ايماقتار • 08 ءساۋىر، 2020

تاراز قالاسىندا تۇرعىن ءۇيدىڭ كىرەبەرىسى كارانتينگە جابىلدى

113 رەتكورسەتىلدى

تاراز قالاسىندا وسى ۋاقىتقا دەيىن كوروناۆيرۋس ىندەتىنە شالدىققان 86 جاستاعى ايەل انىقتالعان «قاراسۋ» شاعىناۋدانىنداعى كوپپاتەرلى تۇرعىن ءۇيدىڭ كىرەبەرىسى كارانتينگە جابىلدى.

قازىر ناۋقاس ينفەكتسيالىق ستاتسيوناردا ەم الۋدا. جامبىل وبلىسى اكىمدىگىنىڭ مالىمەتىنشە، ەپيدەميولوگيالىق تەكسەرۋ بارىسىندا ول 17 ناۋرىز كۇنى الماتى قالاسىنان كەلگەن جاقىن تۋىسىمەن بايلانىستا بولعان. سونداي-اق، ونىمەن بايلانىستا بولعان 5 تۇلعا انىقتالىپ، كارانتينگە ورنالاستىرىلعان.

تۇرعىن ءۇيدىڭ كىرەبەرىسىنە جانە تۇرعىلىقتى جەرى بويىنشا دەزينفەكتسيالىق وڭدەۋ شارالارى جۇرگىزىلگەن. وسى كىرەبەرىستەگى پاتەرلەردىڭ 27 تۇرعىنى 14 كۇنگە وقشاۋلانىپ، ءوز پاتەرلەرىنەن شىعۋعا تىيىم سالىندى. ولارمەن ءتيىستى ماماندار سۇحباتتار جۇرگىزىپ، تۇرعىنداردىڭ ءوزىن-ءوزى وقشاۋلاۋدىڭ ماڭىزدىلىعىن ءتۇسىندىردى. بۇگىندە تۇرعىن ءۇيدىڭ كىرەبەرىسىندە پوليتسيا قىزمەتكەرلەرى كەزەكشىلىك ەتۋدە. ال، مۇنداعى تۇرعىنداردى تاراز قالاسىنىڭ اكىمدىگى قاجەتتى ازىق-ت ۇلىك ونىمدەرىمەن قامتاماسىز ەتىپ وتىر. جالپى، وڭىردە بۇگىنگە دەيىن كوروناۆيرۋس ينفەكتسياسىن جۇقتىرۋدىڭ 45 جاعدايى تىركەلگەن. ونىڭ ىشىندە 11 ادام شەكارالىق وتكىزۋ پۋنكتتەرىن كەسىپ ءوتۋ كەزىندە، 6 جولاۋشى ءۇندىستاننىڭ دەلي قالاسىنان كەلگەن ازاماتتاردان انىقتالعان. تاراز قالاسىندا 5 وقيعا، قورداي اۋدانىندا 18، مەركى اۋدانىندا 2، شۋ، مويىنقۇم جانە جامبىل اۋدانىندا ءبىر-ءبىر جاعدايدان تىركەلگەن.

 

جامبىل وبلىسى

 

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار