قازاقستان • 09 ءساۋىر، 2020

وتاندىق ءتۋريزمدى قولداۋعا ارنالعان جول كارتاسىنا قول قويىلدى

18 رەتكورسەتىلدى

جول كارتاسى ۇلتتىق تۋريستىك ءونىمدى قالىپتاستىرۋعا، سالاعا مەملەكەتتىك قولداۋ شارالارى جانە داعدارىسقا قارسى شارالاردى ىسكە اسىرۋعا باعىتتالعان. جول كارتاسىنا قول قويۋ ءراسىمى COVID-19 ۆيرۋسى پاندەمياسىنىڭ ورشۋىنە بايلانىستى ونلاين فورماتىندا ءوتتى. بۇل تۋرالى «اتامەكەن» ۇلتتىق كəسىپكەرلەر پالاتاسى حابارلايدى.

جول كارتاسى 27 ءىس-شارادان قۇرالعان 5 بولىمنەن تۇرادى، ونى 2020-2021 جىلدارى ىسكە اسىرۋ جوسپارلانعان. باسىمدىق ۇلتتىق تۋريستىك ءونىمنىڭ جانە تۋريستىك ينفراقۇرىلىمنىڭ دامۋىنا بەرىلگەن.  «اتامەكەن» ۇكپ باسقارما توراعاسىنىڭ ورىنباسارى يۋليا ياكۋپباەۆا اعىمداعى كەزەڭدى ءتيىمدى وتكىزىپ، ادامدار كارانتيننەن شىققان ۋاقىتقا قاراي تۋريستىك ينفراقۇرىلىمنىڭ كەشەندى دايىندىعىن ۇيىمداستىرۋ قاجەت ەكەنىن ايتتى.  
ء«ساۋىر-مامىر ارالىعىندا ىشكى ءتۋريزمدى جانداندىرۋ ءۇشىن 2020-2021 جىلدارعا تۋريستىك ماۋسىمعا تولىق دايىندىقتى جۇرگىزۋ كەرەك. «Kazakh Tourism» ۇك، جەرگىلىكتى اتقارۋشى ورگاندار جانە بيزنەس-قوعامداستىقپەن بىرلەسىپ، بەلگىلى تۋريستىك مارشرۋتتار مەن كورنەكتى جەرلەرگە تۇگەندەۋ جۇرگىزەمىز. باسىمدىققا يە مەديتسينالىق قىزمەتتەر ءتىزىمىن انىقتاۋ بالالار جانە ساۋىقتىرۋ ءتۋريزمى سەگمەنتىندە قولداعى ءتۋرونىمدى تۇرلەندىرۋگە  كومەكتەسەدى»، – دەدى يۋ.ياكۋپباەۆا.

بالالار ساۋىقتىرۋ ورتالىقتارى مەن شيپاجاي نىساندارىن تۇگەندەۋ بۇل بيزنەس سۋبەكتىلەردى قولداۋ جانە دامىتۋ بويىنشا قاجەتتى شارالاردىڭ وبەكتيۆتى كورىنىسىن بەرەدى.  جول كارتاسىنىڭ جەكەلەگەن ءبولىمى ءتۋريزمنىڭ ماڭىزدى بولىگى - قولونەر شەبەرلىگىنە ارنالعان. ءار وڭىردە قولونەر شەبەرلەرىنىڭ نەگىزگى بۇيىمدارىن انىقتاۋ، قولونەر شەبەرلەرى قىزمەتىن مونەتيزاتسيالاۋ، مادەني ەسكەرتكىشتەردى جوندەۋگە تارتۋ – بۇل جانە باسقا دا ءىس-شارالار قولونەر شەبەرلەرىنىڭ پروبلەمالارىنا نازار اۋدارۋعا جانە قولونەردى ۇلتتىق تۋريستىك ءونىمنىڭ تولىق قۇرامداس بولىگى رەتىندە قاراستىرۋعا ارنالعان.  

«Kazakh Tourism» ۇك» اق جانە «اتامەكەن» قر ۇكپ جول كارتاسىنداعى ءىس-شارالاردى ىسكە اسىرۋ ۇسىنىلعان تۋريستىك ونىمدەردىڭ ساپاسىن جوعارىلاتۋعا ايتارلىقتاي مۇمكىندىك بەرەدى دەگەن سەنىمدە.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار