ايماقتار • 09 ءساۋىر، 2020

شىمكەنتتە جاۋعان قالىڭ قاردان اعاشتار قۇلاپ، ەلەكتر جەلىلەرى ءۇزىلدى

69 رەتكورسەتىلدى

رەسپۋبليكانىڭ باسىم بولىگىندە كۇن جاۋىن-شاشىندى بولماق. «قازگيدرومەت» رمك-نىڭ ماماندارى 9-11 ءساۋىر ارالىعىندا اۋا رايىنىڭ قۇبىلۋى جونىندە حابارلاعان بولاتىن. ناقتىراعى ەلىمىزدىڭ سولتۇستىگىندە جاڭبىردىڭ قارعا اۋىسۋىن جانە كۇشتى ەكپىندى جەل، ال رەسپۋبليكانىڭ وڭتۇستىگىندە جانە وڭتۇستىك-شىعىسىندا كەي جەرلەردە قاتتى نوسەر جاۋىپ ءتىپتى جاڭبىردىڭ ارتى قارعا ۇلاسۋى مۇمكىن ەكەندىگىن ايتقاندى.

شىمكەنتتە ءساۋىردىڭ 8-نەن 9-نا قاراعان ءتۇنى قاتتى جاۋىن جاۋىپ، سوڭى قالىڭ قارعا اينالدى. سالدارىنان كوپ قاباتتى تۇرعىن ءۇي اۋلالارىندا اعاشتار قۇلاپ، ەلەكتر جەلىلەرى ءۇزىلدى. مولتەك اۋدانداردا ەلەكتر جارىعى ءوشىپ، قولايسىزدىق تۋىنداتتى. تابيعاتتىڭ توسىن مىنەزى كوممۋنالدىق سالا قىزمەتكەرلەرىن ءبىراز ابىگەرگە سالدى.

الداعى تاۋلىكتە رەسپۋبليكانىڭ بىرقاتار بولىگىندە تۇمان ءتۇسىپ، جەل كۇشەيىپ، سولتۇستىك پەن شىعىستا كوكتايعاق، باتىستى شاڭدى داۋىل كوتەرىلەدى. شىعىس قازاقستان وبلىسىنىڭ كەي جەرلەرىندە تۇمان ءتۇسىپ، كوتايعاق بولادى، جەل كۇشەيىپ، جىلدامدىعى سەكۋندىنا 15-20 مەترگە جەتەدى، ەكپىنى 25 مەتر بولادى. اقمولا، قوستاناي وبلىستارىنىڭ بىرقاتار اۋماقتارىندا تۇمان ءتۇسىپ، كوكتايعاق بولادى. جەلدىڭ جىلدامدىعى سەكۋندىنا 15-20 مەترگە جەتەدى. اقمولا وبلىسىندا تۇندە جاياۋ بۇرقاسىن سوعادى. سولتۇستىك قازاقستان، قاراعاندى، تۇركىستان وبلىستارىنىڭ كەي جەرلەرىندە تۇمان ءتۇسىپ، جەلدىڭ كۇشى سەكۋندىنا 15-20 مەترگە جەتەدى. جامبىل، باتىس قازاقستان وبلىستارىنىڭ كەي جەرلەرىندە تۇمان ءتۇسىپ، كۇندىز جەلدىڭ كۇشى سەكۋندىنا 15-20 مەترگە جەتەدى. قىزىلوردا، اقتوبە، ماڭعىستاۋ، پاۆلودار وبلىستارىنىڭ كەي جەرلەرىندە كۇندىز سەكۋندىنا 15-20 مەتر جىلدامدىقپەن جەل سوعادى. ماڭعىستاۋ وبلىسىندا شاڭدى داۋىل كوتەرىلىپ، تۇندە قىزىلوردا وبلىسىنىڭ كەي جەرلەرىنە تۇمان تۇسەدى. الماتى وبلىسىندا كەي جەرلەردە جەل كۇشەيىپ، جىلدامدىعى سەكۋندىنا 15-20 مەتر بولادى. تۇندە جانە تاڭ اتا بىراقاتار وڭىرلەردە تۇمان تۇسەدى.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار