ايماقتار • 09 ءساۋىر، 2020

كەنشىلەر وڭىرىندە گەوحيميالىق زەرتحانا ىسكە قوسىلدى

16 رەتكورسەتىلدى

«ۇلت جوسپارى – 100 ناقتى قادام» جوسپارىنىڭ 75-قادامىن ورىنداۋ مەن «قازگەولوگيا» اق-نىڭ 2016-2025 جىلدارعا ارنالعان دامۋ ستراتەگياسىن ىسكە اسىرۋ شەڭبەرىندە قاراعاندى دا گەوحيميالىق زەرتحانا جۇمىسىن باستادى. بۇل تۋرالى ەكولوگيا، گەولوگيا جəنە تابيعي رەسۋرستار مينيسترلىگى حابارلادى.

جوبا الەمدەگى گەوحيميالىق زەرتحانالىق جۇمىستار بويىنشا قىزمەت كورسەتەتىن، ونىڭ ىشىندە تەحنيكالىق قىزمەت كورسەتۋ سالاسىنداعى جەتەكشى كومپانيالاردىڭ ءبىرى - اLS كومپانياسىمەن بىرلەسىپ ىسكە اسىرىلۋدا.
«قازگەولوگيا» اق-تىڭ گەوحيميالىق زەرتحانا قۇرۋداعى نەگىزگى مىندەتتەرىنىڭ ءبىرى – ىقتيمال ينۆەستورلاردىڭ گەولوگيالىق سىنامالاردىڭ تسيفرلى ءارى ساپالىق سيپاتتامالارى تۋرالى حالىقارالىق دەڭگەيدە تانىلاتىن دەرەكتەردى جەدەل الۋىنا مۇمكىندىك جاسايتىن قازاقستاننىڭ مينەرالدىق بازاسىن جاساۋ. بۇدان بۇرىن شەتەلدىك زەرتحانالارعا سىنامالار جىبەرىلىپ، بۇل كوپ ۋاقىت پەن قارجى رەۋرستارىنىڭ شىعىندارىنا اكەلىپ سوقتى. ال، ەندى قۇرىلعان زەرتحانا الەمدىك ستاندارتتارعا ساي بارلىق قاجەتتى سىنامالاردى قازاقستاندا جۇرگىزۋگە مۇمكىندىك بەرەدى.

زەرتحانا وزىق تەحنولوگيالاردى پايدالانىپ، ناتيجەلەرىن حالىقارالىق قارجى ينستيتۋتتارى تانيتىن، حالىقارالىق ستاندارتتارعا ساي ءارى الەم تانىعان 20-دان استام زەرتتەۋ ءادىسى پايدالانىلاتىن گەوحيميالىق زەرتتەۋلەردى ساپالى جۇرگىزۋگە جول اشادى.
زەرتحانانىڭ جالپى الاڭى 2 مىڭ شارشى مەتردەن اسادى. قىزمەتكەرلەر قۇرامى ۇدايى وقۋدان وتەتىن، بىلىكتىلىگى جوعارى 40 ماماننان، سونداي-اق الەمدەگى ۇزدىك وندىرۋشىلەردىڭ وزىق جابدىقتارىنان تۇرادى. زەرتحانا جابدىقتارىنىڭ كەشەنى بيىلعى ونىمدىلىكتىڭ تاۋلىگىنە 1200 سىناما قۇرايتىن 30 ەلەمەنتتەن استامىن انىقتاۋعا قاۋقارلى.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار