كوروناۆيرۋس • 08 ءساۋىر، 2020

54 ادام جازىلىپ شىقتى

77 رەتكورسەتىلدى

سوڭعى مالىمەتكە سۇيەنسەك، رەسپۋبليكا بو­يىنشا كوروناۆيرۋس جۇقتىرعانداردىڭ سانى 709 ادامعا جەتىپ وتىر.

كۇشەيتىلگەن كارانتيندىك شارالاردىڭ ناتي­جەسىندە ەلوردادا اۋرۋ جۇقتىرعانداردىڭ سانى  222 ادام بولىپ، 7 ءساۋىر ساعات 08:35-تەن بەرى جاڭا جاعداي تىركەلمەسە، الماتى قالاسىنداعى جاعداي

6 ساۋىردەن بەرى وزگەرمەي، 119 ناۋقاستى كورسەتىپ تۇر. شىمكەنت قالاسىندا دا ءوسىم تومەندەپ   (20 ناۋقاس)، وتكەن تاۋلىكتە اۋرۋ جۇقتىرعاندار تىركەلمەدى. ال اقمولا وبلىسىندا – 43، اقتوبە وبلىسىندا – 11، الماتى وبلىسىندا – 10، اتىراۋ وبلىسىندا – 36، شىعىس قازاقستان وبلىسىندا – 6، جامبىل وبلىسىندا – 45، باتىس قازاقستان وبلىسىندا – 2، قاراعاندى وبلىسىندا – 55، قوستاناي وبلىسىندا – 3، قىزىلوردا وبلىسىندا – 72، ماڭعىستاۋ وبلىسىندا – 6، پاۆلودار وبلىسىندا – 1، سولتۇستىك قازاقستان وبلىسىندا – 25، تۇركىستان وبلىسىندا 33 ناۋقاس انىقتالىپ وتىر.

قازىرگە دەيىن 54 پاتسيەنت جازىلىپ شىقسا، 7 ناۋقاس قايتىس بولدى. جەتىنشى ناۋقاس – اقمولا وبلىسى تسەلينوگراد اۋدانىنىڭ تۇرعىنى. 1929 جىلعى قاريا 6 ساۋىردە قايتىس بولعان. كورونوۆيرۋس ينفەكتسياسى 7 ساۋىردە مۇردەنى تەكسەرگەن كەزدە ناقتىلانعان. ول وسىعان دەيىن قايتىس بولعان 1947 جىلعى ەر اداممەن بايلانىستا بولعان جانە ارتەريالىق گيپەرتەنزيا، دەپ سيندرومى، پاركينسون، جۇرەكتىڭ يشەميالىق اۋرۋى، ستەنوكارديا كەرنەۋ، سوزىلمالى برونحيت دياگنوزدارىمەن تىركەۋدە تۇرعان.

9 ءساۋىر ساعات 00:00-دەن باستاپ جامبىل وبلىسىنا كارانتين رەجىمى ەنگىزىلدى. وبلىس اۋماعىنا 27 بلوك-بەكەت ورناتىلعان، ونىڭ ىشىندە تاراز قالاسىندا 7 بلوك-بەكەت قويىلعان. ولاردا پوليتسيا، مەديتسينا جانە اسكەري قىزمەتشىلەر قىزمەت اتقارۋدا. وڭىردە تىركەلگەن 45 ناۋقاستىڭ 11-ءى شەكارا بەكەتىنەن وتكەندە، ال 6-ۋى دەليدەن اۋە رەيسىمەن كەلگەن جولاۋشىلار اراسىنان انىقتالعان.

رەسمي اقپارات بويىنشا، بۇگىندە رەسپۋبليكا بوينشا قاۋىپتى ەلدەردىڭ 1 «ا» ساناتىنا جاتاتىن مەملەكەتتەردەن كەلگەن 1962 ادام كارانتيندە بولسا، 1 «ب» ساناتىنداعى ەلدەردەن كەلگەن 11 232 ادام ۇيدە وقشاۋلانعان.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار