ايماقتار • 09 ءساۋىر، 2020

«قاراعاندى-بالقاش» جانە «بالقاش-بۋرىلبايتال» ۋچاسكەلەرىندە قوزعالىس اشىلادى

569 رەتكورسەتىلدى

​قاراعاندى وبلىسىندا ۇزىندىعى 575 شاقىرىمدى قۇرايتىن رەسپۋبليكالىق ماڭىزعا يە م-36 «رف شەكاراسى (ەكاتەرينبۋرگ)-الماتى» جولى 2021 جىلى پايدالانۋعا بەرىلەتىن بولادى. بۇگىنگى تاڭدا جولدىڭ ەكى ۋچاسكەسىندە قوزعالىس اشىق دەپ حابارلادى يدم ءباسراسوز قىزمەتى.

​تۇتاستاي العاندا، اۆتوموبيل جولى ءتورت ۋچاسكەگە بولىنگەن. «تەمىرتاۋ-قاراعاندى» جولى مەن «قاراعاندى قالاسى اينالما جولىنىڭ» 61 شاقىرىمى كولىك قوزعالىسى ءۇشىن اشىق. نىساندار بيىل پايدالانۋعا بەرىلەدى. جالپى ۇزىندىعى 514 شاقىرىمدى قۇرايتىن «قاراعاندى – بالقاش» جانە «بالقاش – بۋرىلبايتال» جول ۋچاسكەلەرىندە جولشىلار قوزعالىستى بيىل اشۋدى جوسپارلاپ وتىر. اتالمىش ۋچاسكەلەر 2021 جىلى پايدالانۋعا بەرىلمەك.   

قازىرگى تاڭدا «سپ «سينەميداسستروي» جشس، «داۋلەت-دورستروي» جشس، «سپ قازگەرستروي» جشس، CITICConstructionCo.Ltd، SinohydroCorporationLimited، JVKolinInsaatTurizmSanayiveTicaretA.S.،  Shanghai Construction Group Co. Ltd. كومپانيالارى قۇرىلىس جۇمىستارىن باستادى. جۇمىستاردىڭ ساپاسىن «قۇرىلىسساپاسى» جشس، «جولجوباKZ» جشس، «ارسنابيك» جشس، «سترويسەرۆيسگارانت» جشس، IsanCorporation جشس  «ZSENGINEERING» جانە «Zertec» جشس سيقتى تەحنيكالىق باقىلاۋ قىزمەتتەرى جۇزەگە اسىرادى. 

​قايتا جاڭارتۋ جوباسى اياسىندا 15 كوپىر، 17 جول ايرىعى، 40 جول وتكەلى، 470 سۋ وتكىزگىش قۇبىر، دەمالىس الاڭدارى مەن ەلدى مەكەندەردىڭ ماڭىندا ورنالاساتىن اۆتوپاۆيلوندار سالىنباق. 

بۇگىنگى تاڭدا 23 ملن.م3 جەر قازۋ جۇمىستارى جۇزەگە اسىرىلدى. سۋ وتكىزگىش قۇبىرلاردىڭ 60% ورناتىلعان. سونىمەن قاتار، 63 شاقىرىمدا جول جابىنىنىڭ جوعارعى قاباتى، 70 شاقىرىمدا جولدىڭ تومەنگى قاباتى جانە 75 شاقىرىمدا جولدىڭ قيىرشىق تاس قاباتى توسەلدى. جوسپار بويىنشا، قايتا جاڭارتۋ جۇمىستارىنا 2596 جول-قۇرىلىس تەحنيكاسى مەن 4500 مامان جۇمىلدىرىلادى. 

​تاسجول قاراعاندى وبلىسىنداعى تەمىرتاۋ، قاراعاندى، ۇشتوبە، جۇمابەك، اقسۋ، اقسۋ-ايۋلى، اقشاتاۋ، اقجال، بالقاش، گۇلشات، سارىشاعان جانە پريوزەرسك ەلدى مەكەندەرى ارقىلى وتەدى.  

ەسكە سالايىق، قازاقستاندا 2020 جىلى قۇرىلىس جانە قايتا جاڭارتۋ جۇمىستارىمەن اۆتوموبيل جولدارىنىڭ 4 مىڭ شاقىرىمى قامتىلسا، قوزعالىس 2 مىڭنان استام شاقىرىم جولدا اشىلادى دەپ جوسپارلانىپ وتىر.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار