الەم • 09 ءساۋىر، 2020

تۇركيادا ۆيرۋس جۇقتىرعاندار سانى 38 مىڭنان استى

20 رەتكورسەتىلدى

تۇركيادا كوروناۆيرۋس جۇقتىرعاندار سانى كۇن ساناپ ەسەلەنۋدە. 

تۇركيا دەنساۋلىق ساقتاۋ مينيسترلىگىنىڭ اقپاراتىنا ساي، 9 ساۋىردە ۆيرۋس جۇقتىرعاندار سانى 38 226 مىڭعا، قايتىس بولعاندار سانى 812-گە جەتتى. 1 491 كىسىنىڭ جاعدايى اۋىر. الايدا جاقسى ناتيجە دە جوق ەمەس. مينيسترلىك 1 846 ادامنىڭ دەرتتەن جازىلىپ شىققانىن حابارلادى.

اقپاراتقا سۇيەنسەك، 8 ساۋىردە 24 900 ادامعا تەست جاسالىپ، ونىڭ 4 117-سىنەن ۆيرۋس انىقتالعان. كەشە 87 ادامنىڭ ۆيرۋستان قايتىس بولعانى ءمالىم بولدى. 264 ادام جازىلىپ، اۋرۋحانادان شىققان.

كوروناۆيرۋس جۇقتىرعاندار ىستانبۇل قالاسىندا كوپ. رەسمي مالىمەت بويىنشا، وندا 12 231 ادام تىركەلگەن. ودان كەيىن تۇركيانىڭ ءىرى قالالارىنىڭ ءبىرى يزمير تۇر. وندا 1 105 ناۋقاس، ەل استاناسى انكارادا 860 كىسى تىركەلگەن.

تۇركيا دەنساۋلىق ساقتاۋ ءمينيسترى فاحرەتتين كودجا قايتىس بولعانداردىڭ كوبى 50 جاستان اسقان ازاماتتار ەكەنىن حابارلادى.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار