ايماقتار • 08 ءساۋىر، 2020

Covid -19 جۇقتىرعان العاشقى اقتوبەلىك ساۋىعىپ كەلەدى

30 رەتكورسەتىلدى

وسىعان دەيىن حابارلاعانداي، بيىلعى 2020 جىلدىڭ 22 ناۋرىزى كۇنى ۆەنادان شىعىپ، يسپانيادا وزگە ۇشاققا اۋىسىپ وتىرعان اقتوبەلىك قىز كوروناۆيرۋس ينفەكتسياسىن جۇقتىرعان ەدى.

اقتوبە اسپانىنان تومەن تۇسكەن كەزدە ودان دەرەۋ اناليز الىنىپ، تەست ناتيجەسى وڭ ناتيجە كورسەتكەنى ءمالىم. سودان سوڭ اقتوبەلىك قىز دەرەۋ پروۆيزورلىق گوسپيتالعا جەتكىزىلدى. سول كۇننەن بەرى ۆيرۋس قاۋپىن جويۋعا جانە سيمپتوماتيكالىق ەم الۋعا قاتىستى كەشەندى شارالار بەلگىلەندى. ايتسە دە ەكىنشى قايتارا الىنعان اناليز دە جاقسى ناتيجە بەرە المادى.  وسى ەكى ارادا 16 كۇن ارتتا قالىپتى.

تەك ون جەتىنشى كۇنى عانا اۋرۋحاناعا ەڭ العاش كوروناۆيرۋس  جۇقتىرىپ تۇسكەن پاتسيەنتتىڭ جاي-كۇيى جاقسارا باستادى. ول ۇيىنە ءساۋىردىڭ 7-ءى كۇنى دەنساۋلىعىنا قوياتىن ايتارلىقتاي تالاپ-تىلەگى جوق، قاناعاتتانارلىق جاعدايدا شىعارىلدى. الداعى ۋاقىتتا ونىڭ اعزاسىنداعى وزگەرىستەردى تۇرعىلىقتى جەرى بويىنشا تىركەلگەن ەمحانا دارىگەرلەرى باقىلايتىن بولادى دەدى بۇل جونىندە وبلىستىق دەنساۋلىق ساقتاۋ باسقارماسىنىڭ باسشىسى اسەت قاليەۆ.

ءوڭىردىڭ باس دارىگەرىنىڭ مالىمدەۋىنە قاراعاندا، قازىرگى كۇنى وبلىس ورتالىعىنداعى ينفەكتسيالىق، پروۆيزورلىق جانە كارانتيندىك گوسپيتالدارعا 226 ادام ورنالاستىرىلعان. ءۇي كارانتينى بويىنشا 763 ادام ەسەپكە الىنعان. كۆي جۇقتىرعان 11 اقتوبەلىك وقشاۋلانىپ، ينفەكتسيالىق اۋرۋحانا بازاسىنداعى ارنايى جابدىقتالعان پالاتا-بوكستاردا جاتقىزىلعان. مۇنىڭ ىشىندە 9 ناۋقاستىڭ جاعدايى قاناعاتتانارلىق. بىرەۋى ورتاشا دەڭگەيدە جانە بىرەۋىنىڭ جاي-كۇيى اۋىر دەپ باعالانىپ وتىر.

 

اقتوبە

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار