ايماقتار • 09 ءساۋىر، 2020

قىزىلوردا: شيەلى اۋدانىندا 52 ادامنىڭ ۆيرۋس جۇقتىرعانى انىقتالدى

552 رەتكورسەتىلدى

بۇگىن ساعات 10:00-دەگى مالىمەت بويىنشا قىزىلوردا وبلىسىندا COVID-19 ينفەكتسياسىن جۇقتىرعان تاعى  7 ادام انىقتالدى. اۋرۋ جۇقتىرعانداردىڭ بەسەۋى شيەلى اۋدانىندا، بىرەۋى سىرداريا اۋدانىندا جانە بىرەۋى قىزىلوردا قالاسىندا تىركەلدى. بۇل تۋرالى مەملەكەتتىك كوميسسيانىڭ شۇعىل شتابى حابارلادى.

شيەلىدەگى 5 ادامنان جانە سىردارياداعى 1 ادامنان كوروناۆيرۋس ينفەكتسياسىن جۇقتىرعان اداممەن قارىم-قاتىناستا بولۋىنا بايلانىستى، ال قىزىلوردا قالاسىندا انىقتالىپ وتىرعان 1 ادامنان جرۆي سيمپتومدارىنا شاعىمدانۋىنا بايلانىستى زەرتحانالىق سىنامالار الىنعان. پتر دياگنوستيكالىق زەرتتەۋ قورىتىندىسىمەن COVID-19 دياگنوزى ناقتىلاندى.

قازىرگى تاڭدا ناۋقاستارمەن قارىم-قاتىناستا بولعان ادامدار انىقتالىپ، بارلىعى مەديتسينالىق باقىلاۋعا الىنۋدا.

اۋرۋ وشاقتارىندا دەزينفەكتسيالىق جۇمىستار جۇرگىزىلىپ جاتىر.

09.04.2020 جىلعى جاعداي بويىنشا وبلىستا COVID-19 كوروناۆيرۋس ينفەكتسياسىن جۇقتىرعان 92 ادام انىقتالدى:

قىزىلوردا قالاسىندا – 10،
جاڭاقورعان اۋدانىندا – 16،
قارماقشى اۋدانىندا – 4،
شيەلى اۋدانىندا – 52،
سىرداريا اۋدانىندا – 8،
ارال اۋدانىندا – 2.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار