ايماقتار • 09 ءساۋىر، 2020

جەتىسۋ مەتسەناتتارى «تۋعان جەر» باعدارلاماسىنا تۇراقتى ۇلەس قوسىپ كەلەدى

63 رەتكورسەتىلدى

2017 جىلدىڭ كوكتەمىندە ەلباسى نۇرسۇلتان نازارباەۆتىڭ «بولاشاققا باعدار. رۋحاني جاڭعىرۋ» اتى ماقالاسى جاريالانىپ، ءىزىن الا ول ەلىمىزدىڭ مادەني دامۋىنا جاڭاشا سەرپىن بەرگەن باعدارلاماعا اينالدى. بيىل وسى باعدارلامانىڭ جۇزەگە اسا باستاعانىنا 3 جىل تولىپ وتىر.

«رۋحاني جاڭعىرۋ» باعدارلاماسى جەتىسۋ وڭىرىندە دە جەمىسىن بەرىپ جاتىر. مىسالعا، 2017 – 2018 جىلدار ىشىندە باعدارلاما اياسىندا 325 جوبا مەن ءىس-شارا ۇيىمدارتىرىلىپ، وتكىزىلسە وتكەن جىلى اتقارىلعان جۇمىس كولەمى 585 جوباعا سيىپتى. اۋەلگىدە رەسپۋبليكا بويىنشا العاش رەت تالدىقورعان قالاسىندا «رۋحاني جاڭعىرۋ» ورتالىعى اشىلىپ، قولدانىسقا بەرىلدى. ال وڭىردە 3 جىل ىشىندە وتكەن 15 مىڭعا جۋىق شاراعا 1 ملن ادامنان استام تارتىلعان. جالپى، جەتىسۋداعى «رۋحاني جاڭعىرۋ» باعدارلاماسى جۇزەگە اسا باستاعالى «تۋعان جەر» ارنايى جوباسى بويىنشا اۋىز تولىتىرپ ايتارلىق ءىس اتاقارىلىپتى. ياعني، ءوڭىر مەتسەناتتارى مەن جەكەلەگەن دەمەۋشىلەر اۋىلداردى گۇلدەندىرۋگە بەلسەنە كىرىسىپ، تۋعان جەرىنە دەگەن پاتريوتتىق سەزىمدەرىن ايشىقتاي تۇسكەن.

دەرەكتەردى تەرمەلەسەك، وتكەن 3 جىل ىشىندە جەكە دەمەۋشىلەردەن جالپى قۇنى 15 ملرد تەڭگە بولاتىن قارجى جينالىپ، اۋىلداردا 327 جوبا ىسكە اسىىپتى. قازىرگە، «تۋعان جەر» باعدارلاماسى بويىنشا اۋىلداردى كوركەيتۋ ىسىنە قاراساي اۋدانىندا تۋىپ، وسكەن قالتالى ازاماتتار كوپ ۇلەس قوسىپ وتىر. اتاپ ايتقاندا، اۋدانداعى «باتىر بابالار» مەموريالدى كەشەنى، «اناعا قۇرمەت» مۋزەيى، تۇڭعىش پرەزيدەنت – ەلباسىنىڭ «اتامەكەن» تاريحي-مادەني ورتالىعى، «ۇشقوڭىر» دەنە شىنىقتىرۋ-ساۋىقتىرۋ كەشەنىنىڭ قۇرىلىسى جەكە ادامداردىڭ قارجىسىنا سالىندى. سونداي-اق، مەتسەناتتاردىڭ قولتاڭباسىن تالعار اۋدانىنداعى ساياسي قۋعىن-سۇرگىن قۇرباندارىنا ارنالعان مۋزەيىنەن، پانفيلوۆ اۋدانىندا وربۇلاق شايقاسىنىڭ 375 جىلدىعىنا ارنالعان « ۇلى جەبە» مەموريالدىق كەشەنىنەن، الاكول اۋدانىندا «تارلان» دەنە شىنىقتىرۋ - ساۋىقتىرۋ كەشەنىنەن، كەربۇلاق اۋدانى تاستىباستاۋ اۋىلىندا باستاۋىش سىنىپتارعا ارنالعان مەكتەپتەن، ەسكەلدى اۋدانى قارابۇلاق اۋىلىندا 100 ورىنعا ارنالعان بالاباقشادان جانە ەڭبەكشىقازاق اۋدانى، اششىبۇلاق اۋىلىنداعى بالالاردىڭ ويىن الاڭى مەن فۋتبول الاڭىنان انىق بايقاۋعا بولادى ەكەن.

دەمەۋشىلەردىڭ قارجىسىمەن تۇرىع ۇيلەر سالىنىپ، باسپاناعا مۇقتاج ادامداردى ۇيمەن قامتۋ ءىسى دە جولعا قويىلىپ كەلەدى. ماسەلەن، «BN INVEST» قارجى-ونەركاسىپ حولدينگى قاراساي اۋدانى، شامالعان اۋىلىنىڭ تۇرعىندارىنا 17 ءۇيدىڭ كىلتىن تابىس ەتكەن. جامبىل اۋدانىنداعى اقتەرەك اۋىلىنىڭ تۇرعىندارىنا دا وسى وڭىردەگى بەلگىلى مەتسەنات، شارۋا قوجالىعىنىڭ باسشىسى تەمىرلان ءشاينۇسىپوۆ 20 تۇرعىن ءۇي سالىپ بەرگەن بولاتىن. سونداي-اق، بىلتىر وبلىس كاسىپكەرلەرىنىڭ قولداۋىمەن كوپبالالى، از قامتىلعان وتباسىلار ءۇشىن ەكى جۇزگە جۋىق پاتەر مەن جەكە ءۇي ساتىپ الىنعان ەكەن.

- وتكەن جىلى وبلىستا «رۋحاني جاڭعىرۋ» باعدارلاماسى اياسىندا شامامەن 1 ملن ادامدى قامتي وتىرىپ، 6784 جوبا مەن ءىس-شارا وتكىزدىك. ونىڭ ىشىندە «تۋعان جەر» جوباسى اياسىندا دەمەۋشىلەر مەن مەتسەناتتاردى تارتىپ، قۇنى 7،3 ملرد تەڭگە بولاتىن 120 جوبانى ىسكە اسىردىق. ونىڭ ىشىندە ەڭ ۇلكەن جوبا رەتىندە«ۇشقوڭىر» دەنە شىنىقتىرۋ-ساۋىقتىرۋ كەشەنى مەن اۋداندارداعى 12 سپورت نىسانىن ايتساق جەتكىلىكتى بولار. مۇنان بولەك، مەملەكەت پەن جەكەمەنشىك ارىپتەستىكتى دامىتۋ ماقساتىندا بىلتىر ءبىلىم بەرۋ، دەنساۋلىق ساقتاۋ، الەۋمەتتىك قورعاۋ، سپورت جانە ەنەرگەتيكا سالالارىندا جۇزەگە اساتىن 15 كەلىسىم جاسالىپ، جالپى سوماسى 44،9 ملرد تەڭگە جەكە ينۆەستيتسيا تارتۋعا قول جەتكىزدىك. مۇنىڭ بارلىعى ەلباسى نۇرسۇلتان نازارباەۆتىڭ «بولاشاققا باعدار. رۋحاني جاڭعىرۋ» اتى ماقالاسىندا ايتىلعانداي، قالتالى ازاماتتاردىڭ تۋعان جەرىنە دەگەن سۇيىسپەنشىلىگى، ءپاتريوتيزمى ارقاسىندا مۇمكىن بولعان جۇمىستار، - دەيدى وبلىس اكىمى اماندىق باتالوۆ.

 

الماتى وبلىسى

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار