ايماقتار • 09 ءساۋىر، 2020

نۇر-سۇلتاندا تج كەزىندە ارناۋلى اسكەري جيىنعا شاقىرىلعاندار كىمدەر؟

26 رەتكورسەتىلدى

پرەزيدەنت قاسىم-جومارت توقاەۆتىڭ 2020 جىلعى 2 ساۋىردەگى №296 جارلىعىنا سايكەس ەلوردادا اسكەري مىندەتتىلەر ءتىزىمى قۇرىلىپ، اسكەرگە شاقىرىلدى. ەلوردا اكىمى التاي كولگىنوۆ پەن قورعانىس ءمينيسترىنىڭ ءبىرىنشى ورىنباسارى - قر قك باس شتابىنىڭ باستىعى مۇرات بەكتانوۆ اسكەري مىندەتتى-ەرىكتىلەرمەن كەزدەستى.

ءبىرىنشى كەزەڭدە 100 اسكەري مىندەتتىلەر شاقىرىلدى. ولاردىڭ بارلىعى اسكەري مىندەتتى-ەرىكتىلەر. قاجەت بولعان جاعدايدا ولاردىڭ سانى ۇلعايتىلاتىن بولادى. اسكەري مىندەتتىلەر قاتارىندا-بەلگىلى قازاقستاندىق بوكسشى، «كوك تۋدىڭ جەلبىرەگەنى» ءانىنىڭ اۆتورى جانە ورىنداۋشىسى يبراگيم ەسكەندىر دە بار.

«حالىق ارقاشان شىعارماشىلىق ادامدارىن، سپورتشىلاردى قولدايدى. ءبىز بۇل قولداۋدى سەزىنەمىز. حالقىما قىزمەت ەتۋگە دايىنمىن. مەن زاپاستاعى لەيتەنانتپىن، بوكسپەن اينالىساتىندىقتان فيزيكالىق تۇرعىدا ءتوزىمدىمىن. مەملەكەت باسشىسىنىڭ اسكەري مىندەتتىلەردى ارناۋلى اسكەري جيىنعا شاقىرۋ تۋرالى جارلىعىن ەستىگەندە، ەش كۇمانسىز بىردەن ەلورداداعى اسكەري كوميسسارياتقا كەلدىم. مەديتسينالىق تەكسەرۋدەن ءوتتىم، قىزمەتكە دايىنمىن»، - دەدى يبراگيم ەسكەندىر.

قالا اكىمى التاي كولگىنوۆ اتاپ وتكەندەي، اسكەري مىندەتتىلەردىڭ نەگىزگى مىندەتتەرى-كوروناۆيرۋستىق ينفەكتسيانىڭ تارالۋىنا جول بەرمەۋ جونىندەگى جەدەل شتاب جۇمىسىنا قاتىسۋ، وتكىزۋ-باقىلاۋ بەكەتتەرىندە قىزمەت اتقارۋ، قالا اۋماعىنا دەزينفەكتسيا جۇرگىزۋ، ينفەكتسيا وشاقتارى انىقتالعان نىسانداردى كۇزەتۋ جانە ت. ب. اسكەري مىندەتتىلەر تاماقپەن، كيىم-كەشەكپەن، سونداي-اق ەڭبەكاقىمەن تولىقتاي قامتاماسىز ەتىلدى.


سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار