قازاقستان • 08 ءساۋىر، 2020

قورعانىس ونەركاسىبى كاسىپورىندارى مەديتسينالىق بۇيىمدار شىعارۋدى يگەرۋدە

11 رەتكورسەتىلدى

بۇدان بۇرىن حابارلانعانداي، ەلىمىزدىڭ قورعانىس ونەركاسىبى كاسىپورىندارى CوVID-19 كوروناۆيرۋستىق ينفەكتسياسىنىڭ تارالۋىن جويۋعا باعىتتالعان جالپى مەملەكەتتىك ءىس-شارالارعا جۇمىلدىرىلعان دەپ حابارلادى يدم ءباسپاسوز قىزمەتى.

بىرقاتار ءوندىرىس توتەنشە جاعداي شەڭبەرىندە وتكىزىلەتىن ءىس-شارالارعا قاجەتتى بۇيىمدار مەن قۇرىلعىلاردى - اۆتوموبيل كەدەرگىلەرى، توننەل دەزاكتيۆاتورلارى، مەديتسينالىق بەتپەردەلەر، انتيسەپتيكتەر جانە باسقا دا بۇيىمدار شىعارۋدى جولعا قويدى.

مەديتسينالىق بۇيىمداردى (رەسپيراتورلار، پلاستيكالىق بەتپەردەلەر، تىنىس الۋ قۇرىلعىلارىنىڭ ۇشتىقتارى مەن تۇتىكتەرى، مەديتسينالىق ۇستاعىشتار جانە ت.ب.) ءوندىرۋ ءۇشىن 3D پرينتەرلەردى پايدالانۋدىڭ الەمدىك تاجىريبەسىن ەسكەرە وتىرىپ، «الماتىەنەرگوسەرۆيس» جشس كاسىپورنىنىڭ ونەركاسىپتىك مۇمكىندىكتەرى ىسكە قوسىلدى. بۇيىمداردىڭ سىنامالىق پارتياسى مەديتسينالىق ماماندارعا سىناۋعا بەرىلدى.

جىلجىمالى مەديتسينالىق زەرتحانالار مەن باكتەريولوگيالىق جابدىقتارمەن جانە مەديتسينالىق ينفراقۇرىلىممەن جابدىقتالعان تەز تۇرعىزىلاتىن مەديتسينالىق مودۋلدىك كەشەندەردىڭ وتكىزگىشتىگى جوعارى جۇك اۆتوموبيلدەرى بازاسىندا دايىنداۋ ءۇشىن تاكتيكالىق-تەحنيكالىق تاپسىرمالار ازىرلەنۋدە. «كاماز-ينجينيرينگ» اق مەن «ميديۆيسانا-ينجينيرينگ» اق كاسىپورىندارى وندىرىسكە كىرىسەدى.

كوروناۆيرۋسقا بايلانىستى قالىپتاسقان جاعدايدا كوكشەتاۋداعى «تىنىس» اق زاۋىتىنىڭ ونىمدەرى – وكپەنى جاساندى جەلدەتۋدىڭ ءموبيلدى اپپاراتتارىنا سۇرانىس ارتتى. ءوجج اپپاراتتارىن شىعارۋدى ارتتىرۋ ماقساتىندا تاۋلىك بويى ءوندىرىس جۇمىسى ۇيىمداستىرىلدى.

«تىنىس» اق كاسىپورنىنىڭ «پەتروپاۆل اۋىر ماشينا جاساۋ زاۋىتى» اق جانە «س.م. كيروۆ اتىنداعى زاۋىت» اق ءوندىرىستى وقشاۋلاۋ ەسەبىنەن ءوجج اپپاراتىنىڭ قۇرامىنا كىرەتىن توراپتار مەن بولشەكتەردىڭ 498 بىرلىگى شىعارىلادى.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار