ايماقتار • 09 ءساۋىر، 2020

شىمكەنتتە اسكەري قىزمەتكە بارعىسى كەلەتىندەر كوپ

40 رەتكورسەتىلدى

مەملەكەت باسشىسى قاسىم-جومارت توقاەۆ اسكەري مىندەتتىلەردى ارنايى جيىنعا شاقىرۋ جونىندەگى ۇسىنىسىنان كەيىن شىمكەنتتە ەل ءۇشىن تەر توگۋگە بەل بۋعان ازاماتتاردىڭ قاراسى ارتتى. 

ەرىكتىلەر قالالىق اسكەري كوميسسيارياتقا بارىپ تىركەلىپ جاتىر. شاقىرىلاتىن اسكەري مىندەتتىلەردىڭ سانىن جانە ارناۋلى جيىنداردى وتكىزۋ مەرزىمىن جەرگىلىكتى اتقارۋشى ورگان انىقتايتىن بولادى. 

- توتەنشە جاعداي كەزىندە شىمكەنت قالاسى اكىمدىگىنىڭ تاپسىرىسىمەن قالا بويىنشا ازىرگە 100-گە جۋىق  ازاماتتى قابىلداۋ جوسپارلانىپتى. ولار زازالسىزداندىرۋ  مەن بلوك-بەكەتتەردە  پاترۋلدەۋ جۇمىستارىن اتقارادى. بۇل جولى 35 جاسقا دەيىنگى ازاماتتاردى تىركەۋگە الىپ جاتىرمىز، - دەيدى شىمكەنت قالاسى قورعانىس ىستەر جونىندەگى دەپارتامەنت باستىعىنىڭ ورىنباسارى رينات مادياروۆ. 

قيىن-قىستاۋ كەزدە مەملەكەت باسشىسىنىڭ ۇندەۋىن قۇلاق اسقان جاستاردىڭ ءبىرى - مارلەن ءابىل، ول - 21 جاستا. 2018 جىلى الماتى قالاسىنداعى اسكەري ءبولىمنىڭ بىرىندە وتان الدىنداعى بورىشىن وتەپ قايتقان. زاپاستاعى سارباز اسكەري بولىمگە ءوزى كەلىپ، تەكسەرۋدەن ءوتىپ جاتىر ەكەن. «ەلىمىزدە ورىن العان توتەنشە جاعدايعا بايلانىستى قىزمەت ەتۋگە كەلىپ وتىرمىن. بۇل ءاربىر ەلىم دەگەن ازاماتتىڭ بورىشى بولۋى كەرەك. تەكسەرۋدەن وتسەم قاي جەر بولسا دا قىزمەت ەتۋگە دايارمىن»، - دەدى جاس ۇلان. 

شىمكەنت قالالىق اسكەري كوميسسارياتىندا ارنايى مەديتسيتسنالىق كوميسسيا جاساقتالىپ جۇمىس ىستەپ جاتىر. وندا ءاربىر نيەت بىلدىرگەن ازاماتتىڭ دەنساۋلىعى ءجىتى تەكسەرىلىپ، ساراپتاما جۇرگىزىلۋدە. سىناقتان وتكەن زاپاستاعى ساربازدار توتەنشە جاعداي ۋاقىتىندا اسكەر قاتارىندا بولادى. ايتا كەتەتىن ماسەلە جۇمىسى بار ەرىكتىلەردىڭ ايلىق جالاقىسى ساقتالادى. ەرىكتىلەر بۇنداي قادامعا پايدا ءۇشىن ەمەس، وتان ءۇشىن بارعانىن جەتكىزۋدە. 

 

شىمكەنت

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار