ايماقتار • 09 ءساۋىر، 2020

دارىگەرلەردىڭ جاقسى كۇنگە دەگەن سەنىمى مول

96 رەتكورسەتىلدى

بۇگىندە اتىشۋلى ىندەت عالامدى اۋىر كۇيگە ءتۇسىرىپ، قوعامنىڭ قوس وكپەسىن قىسىپ بارادى. الەم بويىنشا ءسات ساناپ ورشىگەن قاۋىپتى قۇبىلىس قازاق دالاسىنا دا جەتتى. ەلىمىزدە ىندەتتىڭ الدىن الۋ ماقساتىندا ءتيىستى شارالار دا قابىلداندى. ءوڭىر-وڭىرلەردەگى جاعداي دا جۇرتشىلىقتىڭ الاڭداۋشىلىعىن تۋدىرۋدا. راسىندا باس اۋىرىپ، بالتىر سىزداي قالسا، ادام بىردەن دارىگەردىڭ كومەگىنە جۇگىنەدى. ال بۇگىنگىدەي جاعدايدا ءاربىر تۇرعىنعا اق حالاتتى ابزال جانداردىڭ كومەگى ءتىپتى قاجەت. ناۋقاس جانداردى ەمدەۋ ءۇشىن باسىن قاتەرگە تىككەن بارشا دارىگەرلەردىڭ ەرلىگى بۇگىندە مەملەكەت تاراپىنان لايىقتى باعالانۋدا.

مەملەكەت باسشىسى قاسىم-جومارت توقاەۆ ءوزىنىڭ مالىمدەمەسىندە «كوروناۆيرۋس – باتپانداپ كىرىپ، مىسقالداپ شىعاتىن قاۋىپتى دەرت. دەگەنمەن، ءبىز ىندەتكە شالدىققان ادامدارعا بارلىق قاجەتتى كومەكتى كورسەتەمىز. بۇگىندە بۇكىل ەلىمىز دارىگەرلەر مەن مەديتسينا قىزمەتكەرلەرىنىڭ قايسارلىعىنا ءتانتى بولۋدا. ولار – ادام ومىرىنە اراشا ءتۇسىپ جاتقان بۇگىنگى كۇننىڭ باتىرلارى»، دەگەن بولاتىن. سونىمەن قاتار، پرەزيدەنت پاندەمياعا قارسى كۇرەستىڭ الدىڭعى لەگىندە جۇرگەندەرگە قوسىمشا قولداۋ كورسەتۋ جونىندە شەشىم قابىلداعانىن، دارىگەرلەرگە جانە مەديتسينا قىزمەتكەرلەرىنە 3 اي بويى قوسىمشا ۇستەمە اقى تولەنەتىنىن جەتكىزگەن ەدى. مەملەكەتتىڭ بۇل قولداۋى اق حالاتتى ابزال جاندارعا ارتىلعان ۇلكەن سەنىم بولىپ وتىر. شىنىندا دا بۇگىندە ەلىمىز بويىنشا كوروناۆيرۋس ينفەكتسياسىن جۇقتىرۋ دەرەگى كۇن سايىن وسۋدە. بۇگىندە جامبىل وبلىسىندا ىندەت جۇقتىرۋدىڭ 45 جاعدايى تىركەلگەن. ىندەت بەلگىلەرى قىرعىز، رەسەي، ءۇندىستان مەملەكەتتەرىنەن جانە نۇر-سۇلتان، قوستاناي وڭىرلەرىنەن كەلگەن ازاماتتاردان انىقتالعان. وبلىستىق اكىمدىكتىڭ مالىمەتىنشە، قازىر ناۋقاستاردىڭ جاعدايى جاقسى، شاعىمدارى جوق. ال، قاۋىپتى ىندەتتى جۇقتىرعان ازاماتتاردى ەمدەۋ، ساۋىقتىرۋ جولىندا قىزمەت اتقارىپ جۇرگەن دارىگەرلەردىڭ ەڭبەگى وراسان. ءوزى دە دارىگەرلەرمەن بىرگە ناۋقاستاردى ەمدەپ جۇرگەن وبلىستىق كوپبەيىندى بالالار اۋرۋحاناسى باس دارىگەرىنىڭ ينفەكتسيالىق جۇمىس بويىنشا ورىنباسارى سەرىك جەتىباەۆ وڭىردەگى اق حالاتتى ابزال جانداردىڭ تاباندى جۇمىسى جونىندە اڭگىمەلەپ بەردى. «وبلىس ورتالىعىندا ناۋقاستارعا ارنالعان ارنايى بوكستار بار. ىندەت جۇقتىرعاندار سول جەردە جاتىر. دارىگەرلەر مەن مەديتسينا قىزمەتكەرلەرى جەتكىلىكتى. ولاردىڭ ءبارى دە وقىعان ماماندار. مەملەكەت باسشىسى قاسىم-جومارت توقاەۆتىڭ تاپسىرماسىمەن، وبلىس اكىمى بەردىبەك ساپارباەۆتىڭ قولداۋىمەن بارلىق ماسەلە رەتتەلگەن. بارلىق جاعداي وبلىستىق

جالپى، سەرىك جەتىباەۆتىڭ ايتۋىنشا، جامبىلدىق دارىگەرلەر بۇگىندە قاۋىپتى ىندەتتىڭ الدىن الۋ ماقساتىندا جۇمىس اتقارۋدا. ناۋقاستاردى ەمدەپ جاتقان 55 دارىگەر مەن مەديتسينا قىزمەتكەرلەرى بۇگىندە تاراز قالاسىنداعى ء«ىنجۋ» قوناقۇيىندە ورنالاسىپتى. ولار بىرنەشە كۇننەن بەرى ۇيىنە بارماي، وسىندا تۇرىپ جاتىر ەكەن. مەديتسينا قىزمەتكەرلەرىن قاۋىپسىزدىك ءۇشىن اۋرۋحانا مەن قوناقۇي اراسىنا ارنايى اۆتوبۋستار تاسىمالدايدى. ەگەر ىندەت جۇقتىرعان ناۋقاستار قاتارى كوبەيگەن جاعدايدا ولارعا كومەك كورسەتۋگە تاعى 255 دارىگەر مەن مەديتسينا قىزمەتكەرلەرى دايىن وتىر. نەگىزى كوروناۆيرۋس ىندەتىنىڭ بايلانىس ارقىلى جۇعاتىنىن ماماندار ءجيى ايتۋدا. بۇل سالماعى اۋىر ۆيرۋس بولعاندىقتان، ول ادامنىڭ قولىنا، ۇستاعان زاتتارىنا جابىسىپ قالۋى مۇمكىن ەكەن. ال، ءوزىنىڭ قاۋىپسىزدىگىنەن گورى وزگەنىڭ جايىن كوپ ويلاعان دارىگەرلەر ىندەتتىڭ قاۋىپتىلىگىنە قاراماي، باسىن بايگەگە تىگۋدە. مەديتسينا قىزمەتكەرلەرى ادامنىڭ ءتۇرلى اعزالارى ارقىلى جۇعۋى مۇمكىن ىندەتتەن بارىنشا قورعانسا دا، ىندەتتىڭ اتى ىندەت. ءوزى دە ناۋقاستاردى ەمدەۋ ىسىنە بەلسەنە كىرىسىپ جۇرگەن دارىگەر سەرىك جەتىباەۆتان ءبىز ىندەت جۇقتىرعان ادامداردى ەمدەۋ كەزىندە مەديتسينا قىزمەتكەرلەرىنىڭ قالاي ساقتاناتىنىن سۇراپ كوردىك. ارنايى كوستيۋم، كوزىلدىرىك، اۋىزعا تاعاتىن رەسپيراتور، ارنايى اياق كيىمدەر – ولاردىڭ باستى قورعانىسى ەكەن. ءارى بۇلاردى 3 ساعات سايىن اۋىستىرىپ تۇرۋ كەرەك. بىراق، بۇل كيىمدەردى كيۋ كەزىندە دە دارىگەر قاتەلىك جىبەرىپ قويسا، ياعني ءسال عانا اۋا كىرەتىن ورىن قالسا، وندا ىندەتتىڭ جۇعىپ كەتۋ قاۋپى جوعارى. دارىگەرلەردىڭ ءوز ءومىرىن قاتەرگە تىگە وتىرىپ، وزگەنىڭ ءومىرىن ساقتاپ قالۋ كەزىندەگى ەرلىكپەن بىردەي ەرەن ەڭبەگى كوپكە ۇلگى.

قۋانىشقا قاراي، ازىرگە جامبىل وبلىسىنان كوروناۆيرۋس ىندەتىنە بايلانىستى ادام ءولىمى تىركەلگەن جوق. وڭىردە مەيلىنشە قاۋىپسىزدىك شارالارى كۇشەيتىلگەن. سەرىك جەتىباەۆ اۋليەاتالىق دارىگەرلەردىڭ جاقسى كۇنگە دەگەن سەنىمىنىڭ جوعارى ەكەنىن ايتتى. ءتىپتى ناۋقاستاردىڭ اۋرۋى اسقىنعان جاعدايدا دا تىنىس الۋ اپپاراتتارىنىڭ دايىن، ورىنداردىڭ جەتكىلىكتى ەكەنىن جەتكىزدى. بىراق، دارىگەرلەردىڭ ىندەت جۇقتىرعانداردى بارىنشا ەمدەپ، جازۋعا كىرىسكەندىگىن ايتا كەتكەن ءجون.

 

جامبىل وبلىسى

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار