ونەر • 09 ءساۋىر، 2020

«استانا وپەرانىڭ» ونلاين-تەراپياسى

10 رەتكورسەتىلدى

تۇما كەڭىستىكتى تۇمشالاعان ەپيدەميادان قۇلازىعان كوڭىلدى سەيىلتۋ ءۇشىن بۇكىل الەمنىڭ ساحنا ساڭلاقتارى ونلاين-كونتسەرتتەر وتكىزۋدە. پسيحولوگ-ماماندار مۇنداي جوبالاردىڭ پايدالى جاقتارىن ەسكەرتىپ، چەللەندجدەر ۇيىمداستىرۋعا، مۋزىكالىق شىعارمالاردى تىڭداپ، تاماشالاۋعا، ءوزىن ءوزى دامىتۋمەن اينالىسۋعا كەڭەس بەرۋدە. وزگە قازاقستاندىق ارتىستەرىمەن قاتار، «استانا وپەرا» تەاترىنىڭ ۇجىمى دا كلاسسيكالىق ونەردى سۇيەتىن كوپشىلىككە ونلاين-كونتسەرت ۇسىندى.

يگى باستامانىڭ ماقساتى – الەۋ­مەتتىك جەلىلەر ارقىلى وتاندىق وپەرا ونەرى جاۋھارلارىمەن تانىستىرۋ، ادامزات­تى الاڭداتقان جاعىمسىز جايتتان ءبىر ءسات تە بولسىن كوڭىلدەرىن اۋلاپ، ونەر­دىڭ كاۋسار بۇلاعىمەن سۋسىنداتۋ. قازاقستاندىق ارتىستەر مادەنيەت جانە سپورت مينيسترلىگىمەن بىرلەسىپ ۇيىم­داستىرىلعان شىعارماشىلىق ەستافەتانى ءبىر-بىرىنە جولداپ، «بىرگە ەڭسە­رەمىز»، ء«بىز بىرگەمىز» جوبالارى اياسىن­­دا كارانتيندەگى ۋاقىتتى ءتيىمدى وتكىزۋگە كەڭەس بەرۋدە.

– ونەر اتاۋلى تەك ادام ءۇشىن قىزمەت ەتەدى. اتا-بابالارىمىزدان قالعان اسىل قازىنامىز ارقىلى ءبىز جاقسى مەن جاماندى، ىزگىلىك پەن ز ۇلىمدىقتى، قۋانىش پەن قايعىنى ونەرمەن ورنەكتەۋدىڭ نەبىر اسىل ۇلگىلەرىن ساقتاپ كەلدىك. مۋزىكا – جالعان نارسەگە شىداي المايتىن ەڭ مانەرلى تىلدەردىڭ ءبىرى، ول – ماڭگى. بيىل 175 جىلدىق مەرەيتويى اتالىپ ءوتىپ جاتقان ۇلى ابايدىڭ اككوردتارى مەن فيلوسوفيالىق وي-تول­عامدارى ءبىر مارتە شىرقالعاننان-اق حالىقتىڭ جۇرەگىنە ۇيالايتىن كومپوزيتسيانى دۇنيەگە اكەل­دى. «كوزىمنىڭ قاراسى» ءانى ادام جا­نىنىڭ تەرەڭىنە بويلاپ، تىڭداعان سايىن ءومىردى جاڭاشا تۇيسىنۋگە، اسەرلى الەمگە جەتەلەيدى. الەۋ­مەتتىك جەلىدەگى پاراقشامدا وتانداستارىمدى قولداۋعا باعىتتالعان بەينەروليك جاريالايمىن. ەلىمىز بەن تۇتاستاي الەم ءۇشىن وسىناۋ قيىن-قىس­تاۋ كەزەڭدە قازاقستاننىڭ تۇڭعىش پرەزيدەنتى قورىنىڭ لاۋرەاتتارى مەن قور جانىنداعى مادەنيەت جونىندەگى كەڭەس مۇشەلەرى قازاق كلاسسيكاسىنىڭ جاۋھارلارىن ورىندايدى. تەك بۇل جولى قويىلىم وپەرا ساحناسىندا ەمەس، كارانتين رەجىمىندە ۇيدەن ۇسىنىلادى. سەبەبى ونەردە – شەكا­را جوق. ءبىز بىرلەس­كەن­دە عانا ءبا­رىن جەڭە­مىز، – دەيدى قازاق­ستان­نىڭ ەڭبەك سىڭىر­گەن قايراتكەرى، «اس­تانا وپەرا» مەم­­لەكەت­تىك وپەرا جانە با­لەت تەاترى وپە­را ترۋپ­پاسىنىڭ مەڭگە­­رۋشىسى ازامات جىل­تىركوزوۆ.

باريتون ءانشى پ.ي.چايكوۆسكيدىڭ «دون جۋاننىڭ سەرە­ناداسىن» شىرقاپ، ەستافەتانى وپەرا تسە­حىنداعى ءوز ارىپتەس­تەرىنە جولدادى، ءوزى بولسا مۇنى قازۇوۋ ستۋدەنتتەرى ءاليحان جانە ومار­حان ومارعازيندەردەن قابىل­داعان بولاتىن. «قۇرمەت» وردەنىنىڭ يەگەرى، تەاتردىڭ جەتەكشى ءسوليسى اي­زادا قاپونوۆا تىڭ­­دارمان نازارىنا ي.شتراۋستىڭ «جار­قانات» وپەرەتتاسىنان ادەلدىڭ شۋماق­تارىن ۇسىندى. وپەرا انشىسىنەن چەللەندجدى بەلگىلى ارتىستەر – تالعات مۇسا­باەۆ، راسۋل جار­ماعامبەتوۆ، اي­گۇل قوسانوۆا قابىل­داماق. مايرا مۇ­حامەدقىزى، جۇپار عابدۋللينا، دينا حامزينا جانە دە باسقا ارتىستەر ءوز وقىر­ماندارىمەن بەل­سەندى قارىم-قاتىناس جاساۋدا.

وپەرا ديۆاسى، قازاقستاننىڭ ەڭبەك سىڭىرگەن ءارتىسى، مەملەكەتتىك سىيلىقتىڭ لاۋرەاتى مايرا مۇحامەدقىزى «قازاق­تە­لەكومنىڭ» «YouTube» ارناسىنان تى­كەلەي ەفير ارقىلى Live فورماتىنداعى جەكە كونتسەرتىن بەردى.

كونتسەرت باعدارلاماسىندا قازاقتىڭ حالىق اندەرى، اباي قۇنانباي ۇلىنىڭ تۋىندىلارى، تانىمال يتالياندىق جانە كلاسسيكالىق ورىس رومانستارى بار.

ەسكە سالا كەتەتىن جايت، مادەنيەت جانە سپورت مينيسترلىگى «قازاقتەلەكوم» اق-مەن بىرلەسىپ، Live فورماتىندا «كا­ران­تيندەگى جۇلدىز» جاڭا جوباسىن ىسكە قوسقان بولاتىن.

 

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار