ايماقتار • 09 ءساۋىر، 2020

شىمكەنت: سىبايلاس جەمقورلىققا قارسى «ANTIKOR.LIVE» تىكەلەي ەفيرگە شىعۋدا

40 رەتكورسەتىلدى

قر پرەزيدەنتى قاسىم-جومارت توقاەۆ توتەنشە جاعداي جونىندەگى مەملەكەتتىك كوميسسيانىڭ وتىرىسىندا سىبايلاس جەمقورلىقتىڭ الدىن الۋدى كۇشەيتۋدى تاپسىردى. 

«حالىق ۇنىنە قۇلاق اساتىن مەملەكەت» تۇجىرىمداماسىن جاڭا اقپاراتتىق اعىندا ىسكە اسىرۋ حالىقپەن كەدەرگىسىز بايلانىس قۇرۋ ءۇشىن يننوۆاتسيالىق ءتاسىلدىڭ قاجەتتىلىگىن كورسەتەدى.

وسىعان وراي، سىبايلاس جەمقورلىققا قارسى ءىس-قيمىل اگەنتتىگى «Antikor.Live» جوباسىن ىسكە قوستى.

بۇل جوبا on-line رەجيمدە سىبايلاس جەمقورلىققا قارسى كونتەنتتى ۇنەمى جاريالاۋعا ارنالعان الاڭ بولىپ تابىلادى.

ەندى ءار جۇمىس كۇنى ساعات 11.00-دەن باستاپ 12.00-گە دەيىنگى ارالىقتا دەپارتامەنت  حالىقپەن «تىكەلەي ەفيرگە» شىعۋدا.

تىكەلەي بايلانىس دەپارتامەنتتىڭ Facebook، Instagram الەۋمەتتىك جەلىلەرىندەگى رەسمي پاراقشالارى ارقىلى جۇرگىزىلەدى.

«تىكەلەي ەفير» بارىسىندا ازاماتتاردىڭ نازارىنا ەلىمىزدە جۇزەگە اسىرىلىپ جاتقان سىبايلاس جەمقورلىققا قارسى ساياسات، اگەنتتىكتىڭ سىبايلاس جەمقورلىققا قارسى جوبالارى، سىبايلاس جەمقورلىققا قارسى زاڭنامانىڭ جاڭاشىلدىقتارى، جەمقورلىق فاكتىلەرى تۋرالى حابارلاعانى ءۇشىن سىياقى بەرۋ شارالارى، حابارلاۋشىلاردى قورعاۋ جانە ت.ب. تىڭ اقپاراتتار ۇسىنىلاتىن بولادى.

ەفير بارىسىندا كەز كەلگەن جەلى قولدانۋشىسى سپيكەرگە دەپارتامەنتتىڭ قىزمەتىنە قاتىستى سۇراق قويىپ، ءوز پىكىرى مەن ۇسىنىسىن قالدىرا الادى.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار