قازاقستان • 08 ءساۋىر، 2020

ەگىس ناۋقانىنا بولىنگەن 70 ملرد تەڭگەنىڭ باسىم بولىگى شارۋالارعا بەرىلدى

69 رەتكورسەتىلدى

مەملەكەت باسشىسى اگرارلىق سالانى قارجىلاندىرۋ باسىم باعىتتاردىڭ ءبىرى ەكەنىن ايتىپ، قازاگرو حولدينگىنە جانە ونىڭ ەنشىلەس ۇيىمدارىنا ءتيىستى مىندەتتەر جۇكتەگەنى بەلگىلى. بۇل باعىتتا ناقتى قانداي جۇمىستار اتقارىلىپ جاتقانى تۋرالى «قازاگرو» حولدينگى» اق  باسقارما توراعاسى ەربول قاراشوكەەۆ ايتىپ بەردى.

̶  قاسىم-جومارت توقاەۆ 31 ناۋرىزداعى مالىمدەمەسىندە كوكتەمگى ەگىس جۇمىستارىن جۇرگىزۋ ءۇشىن 70 ملرد تەڭگە جانە «قاراپايىم زاتتار ەكونوميكاسى» باعدارلاماسى اياسىندا قوسىمشا 100 ملرد تەڭگە ءبولۋدى تاپسىردى. ەل پرەزيدەنتىنىڭ بۇل جاساعان ۇندەۋى ەلدەگى شارۋالارعا جىگەر سىيلاپ وتىرعانى انىق،  ̶  دەيدى باسقارما توراعاسى.

ونىڭ ايتۋىنشا، وڭتۇستىك وڭىرلەردە كوكتەمگى ەگىس جۇمىستارى باستالىپ كەتتى. ورتالىق جانە سولتۇستىك ايماقتار دايىندىق شارالارىنا كىرىسىپ، تەحنيكالارىن تۇگەندەپ وتىرعان جايى بار.

وسى ورايدا، ەڭ باستىسى فەرمەرلەردىڭ الدىمەن قارجىعا تەز جانە وڭاي قول جەتكىزىلۋىن ەسكەرىپ، «قازاگرو» حولدينگىنىڭ ەنشىلەس ۇيىمى «اگرارلىق نەسيە كورپوراتسياسى» اق ارقىلى فەرمەرلەردىڭ جەڭىلدەتىلگەن نەسيە الۋىنا ۇلكەن وزگەرىستەر جاسادى. ماڭىزدى شەشىمنىڭ ءبىرى، كورپوراتسيا ءوز فيليالدارىنىڭ دەربەس شەشىم قابىلداۋ ليميتتەرىن (200 ملن.تەڭگەگە دەيىن) ۇلعايتىپ، نەسيەلىك كوميتەتتەردىڭ قاشىقتان جيىن وتكىزۋ، قۇجاتتار مەن تولەم قۇجاتتارىنا قاشىقتان قول جەتكىزۋ تاجىريبەسى ەنگىزىلدى. بۇل دەگەنىڭىز، ەلدەگى توتەنشە جاعداي رەجيمى وتىنىمدەردى قاراۋ مەن نەسيە بەرۋ پروتسەسستەرىنە كەرى اسەر ەتپەيدى دەگەن ءسوز. بۇگىنگى تاڭدا «قازاگرو» مەن ونىڭ ەنشىلەس ۇيىمدارىنىڭ ۇزدىكسىز جۇمىس ىستەۋدە.

̶ تاعى ءبىر ماڭىزدى شەشىم، بۇل كەپىلدىك ساياساتىنا قاتىستى. ەلىمىزدە ەنگىزىلگەن توتەنشە جاعدايعا قاراماستان كەپىل شارتتارىن جەڭىلدەتىپ، نەسيە الۋشىلار تاپسىراتىن قۇجاتتار ءتىزىمىن ازايتتىق. نەسيەنىڭ سىياقى مولشەرى مەن شەشىم قابىلداۋ مەرزىمى قىسقارتتىق، جالپى، بيزنەس-پروتسەستەردى وڭتايلاندىرۋ ءۇشىن جان-جاقتى شارالار قابىلداندى. شارۋالاردىڭ قارجىعا قول جەتكىزۋىن جەڭىلدەتۋ ءۇشىن كەپىل ساياساتىنىڭ شارتتارى جاقسارتىلدى. بۇل وتىمدىلىك كوەففيتسيەنتتەرىنىڭ ناقتى ستاۆكالارىن انىقتاۋعا مۇمكىندىك بەردى. كەز كەلگەن جىلجيتىن جانە جىلجىمايتىن م ۇلىك كەپىل رەتىندە قابىلدانادى. اتاپ ايتقاندا،  جەر ۋچاسكەلەرى، ۇزاق مەرزىمدى جەر پايدالانۋ قۇقىعى، جابدىقتار، اۋىل شارۋاشىلىعى تەحنيكاسى، مال جانە م ۇلىكتەردىڭ باسقا دا تۇرلەرىن كەپىلدىككە قويۋعا بولادى،  ̶  دەدى ە. قاراشوكەەۆ.

قازىر قالالاردا كوپ ۇيىمدار قاشىقتىقتان جۇمىس جاساۋ فورماتىنا ءوتتى. كۇنى-ءتۇنى ەگىن القاپتارىندا جۇرەتىن شارۋالار قاشىقتان جۇمىس جاساۋى مۇمكىن ەمەس.  «قازاگرو» حولدينگى» اق باسقارما توراعاسىنىڭ ايتۋىنشا، كارانتين جاعدايىندا دا  حولدينگ پەن ەنشىلەس ۇيىمدار جانە فيليالدار وتىنىمدەردى قاراۋ جانە شەشىم قابىلداۋ جۇمىسىن ۇزدىكسىز جالعاستىرادى. وسىلايشا، كاسىپكەرلەردىڭ نەسيە قارجىسىنا جىلدام قول جەتكىزۋىن بارىنشا قامتاماسىز ەتىلەدى.

ماڭىزدىسى، دەر كەزىندە قولعا الىنعان قارجىلاندىرۋ جۇمىستارى كوكتەمگى ەگىس ناۋقانىن ۋاقىتىندا باستاۋعا مۇمكىندىك بەردى. «كەڭ دالا» باعدارلاماسى بويىنشا بيىل نەسيەلەۋ سوماسى ارقىلى 3 ملن گەكتار ەگىس القابىن قارجىلاندىرۋ كوزدەلگەن. اتالعان باعدارلاما ناتيجەسىندە 2،4 مىڭنان استام اۋىل شارۋاشىلىعى تاۋارىن وندىرۋشىلەر ء(اشتو) جەڭىلدەتىلگەن نەسيەلەرگە قول جەتكىزەدى. بۇگىنگى كۇنى كوكتەمگى ەگىس ناۋقانىنا باعىتتالعان 70 ملرد تەڭگەنىڭ باسىم بولىگى شارۋالارعا بەرىلدى.

̶ بۇدان بولەك، مەملەكەت باسشىسىنىڭ تاپسىرماسىنا سايكەس، «قاراپايىم زاتتار ەكونوميكاسى» باعدارلاماسى اياسىندا سالانى قارجىلاندىرۋعا قوسىمشا قاراجات تا قاراستىرىلعانى بەلگىلى. ياعني، بولىنگەن 100 ملرد تەڭگە ەلدەگى ەگىس القاپتارىنداعى وڭدەۋ، سەبۋ جانە جيناۋ جۇمىستارىن جۇرگىزۋگە باعىتتالادى. «قازاگرو» ۇبح قۇرىلىمىنداعى كومپانيالاردان نەسيە الۋشىلار ءۇشىن جىلدىق سىياقى مولشەرلەمەسى 6%-دان اسپايتىنىن مەملەكەت باسشىسى ۇندەۋىندە ايتىپ ءوتتى، ̶  دەدى ە. قاراشوكەەۆ.

 

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار