تەحنولوگيا • 09 ءساۋىر، 2020

ZIK كومپيۋتەرلەرى قازاقستان ەلەكتروندىق ونەركاسىبىنىڭ تىزىلىمىنە ەنگىزىلدى

25 رەتكورسەتىلدى

قر تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترىنىڭ 2020 جىلعى 03 ساۋىردەگى بۇيرىعىنا سايكەس «س.م. كيروۆ اتىنداعى زاۋىت» اق-نىڭ («قازاقستان ينجينيرينگ» ۇك-نىڭ ەنشىلەس كاسىپورنى) ونىمدەرى سەنىمدى باعدارلامالىق قامتاماسىز ەتۋ جانە ەلەكتروندىق ونەركاسىپ ونىمدەرىنىڭ تىزىلىمىنە ەنگىزىلدى دەپ حابارلادى يدم ءباسپاسوز قىزمەتى.

اتاپ ايتقاندا ول ونىمدەر: «دەربەس كومپيۋتەر (جۇمىس ستانتسياسى ZIK-PC01)»، «دەربەس كومپيۋتەر (ZIK-PC02 جۇمىس ستانتسياسى)» جانە «نوۋتبۋك» (ۋلترابۋك ZIK S-133) ».

بۇل تىزىلىمگە ەنگەننەن كەيىن مۇددەلى مەملەكەتتىك ورگاندار ZIK كومپيۋتەرلەرىنە مەملەكەتتىك ساتىپ الۋ جۇيەسى ارقىلى قول جەتكىزە الادى. ەستەرىڭىزگە سالا كەتەيىك، زاۋىت دالدىك كلاسىنداعى 5 قاباتتى (16 قاباتقا دەيىن) باسپا پلاتالارىن شىعاراتىن ءوندىرىس جەلىسىن ىسكە قوستى.

بۇگىنگى تاڭدا اتالمىش كاسىپورىن ءوز ەلىمىزدە كومپيۋتەرلىك تەحنيكا ءوندىرۋدى لوكاليزاتسيالاۋ بويىنشا ۇلكەن الەۋەتكە يە. 

اتالعان ءتىزىلىم مەملەكەتتىك ورگانداردىڭ ينتەرنەت-رەسۋرستارىنىڭ بىرىڭعاي الاڭىندا ورنالاسقان.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار