قوعام • 08 ءساۋىر، 2020

«ازىرەت سۇلتان» مەشىتى 80 وتباسىعا ازىق-ت ۇلىك تاراتتى

13 رەتكورسەتىلدى

رەسپۋبليكالىق «ازىرەت سۇلتان» مەشىتىنىڭ ۇيىمداستىرۋىمەن ەلوردامىزداعى مۇقتاج وتباسىلارعا جاردەم كورسەتىلدى. مەشىت قىزمەتكەرلەرىنىڭ ۇيىتقى بولۋىمەن «Gentelmen’s club» بەلسەندىلەر توبى يگى شاراعا اتسالىسىپ، 80 وتباسىعا ازىق-ت ۇلىك قورى جانە دە مەديتسينالىق بەتپەردەلەر تاراتىلدى، دەپ حابارلادى muftyat.kz سايتى.

ەل باسىنا كۇن تۋعان قىسىلتاياڭ شاقتا ەلىمىزدەگى قۇلشىلىق وردالارى قايىرىمدىلىق شارالارىن بارىنشا كۇشەيتىپ، مۇقتاج جاندارعا مەيلىنشە جاقىن بولۋعا تىرىسىپ كەلەدى. بۇعان دەيىن دە قمدب نۇر-سۇلتان وكىلدىگىنىڭ قىزمەتكەرلەرى بىرنەشە مارتە دەمەۋشى جاماعاتتىڭ قولداۋىمەن قايىرىمدىلىق شارالارىن وتكىزگەن بولاتىن. قمدب جۇمىسىنىڭ نەگىزگى باعىتتارىنىڭ ءبىرى – قايىرىمدىلىق شارالارىن ۇيىمداستىرۋعا ەلىمىزدە جاريالانعان توتەنشە جاعداي رەجيمىنە وراي بۇرىنعىدان دا باسا ءمان بەرىلىپ وتىر.

قايىرىمدىلىق شاراسىنا قمدب توراعاسى، باس ءمۇفتي ناۋرىزباي قاجى تاعان ۇلىنىڭ باستاماسىمەن «ازىرەت سۇلتان» مەشىتىنىڭ باس يمامى ەربولات ءجۇسىپوۆ باستاعان ۇجىم بەلسەنە اتسالىسىپ، كەلۋشىلەرگە جىلى لەبىزدەرىمەن رۋحاني قولداۋ كورسەتۋگە تىرىستى. ايتا كەتەيىك، قايىرىمدىلىق شاراسى اياسىندا ءار كەلۋشىگە سالماعى 33 كەلى بولاتىن، 2 توننا 640 كگ-عا جۋىق كۇندەلىكتى تۇرمىس-تىرشىلىككە قاجەتتى ازىق-ت ۇلىك سومكەلەرى تاراتىلدى.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

ۇقساس جاڭالىقتار