكورسەتىلدى

شىمكەنتتەگى 172 ءبىلىم بەرۋ وشاعىندا 222 037 وقۋشى ءبىلىم الادى. اتاپ ايتقاندا،  827 وقۋشىعا ينكليۋزيۆتى ءبىلىم بەرىلىپ، 702 وقۋشىعا «WhatsApp» مەسسەنجەرى ارقىلى وڭالتۋ ساباقتارى جۇرگىزىلەدى. 

ءۇشىنشى مەگاپوليستە قاشىقتىقتان ءبىلىم بەرۋ بويىنشا 187 640 (84،5%) وقۋشى رەسپۋبليكالىق «بالاپان» جانە «ەلارنا»تەلەارنالارى ارقىلى ءبىلىم الۋدا. جەرگىلىكتى تەلەارنالار ارقىلى بەينە ساباقتاردى كورسەتۋ جۇمىستارى ۇيىمداستىرىلىپ، «Bilimland.kz»، «دارىن ونلاين»سياقتى ينتەرنەت پلاتفورمالارىن 118 740 (53،7%) وقۋشى قولدانۋدا.

ءبىلىم بەرۋ وشاقتارىندا ونلاين ساباقتاردى «google class»، «edu page» باعدارلامالارى ارقىلى - 15 954 (7،2%) ءبىلىم الۋشى ءتيىمدى پايدالانعان.

سونىمەن قاتار، «WhatsApp» مەسسەنجەرى ارقىلى بارلىق مۇعالىمدەر وقۋشىلارمەن كەرى بايلانىسقا شىعىپ،  «كۇندەلىك»، «اي مەكتەپ» ەلەكتروندى جۋرنالدارىندا باقىلانۋدا. ناتيجەسىندە، 166 مەكتەپتىڭ «كۇندەلىك» ەلەكتروندى جۋرنالىنا كىرۋى - 93،5 %،  6 مەكتەپ بويىنشا «اي مەكتەپتى» قولدانۋ كورسەتكىشى - 61،8%-دى قۇرادى.

قالاداعى 30 364 از قامتىلعان وتباسى بالالارىنىڭ ىشىندەگى  كومپيۋتەردى قاجەت ەتەتىن 17 616 وقۋشىعا مەكتەپتەردەگى كومپيۋتەردى ۋاقىتشا پايدالانۋعا بەرىپ، ينتەرنەت ماسەلەسى ءبىلىم ۇيىمدارىنداعى قارجى ەسەبىنەن شەشىمىن تاپقان. 

وقۋشىلاردىڭ  96،7%-ى ءارتۇرلى ءموبيلدى بايلانىس ارقىلى ينتەرنەتكە قوسىلعان. ول - 214 613 وقۋشى. قالا مەكتەپتەرىندەگى بارلىق 17 253 مۇعالىم ەلەكتروندى قۇرىلعىلار مەن ينتەرنەت جەلىسىن  قامتاماسىز ەتىلگەن. ءبىلىم باسقارماسى تاراپىنان ءبىر كوزدەن ساتىپ الۋ جۇيەسىندە 2 250،0 ملن.تگ. قارجىعا 9000 كومپيۋتەر ساتىپ الۋ جۇمىستارى جەدەل قاراستىرىلۋدا.

 

شىمكەنت

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار