ايماقتار • 09 ءساۋىر، 2020

تج كەزىندە نۇر-سۇلتانعا 14 مىڭ توننادان استام ازىق-ت ۇلىك جەتكىزىلگەن

16 رەتكورسەتىلدى

قالادا حالىق قاجەتتىلىگىن قامتاماسىز ەتەتىن 30 مىڭ توننا كولەمىندە ازىق-ت ۇلىك قورى بار. بۇل رەتتە بيلىك تاراپىنان ازىق-ت ۇلىك قورىن تولىقتىرۋعا باعىتتالعان قاجەتتى شارالار قولعا الىنعان دەپ حابارلايدى نۇر-سۇلتان اكىمدىگىنىڭ رەسمي سايتى.

نۇر-سۇلتان قالاسى ينۆەستيتسيالار جانە كاسىپكەرلىكتى دامىتۋ باسقارماسىنىڭ باسشىسى ەرلان بەكمۇرزاەۆ: «كارانتين رەجيمى ەنگىزىلگەننەن بەرى جارتى ايدان اسا ۋاقىت ءوتتى. قالاعا تاۋارلار ۇزدىكسىز جەتكىزىلىپ جاتىر، تاپشىلىق بايقالمايدى. جۇك تاسىمالى ءۇشىن كىرە بەرىستە «جاسىل ءدالىز» جاسالعان. كارانتين ەنگىزىلگەن ساتتەن باستاپ قالاعا جالپى كولەمى 39812،2 توننالى 3،776 جۇك كولىگى كىردى. ونىڭ ىشىندە ازىق-ت ۇلىك ونىمدەرى – 14 315،4 توننا. بۇل بازار نارىعىنداعى بۇگىنگى ساتىلىم كولەمىنە سايكەس كەلەدى. بۇگىندە قالادا ازىق-ت ۇلىك قورى جەتكىلىكتى»، - دەيدى ورتالىق كوممۋنيكاتسيالار قىزمەتىندەگى وتكەن بريفينگتە.

ە.بەكمۇرزاەۆتىڭ ايتۋىنشا، قازىرگى ۋاقىتتا ەلوردادا 19 باعدار بويىنشا 30 مىڭ توننا كولەمىندە الەۋمەتتىك ماڭىزعا يە ازىق-ت ۇلىك بار. ونىڭ 25 مىڭ تونناسى قويمالاردا بولسا، قالعان 5 مىڭ تونناسى قالانىڭ تۇراقتاندىرۋ قورىندا ساقتالعان.

سونىمەن قاتار، قالا باسشىلىعى قالا رەزەرۆتەرىن تولتىرۋ بويىنشا بىرقاتار شارالار قابىلداۋدا. 

«بىرىنشىدەن، وڭىرلەرمەن جەمىس-كوكونىس، ەت جانە ازىق-ت ۇلىك ونىمدەرىنىڭ بەلگىلەنگەن باعاسى بويىنشا «فورۆاردتىق كەلىسىمشارتتار» جاسايمىز. بۇل تۇركىستان، جامبىل، اقمولا جانە پاۆلودار وبلىستارىنا قاتىستى. ەكىنشىدەن، «اينىلىم سحەماسى» بويىنشا كۇرىش، قاراقۇمىق جانە كوكونىس توبىنا (كارتوپ، پياز، ءسابىز، قىرىققابات) بەلگىلەنگەن باعامەن ساتىلاتىن ءىرى بولشەك ساۋدا جەلىلەرىمەن جەڭىلدەتىلگەن نەسيە تۋرالى كەلىسىمگە قول قويدىق»، - دەيدى باسقارما باسشىسى.

سونىمەن قاتار جەرگىلىكتى بيۋدجەتتەن قوسىمشا 1،5 ملرد. تەڭگە ءبولىندى. بۇل الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن بەلگىلەۋ ءۇشىن جەڭىلدەتىلگەن نەسيەلەرگە دە باعىتتالعان. سونىڭ ىشىندە كۇنباعىس مايى، ءسۇت، ەت جانە ازىق-ت ۇلىك ونىمدەرىن ساتىپ الۋ جوسپاردا تۇر.

«قاجەتتى ۇن ساتىپ الىنعاندىقتان، ءبىرىنشى سورتتى بولكە نان باعاسى 90-95 تەڭگە كولەمىندە ساقتالادى. تۇراقتاندىرۋ قورىنان قانتتىڭ باعاسى 220 تەڭگەدەن اسپايتىن تاۋارلىق ينتەرۆەنتسيا جاسالىپ جاتىر. بۇل «Magnum»، «كەڭمارت»، «استىقجان»، «ۆكۋسمارت»، «ا2»، «مەترو» سۋپەرماركەتتەرى مەن «شاپاعات» بازارى ارقىلى جۇزەگە اسىدى.

ۇكىمەت تاراپىنان الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن رەتتەۋ ماقساتىندا 9 تاۋارعا شەكتى باعا قويىلدى. اتاپ ايتساق، ولار: سۇرىپتالعان بيداي ۇنى، (197 تەڭگە)، ءبىرىنشى سۇرىپتى ۇننان جاسالعان قالىپتى نان، (150 تەڭگە / كگ، 82،5 تەڭگە / 500 گر.)، ولشەمەلى ماكارون (230 تەڭگە)، قاراقۇمىق جارماسى (239 تەڭگە)، وڭدەلگەن كۇرىش (307 تەڭگە)، سيىر ەتى (يىق-كەۋدە سۇيەكتەرى) (2113 تەڭگە)، تاۋىق جۇمىرتقاسى ء(ى سانات) (351 تەڭگە)، كۇنباعىس مايى (481 تەڭگە)، اس تۇزى («ەكسترانى» قوسپاعاندا) (55 تەڭگە).

باعالار ءار وڭىردە جەكە بەلگىلەنگەن. بەكىتىلگەن باعالار تۋرالى اقپارات e-gov.kz رەسمي سايتىندا ورنالاسقان. سونىمەن قاتار ءتيىستى مەكەمەلەر قۇرامىندا ءموبيلدى توپتار قۇرىلدى. ارىز-شاعىمدار مەن تۇسكەن اقپاراتتار بويىنشا رەيد جاسالادى.

«مۇمكىندىكتى پايدالانا وتىرىپ، ساۋدا سالاسىنداعى بارلىق كاسىپكەرلەردى شەكتى باعا مولشەرىن قاتاڭ ساقتاۋ قاجەتتىگى تۋرالى تاعى دا حاباردار ەتكىم كەلەدى. بەلگىلەنگەن باعادان اسقان جاعدايدا كاسىپكەرلەرگە  265 مىڭ تەڭگەدەن 530 مىڭ تەڭگەگە دەيىن ايىپپۇل سالىنادى»، - دەيدى نۇر-سۇلتان قالاسى ينۆەستيتسيالار جانە كاسىپكەرلىكتى دامىتۋ ءبولىمىنىڭ باسشىسى ەرلان بەكمۇرزاەۆ.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار