قوعام • 08 ءساۋىر، 2020

بىرلىك پەن ەڭبەك قيىندىقتى جەڭبەك

84 رەتكورسەتىلدى

قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ «Egemen Qazaqstan» گازەتىندە جارىق كورگەن «بىرلەسە بىلگەن ەل ءبارىن جەڭەدى» اتتى ماقالاسى جەتىسۋلىق اعايىنداردى دا بەيجاي قالدىرمادى.

الەمدى شارپىعان جۇقپالى ىندەتتىڭ سالماعى ءبىزدىڭ ەلىمىزگە دە وڭاي تيمەدى. وسى سىندارلى شاقتا ەلباسىنىڭ ەلگە باسۋ ايتىپ، تىعىرىقتان شىعار جول كورسەتىپ، تۇتاس قازاقستاندىقتاردى مەملەكەت تىزگىنىن ۇستاعان پرەزيدەنت قاسىم-جومارت توقاەۆتى ءبىر كىسىدەي قولداۋعا شاقىرۋى الماتى وبلىسىنىڭ ات ۇستىندەگى تۇرعىندارى تولقىتتى دەسە بولعانداي. بۇگىندە ايماقتا توتەنشە جاعداي تالابىنا ساي ىندەتتىڭ الدىن الۋ مەن سالدارىن جويۋعا قاتىستى كەشەندى جۇمىس جۇزەگە اسىپ جاتىر. مىسالعا، كوروناۆيرۋسپەن كۇرەسۋگە جۇمىلعان جەتىسۋلىق دارىگەرلەر ەڭبەگىن باعالاۋدىڭ جاڭا شاراسى جاسالدى. بۇل باعىتتاعى جۇمىستار كوروناۆيرۋس ينفەكتسياسىمەن كۇرەسكە تارتىلعان مەديتسينا ماماندارىمەن قوسا، قۇقىق قورعاۋ سالاسىنىڭ قىزمەتكەرلەرىنە سىياقى بەرۋ ماسەلەسىن دە قاراستىرادى. وسى ماقساتتا جۇمسالاتىن قارجى كوزىن ەسەپتەۋ الماتى وبلىسىندا دا جۇرگىزىلۋدە. وڭىردەگى  دارىگەرلەر مەن ءتارتىپ ساقشىلارىن قارجىلاي قولداۋ ءۇشىن وبلىستىق بيۋدجەتتەن 137 ملن تەڭگە بولىنەدى.

- قازىرگى تاڭدا كوروناۆيرۋس جۇقتىرعانداردىڭ قاسىندا كۇنى-ءتۇنى مەديتسينا قىزمەتكەرلەرى ءجۇر. ولار ءوز ومىرلەرىنە قاۋىپ تونسە دە، انتىنان اتتاماي، سىرقاتتاردى ساۋىقتىرۋ ءۇشىن بارلىق قاجىر-قايراتتارىن جۇمساۋدا. حالىق تا اقجارما العىسىن جەتكىزىپ، دارىگەرلەرگە قولداۋ كورسەتۋدە. بۇل دا بىرلىك پەن بەرەكەنىڭ ءبىر كورىنىسى دەپ بىلەمىن. ەلباسى دا ءوز ماقالاسىندا كەز كەلگەن تىعىرىقتان شىعۋدىڭ جولى تاتۋلىقتا جاتقاندىعىن، تاۋەلسىز تاريحىمىزدىڭ ءار تارماعىنا زەر سالساق ۇيىمشىلدىقتىڭ ارقاسىندا تالاي بەلەستەردى باعىندىرعانىمىزدى كورسەتتى. ال بۇگىنگى توتەنشە جاعدايدا تاتۋلىق تارازىسىنىڭ تەڭسەلمەۋى ەڭ الدىمەن حالىقتىڭ سابىرلىعى مەن توزىمدىلىگىنە بايلانىستى بولماق،-دەيدى الاكول اۋداندىق ورتالىق اۋرۋحاناسىنىڭ ديرەكتورى اسحات  بۇتاباەۆ.

سونداي-اق، وڭىردە كوكتەمگى جالا جۇمىستارى قىزۋ ءجۇرىپ جاتىر. بۇل ەرتەڭگى كۇننىڭ قامىن كۇيتتەگەن شارۋالاردىڭ ەرەن ەڭبەگىنىڭ ءبىر كورىنىسى. ياعني، جەتىسۋ ەڭبەككەرلەرى داعدارىستى ەڭسەرۋگە ناقتى ىسپەن جاۋاپ قاتىپ وتىر. ارينە، مەملەكەتتىڭ قولداۋىمەن. وبلىستا شارۋاشىلىقتاردى قولداۋ ماقساتىندا 2011 جىلدان بەرى جالپى سانى 45 سەرۆيستىك-دايىنداۋ ورتالىعى قۇرىلعان. ورتالىقتا جىل سايىن 850-900 شاعىن جانە ورتا ساناتتاعى  شارۋا قوجالىقتارىنا قىزمەت كورسەتىپ، اۋداندارداعى 28 00 گەكتار ەگىس القابىن وڭدەۋگە ۇلەس قوسىپ وتىر ەكەن.

- «بىرلىك بار جەردە، تىرلىك بار» دەگەندەي، ءبىز بىرىكسەك باعىندىرمايتىن بەلەس پەن الىنبايتىن قامال جوق. ەلباسى ەلى مەن جۇرتىنىڭ بۇگىنى مەن كەلەشەگىن ويلايتىن جاناشىر ازامات ەكەنىن بارىمىزگە بەلگىلى. اۋىل شارۋاشىلىعىن قولداپ، كاسىپكەرلەرگە بارلىق جاعىنان جاعداي جاسادى. ءبىز دە ەلباسى ۇندەۋىنە ءۇن قوسىپ، ەلىمىزگە قولدان كەلگەنشە كومەك قولىن سوزۋدامىز. ءبىز بىرگەمىز،- دەيدى اقسۋ اۋدانىنداعى «دارينا» شارۋا قوجالىعىنىڭ يەسى باۋىرجان بايمۇحانوۆ.

جەتىسۋلىقتاردىڭ اۋىز بىرلىگىن كورسەتەتىن ءبىر مىسالدى ء«بىز بىرگەمىز» اكتسياسى اياسىندا جاسالعان قايىرىمدىلىق ىستەرىنەن ايتۋعا بولادى. اسىرەسە، جاستاردان قۇرالعان ۆولونتەرلەر توبى توتەنشە جاعدايدا جۇمىس ىستەۋگە كوشكەن بولاتىن. قازىر وبلىستاعى 17 اۋدان مەن 3 قالادا قايىرىمدىلىق شارالارى توقتاۋسىز ءجۇرىپ جاتىر. جاستار بۇگىنگە دەيىن مىڭنان استام ارنايى اكتسيا ۇيىمداستىرىپ ۇلگەرگەن. ء«بىز بىرگەمىز» اكتسياسى باستاۋ العالى ايماقتاعى مىڭداعان مۇقتاج جانعا تەگىن كومەك كورسەتىلدى. ىزگى ىسكە العاشقى بولىپ قولداۋ بىلدىرگەندەر قاتارىندا ءوڭىر كاسىپكەرلەرىنىڭ ۇلكەن شوعىرى تۇر. قازىر دە ولار از قامتىلعان وتباسىلاردى ازىق-ت ۇلىك تاۋارلارىمەن تەگىن قامتاماسىز ەتۋدە.

- ءبىزدىڭ تاريحىمىزدا قاسىرەتتى ساتتەر مەن قايعىلى وقيعالار، سۇراپىل سوعىستار مەن قاقتىعىستار، الەۋمەتتىك تۇرعىدان قاۋىپتى سىناقتار مەن ساياسي قۋعىن-سۇرگىندەر از بولمادى. مۇنى ۇمىتۋعا حاقىمىز جوق. ءبىزدىڭ قايسار حالىق نە ءبىر زۇلمات زاماندى باستان وتكەرگەندە سىنبادى، كەرىسىنشە بىرلىگى بەكەمدەلدى، ىرگەسى نىعايدى، اۋىرلىقتى بىرگە كوتەردى. «تار جول تايعاق كەشۋدە» اياعىنان تابانداپ تىك تۇرعان ەل بولسا، ول ءبىز ەدىك. وتكەنىن ماقتان تۇتىپ، بۇگىنىن ناقتى باعالاي ءبىلۋ جانە بولاشاققا وڭ كوزقاراس تانىتۋ – ەلىمىزدىڭ تابىستى بولۋىنىڭ كەپىلى. الەمدىك وركەنيەتتىڭ ۇزدىك جەتىستىكتەرىن، باسقا حالىقتاردىڭ رۋحاني قازىنالارىن بويىمىزعا ءسىڭىرۋ قانشا ماڭىزدى بولسا، ءبىزدىڭ ارقايسىمىز ءوزىمىزدىڭ  تەرەڭ تامىرىمىز – تۋعان جەرىمىز تۋرالى ەستە ۇستاپ، قاي ەلدىڭ ازاماتتارى ەكەنىمىزگە ەسەپ بەرۋىمىز قاجەت. بۇل ورايدا، بىزگە ۇلكەن جۇمىستار جۇكتەلەدى. ونى ابىرويمەن اتقارۋ ءبىزدىڭ باستى مىندەتىمىز، - دەيدى الماتى وبلىسى اكىمى اپپاراتىنىڭ ادەپ جونىندەگى ۋاكىلى عالياسقار سارىباەۆ.

 

الماتى وبلىسى

 

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار