قوعام • 08 ءساۋىر، 2020

Antikor.Live جوباسى تج كەزىندە كاسىپكەرلەردىڭ قۇقىعىن قورعايدى

38 رەتكورسەتىلدى

«ANTIKOR.LIVE» جوباسى اياسىنداعى ونلاين بريفينگ بارىسىندا سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتىنىڭ ءبىرىنشى ورىنباسارى تالعار سەرىكباەۆ پەن قالالىق كاسىپكەرلەر پالاتاسى ديرەكتورىنىڭ ورىنباسارى قايرات اكەنوۆ توتەنشە جاعداي كەزىندە جەرگىلىكتى كاسىپكەرلەردىڭ قۇقىقتارىن قورعاۋ شارالارىنا توقتالدى.

دەپارتامەنت باسشىسىنىڭ ءبىرىنشى ورىنباسارى ت.سەرىكباەۆ سىبايلاس جەمقورلىققا قارسى قىزمەتپەن كاسىپكەرلەردى سىبايلاس جەمقورلىققا قارسى سۇيەمەلدەۋگە، ولاردى بيزنەستى جۇرگىزۋ كەزىندەگى اكىمشىلىك كەدەرگىلەردەن قورعاۋعا باعىتتالعان «Protecting Business and Investments» (بيزنەس پەن ينۆەستورلاردى قورعاۋ) جوباسى جۇزەگە اسىرىلىپ وتىرعاندىعىن جەتكىزدى.

«بۇگىندە دەپارتامەنتپەن جالپى سوماسى 60 ملرد. تەڭگەگە جۋىق 30 جوبانى سۇيەمەلدەۋ جۇزەگە اسىرىلۋدا. ءبىز ءاربىر جوبانى تەرەڭىنەن قاراستىرۋدامىز جانە بيزنەسكە زاڭسىز اكىمشىلىك قىسىم جاسالعان جاعدايدا، ءبىزدىڭ تاراپىمىزدان ءتيىستى شارالار قابىلدانۋدا»،- دەدى تالعار سەرىكباەۆ.

سىبايلاس جەمقورلىققا قارسى سۇيەمەلدەۋگە الۋدىڭ باستى شارتى مەملەكەتىمىزدىڭ اۋماعىندا ادال جانە پاراساتتى بيزنەستى جۇرگىزۋ بولىپ تابىلادى.

سونىمەن قاتار، ول كاسىپكەرلەر تاراپىنان تۋىنداعان ماسەلەلەر «اتامەكەن» ۇكپ-نىڭ قالالىق فيليالىمەن تىعىز قارىم-قاتىناستا شەشىلىپ جاتقاندىعىن حابارلادى.

ءوز كەزەگىندە، كاسىپكەرلەر پالاتاسى ديرەكتورىنىڭ ورىنباسارى قايرات اكەنوۆ توتەنشە جاعدايدا كاسىپكەرلەردىڭ قۇقىقتارىن قورعاۋ بويىنشا قابىلدانىپ جاتقان شارالارعا، اتاپ ايتقاندا شاعىن جانە ورتا بيزنەس سالاسىندا سالىق سالۋ بويىنشا ەگجەي-تەگجەيلى تۇسىنىك بەردى.

«اكىمشىلىك توسقاۋىلدار نەمەسە كارانتين كەزەڭىندە بيزنەستى جۇرگىزۋگە بايلانىستى باسقا دا ماسەلەلەر تۋىنداعان كەزدە «اتامەكەن» ۇكپ-عا حابارلاسۋلارىڭىزدى سۇرايمىز»، – دەدى قايرات اكەنوۆ.

سونداي-اق، قالالىق سىبايلاس جەمقورلىققا قارسى قىزمەتى ازاماتتار مەن كاسىپكەرلەر سىبايلاس جەمقورلىق فاكتىلەرىنە تاپ بولسا، 1424 Call-ورتالىعىنا حابارلاۋ قاجەتتىگىن جەتكىزدى.

 

شىمكەنت 

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار