ايماقتار • 08 ءساۋىر، 2020

سارىسۋ اۋدانى تۇرعىندارىنىڭ تىلەگى ورىندالۋدا

47 رەتكورسەتىلدى

مەملەكەت باسشىسى قاسىم-جومارت توقاەۆ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىندا «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋدى مىندەتتەگەن بولاتىن.

وسى ماقساتتا جامبىل وبلىسىنىڭ اكىمى بەردىبەك ساپارباەۆ جۇمىس ساپارىمەن وبلىستىڭ بارلىق اۋداندارىن ارالاپ شىعىپ، تۇيتكىلدى ماسەلەلەردى كوزىمەن كورىپ، ونىڭ شەشىلۋىنە ىقپال ەتۋدى كوزدەگەن ەدى. وبلىس باسشىسىنىڭ سونداي ءىسساپارى كەزىندە اۋدان تۇرعىندارى تاراپىنان بىرقاتار ماسەلەلەر كوتەرىلگەن بولاتىن. كوتەرىلگەن ماسەلەلەر بۇگىنگى تاڭدا قولعا الىنىپ، وبلىستىڭ باس جوسپارىنا ەنگىزىلۋى قۋانتارلىق جاي بولىپ وتىر. سارىسۋ اۋدانىندا دا جۇمىس ساپارىمەن بولعان بەردىبەك ساپارباەۆ مۇنداعى ءتۇيىندى ماسەلەلەرگە كوڭىل ءبولىپ، بۇگىندە ولاردىڭ وڭ شەشىلۋىنە ىقپال ەتىپ وتىر. بۇل رەتتە اۋدان تۇرعىندارى ءوڭىر اكىمىنە ريزاشىلىعىن بىلدىرۋدە.

  «بەردىبەك ماشبەك ۇلى سارىسۋ اۋدانىنا ءىسساپارى كەزىندە وسىنداعى جۇرتپەن كەزدەسىپ، ۇسىنىس-تىلەكتەرىن تىڭداعان بولاتىن. اللاعا شۇكىر دەيىك، مەملەكەتتىڭ قاراپايىم حالىققا جاساپ وتىرعان جاعدايى كوپ. بىراق سونىڭ ىشىندەگى ۇزاق جىلدان بەرى شەشىمىن تاپپاي كەلە جاتقان ماسەلە – كەزىندە تولىققاندى جۇمىس ىستەپ تۇرعاندا اۋدان حالقىنىڭ دەنساۋلىعىنا اراشا بولعان ساۋداكەنت اۋىلدىق اۋرۋحاناسى 1987 جىلى پايدالانۋعا بەرىلگەننەن كەيىن جوندەۋ كورمەگەن ەكەن. بەردىبەك ساپارباەۆ وبلىسقا اكىم بولىپ تاعايىندالعان سوڭ ءبىزدىڭ اۋدانعا ساپارى كەزىندە وسى اۋرۋحانانىڭ قازىرگى پايدالانىپ وتىرعان بولىگىن كۇردەلى جوندەۋدەن وتكىزىپ، جىلۋ جۇيەسىن جاڭارتۋ ماسەلەسىن كوتەرگەن حالىقتىڭ ۇنىنە قۇلاق استى. اۋىل تۇرعىندارىنىڭ اكىمگە ريزاشىلىعىن بىلدىرەدى»، دەيدى ساۋداكەنت اۋىلىنىڭ تۇرعىنى ورىنتاي دۇيسەنوۆ.

  ال، جىل ساناپ جاڭارىپ كەلە جاتقان اۋدان ورتالىعى – جاڭاتاس قالاسى ءۇشىن تۇرعىن ءۇي ماسەلەسى كۇن تارتىبىنەن تۇسپەيتىن ماسەلەلەر قاتارىندا ەدى. سەبەبى، جۇمىس سانى ارتقان سايىن ادام سانى دا كوبەيىپ، تۇرعىن ءۇي كەزەگى ارتۋدا. الەۋمەتتىك جاعىنان از قامتىلعان جانە جىلدار بويى پاتەر كەزەگىندە تۇرعان كوپبالالى وتباسىلاردى باسپانالى ەتۋ – بۇگىنگى باستى ماقسات. وسى ورايدا، جارتى عاسىرلىق تاريحى بار قالادا مەملەكەتتىك باعدارلامالار اياسىندا كوپقاباتتى تۇرعىن ۇيلەر قايتا جاڭعىرتىلىپ، ولاردى پايدالانۋعا بەرۋ جىلدان-جىلعا ىسكە اسىپ كەلە جاتقان جۇيەلى جۇمىستاردىڭ ءبىرى. بۇگىنگى تاڭدا كوممۋنالدىق مەنشىكتەگى تۇرعىن ۇيلەردەن پاتەر الۋ كەزەگىندە جالپى سانى 1586  ادام تىزىمدە تۇر. قازىرگى كەزدە اتالعان ماسەلەنى شەشۋ، تۇرعىنداردى، اسىرەسە جاعدايى تومەن وتباسىلار مەن مۇمكىندىگى شەكتەۋلى ازاماتتاردى تۇرعىن ۇيمەن قامتۋ ءۇشىن بارلىق مۇمكىندىكتەر قاراستىرىلۋدا. بۇل جاڭاتاس قالاسىنىڭ تۇرعىندارى ءۇشىن قۋانارلىق جاعداي. جامبىل وبلىسىنىڭ اكىمى بەردىبەك ساپارباەۆ اۋدانعا كەلگەن جۇمىس ساپارى كەزىندە تۇرعىندار اكىمنەن قالاداعى بوس تۇرعان ۇيلەردى قالپىنا كەلتىرۋ جۇمىستارىن جالعاستىرۋعا ىقپال ەتۋدى سۇراعان بولاتىن. بەردىبەك ساپارباەۆ  قالا تۇرعىندارىنىڭ تىلەگىن تىڭداپ، ماسەلەنى شەشۋ ءۇشىن جوسپارعا قوسقان ەدى. ناتيجەسىندە بيىل قالپىنا كەلتىرىلەتىن 2 شاعىن اۋدانداعى 90 پاتەرلىك 24 جانە 26 ۇيلەرگە جوندەۋ جۇمىستارى جۇرگىزىلەدى. ەگەر ەكى ءۇي قالپىنا كەلتىرىلسە، كەزەكتە تۇرعان 180 وتباسى باسپانالى بولادى. جاڭاتاستىق تۇرعىندار وبلىس اكىمىنە دەگەن العىسىن جەتكىزۋدە. «جاڭاتاس قالاسىنداعى قالپىنا كەلتىرۋگە جارايتىن ۇيلەر جىلدان جىلعا جەرگىلىكتى، وبلىستىق جانە رەسپۋبليكالىق بيۋدجەتتەن بولىنگەن قارجىعا جوندەلىپ، وسىنداعى كەزەكتە تۇرعان حالىققا بەرىلۋدە. بۇل جەرگىلىكتى حالىققا ۇلكەن ءۇمىت جانە سەنىم سىيلايدى. بەردىبەك ساپارباەۆتىڭ اقپان ايىنداعى اۋدانعا ساپارى كەزىندە مەن ول كىسىگە كوپبالالى انا رەتىندە قالاداعى كوپقاباتتى ۇيلەردى جوندەۋ جۇمىستارىن جالعاستىرۋ تۋرالى ۇسىنىس بىلدىرگەن ەدىم. راحمەت، ءسوزىمىز جەردە قالماپتى. اكىمگە العىسىمىز شەكسىز. بيلىكتىڭ حالىقپەن ەتەنە جۇمىس جاساۋى مەملەكەت باسشىسى قاسىم-جومارت كەمەل ۇلىنىڭ ساليقالى ساياساتى دەپ بىلەمىز»، دەيدى جاڭاتاس قالاسىنىڭ تۇرعىنى، كوپبالالى انا نۇرسايا ەسجانوۆا.

 

جامبىل وبلىسى

 

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار