ايماقتار • 09 ءساۋىر، 2020

قاراعاندى وبلىسى: كارانتيندەگى قاربالاس تىرلىك

114 رەتكورسەتىلدى

كوروناۆيرۋس كۇشەيدى دەپ كۇڭىرەنە بەرۋگە جانە قاراپ وتىرۋعا بولمايدى. بۇل – ءبىر. ودان كەيىن مۇنداي قيىن-قىستاۋ كەزدە ءاربىر سانالى ەردىڭ دارحان كوڭىل، جومارت جۇرەكتەن جاساعان جاقسىلىعى ەلدىڭ رۋحىن كوتەرەتىنىن دە ۇمىتپاعان ءجون.ء تىپتى بار عوي، قاراپ تۇرساڭىز، مىنا «جامان تۇماۋ» ەلدىڭ بىرلىگىن ارتتىرىپ، نامىسىنا قوزعاۋ سالعان ءتارىزدى. جۇرت قازىر جۇمىلىپ ءبىر جۇدىرىق بولمايىنشا، جالماڭداعان ىندەتكە جويقىن سوققى جاساي المايتىنىن ۇققانداي. لايىم سولاي بولعاي!

 

قورعا 270 ملن تەڭگە تۇسكەن

قاراعاندىدا تاياۋدا عانا قۇرىلعان «كومەك-2020» وبلىستىق قوعامدىق قورىنا بۇگىنگى كۇنگە دەيىن 270 ملن تەڭگە ءتۇسىپتى. بۇل يگى ىسكە، اسىرەسە YDD Corporation، QazCarbon، «قازاقمىس» كورپوراتسياسى، «قاراعاندى ەنەرگوتسەنتر» جشس سىندى ءىرى كومپانيالار بەلسەندى تۇردە ات سالىسىپ، قوماقتى قارجى اۋدارعان. ءتىپتى، ءبىر كۇندىك ەڭبەكاقىسىن قيعان مەملەكەتتىك قىزمەتشىلەردىڭ دە بۇل ىستە ۇلەسى بار.

ت

بۇگىنگى كۇندە اتالعان قوردان وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى جانە دەنساۋلىق ساقتاۋ باسقارماسىنىڭ وتىنىمدەرى بويىنشا 104 ملن تەڭگە جۇمسالعان. بۇل قاراجاتقا  دەزينفەكتسيالىق جابدىقتار، ءدارى-دارمەكتەر، سونداي-اق دارىگەرلەر ءۇشىن جەكە قورعانۋ قۇرالدارى ساتىپ الىنىپتى. مىسالى، سانيتارلىق قىزمەت ءۇشىن 254 اسپالى بۇرىككىش الىنىپ، ونىڭ 56 داناسى قاراعاندىدا پايدالانۋعا قالدىرىلعان دا، قالعاندارى وڭىرلەرگە تاراتىلىپ بەرىلگەن.

«كومەك-2020» قوعامدىق قورى قاراعاندى وبلىسى بويىنشا  كوروناۆيرۋستىڭ تارالۋىمەن كۇرەسۋ ءۇشىن قۇرىلعان بولاتىن.

 

«تاير»-دىڭ ءتاۋىر ءىسى

كەنشىلەر استاناسىنداعى «تاير» دەپ اتالاتىن اسا ءىرى ساۋدا قالاسىنىڭ اكىمشىلىگى توتەنشە جاعداي مەن كارانتينگە بايلانىستى شارۋاسى توقتاپ قالعان كاسىپكەرلەرگە كومەك قولىن سوزدى.

ناقتى ايتقاندا، ساۋدا قالاسىنىڭ قوجايىنى وسىندا بۋتيگى بار 600-گە تارتا جەكە كاسىپكەردەن جالداۋ اقىسىن المايتىن بولدى.

ررر

ەل ەرگە قاراپ قالعان قيىن شاقتا، اتالعان ساۋدا قالاسىنىڭ بۇل ىزگى نيەتپەن جاساعان قايىرىمدى ءىسى كوپشىلىكتىڭ كوڭىلىنەن شىقتى. وڭىرلىك كاسىپكەرلەر پالاتاسى باسقا دا ءىرى ساۋدا ورىندارىنىڭ يەلەرىنە «تاير»-دىڭ  باستاماسىن قولداسا دەگەن تىلەك ءبىلدىردى. «جۇمىلا كوتەرگەن جۇك جەڭىل» دەمەكشى، ءوزارا كومەك داعدارىستان از شىعىنمەن شىعۋعا مۇمكىندىك بەرەدى»، دەيدى ءوزىنىڭ قالتاسىنان شىقپاسا دا، قالتالى بايلاردى «تاير»-دان ۇلگى الۋعا شاقىرعان كاسىپكەرلەر پالاتاسى.

 

ەرىكتىلەر ەرلەپ تۇر

قاراعاندى وبلىسىندا تاياۋدا عانا قۇرىلعان «سارىارقا جاستارى» وبلىستىق ەرىكتىلەر شتابىندا 150 ۆولونتەر جۇمىس ىستەيدى. ولار شتابقا حابارلاسىپ، كومەك سۇراعان مۇقتاج جاندارعا قول ۇشىن بەرەدى. اتاپ ايتقاندا، ەرىكتىلەر ءتۇرلى تاپسىرىستاردى قابىلداپ، قارت ادامدارعا، مۇگەدەك جاندارعا  دۇكەننەن ازىق-ت ۇلىك، ءدارىحانادان ءدارى-دارمەك جەتكىزىپ بەرەدى.

ججج

قازىرگى تاڭدا وبلىس بويىنشا مىڭنان استام ادام وزدەرىن ۆولونتەر ساناپ، قوعامعا پايدالى ىستەرمەن اينالىسۋدا. مىسالى، ولار تەك ناۋرىز ايىنىڭ وزىندە 158 اكتسيا وتكىزىپ، 16 مىڭنان استام ادامعا كومەك قولىن سوزعان. بۇل دەگەنىڭىز – 5 مىڭنان استام كوپبالالى جانە از قامتىلعان وتباسىلار، جالعىز باستى قاريالار، مۇگەدەك جاندار جانە باسقا دا الەۋمەتتىك تۇرعىدا قورعالاتىن ساناتتارعا جاتاتىن ادامدار.

بۇگىنگە دەيىن ۆولونتەرلەر دەمەۋشىلەر بولگەن 16 ملن تەڭگەدەن استام سوماعا الىنعان ازىق-ت ۇلىكتى تاراتتى. بۇدان بولەك ولار مۇقتاج جاندار ءۇشىن كوپ رەت قولدانىلاتىن بەتپەردە تىگۋدى ۇيىمداستىردى.

 

 

قاراعاندى وبلىسى

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار