ايماقتار • 09 ءساۋىر، 2020

جامبىلدىق تۇرعىن شىمكەنتتىك پوليتسەيدى كولىگىمەن سۇيرەپ، 800 مەترگە دەيىن قاشقان

144 رەتكورسەتىلدى

شىمكەنتتە جۇرگىزۋشى ۋچاسكەلىك ينسپەكتوردى كاپوتىندا سۇيرەپ، كولىگىمەن جاياۋ جۇرگىنشىنىڭ اياعىن باسىپ كەتتى. 

2020 جىلدىڭ 30 ناۋرىزىندا كەشكى ساعات 18.30 شاماسىندا تۇرعىن ءۇيدىڭ اۋلاسىندا كورنەكى بەلگىلەرى بويىنشا الكوگولدىك ماس كۇيىندە بولعان ەر ادام اۋلا سىپىرۋشىلاردىڭ جۇمىسىنا نارازىلىق ءبىلدىرىپ، بىلاپىت سويلەپ، بالاعاتتاپ، ار-نامىسىنا تيەتىن سوزدەر ايتقان. 

بۇل جەرگە كەلگەن ۋچاسكەلىك ينسپەكتور ەرحان ابدۋرايموۆ ەر ادامنىڭ قۇجاتتارىن كورسەتۋىن تالاپ ەتىپ، ءال-فارابي اۋدانى پوليتسيا باسقارماسىنىڭ №25 تىرەك پۋنكتىنە بىرگە بارۋىن سۇرادى. الايدا، ەر ادام پوليتسيا قىزمەتكەرىنىڭ زاڭدى تالاپتارىنا باعىنباي، كولىككە وتىرىپ، جاسىرىنىپ كەتكىسى كەلدى. 

ونى توقتاتۋ جانە اۆتوكولىكتى باسقارۋعا جول بەرمەۋ ماقساتىندا پوليتسيا قىزمەتكەرى كاپوتىنا سەكىرىپ، 800 مەتردەن استام جول جۇرگەننەن سوڭ، قايتا ءتۇستى. 

ارى قاراي جۇرگىزۋشى بىرنەشە مەتر ءجۇرىپ، جولدان ءوتىپ جاتقان ۇلكەن جاستاعى جاياۋ جۇرگىنشىنىڭ اياعىن باسىپ كەتتى. 

پاترۋلدىك پوليتسيا قىزمەتكەرلەرى جەدەل ءىس-ارەكەت بارىسىندا جۇرگىزۋشىنى انىقتاپ، ۇستادى. 

ول جامبىل وبلىسىنىڭ 54 جاستاعى تۇرعىنى بولىپ شىقتى. جۇرگىزۋشى ۋاقىتشا ۇستاۋ يزولياتورىنا قامالدى. 

كولىك ايىپ تۇراعىنا سالىندى. 

جايت قر قىلمىستىق كودەكسىنىڭ 380-بابى (بيلىك وكىلىنە قاتىستى كۇش قولدانۋ) بويىنشا سوتقا دەيىنگى تەرگەۋدىڭ بىرىڭعاي تىزىلىمىندە تىركەلگەن. جاياۋ جۇرگىنشى مەديتسينالىق مەكەمەگە جەتكىزىلدى. ءتيىستى ساراپتامالار تاعايىندالدى.

 

شىمكەنت 

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار