قازاقستان • 08 ءساۋىر، 2020

وتاندىق ءونىم اراب əمىرلىكتەرىنە ەكسپورتتالدى

33 رەتكورسەتىلدى

22 توننا ەت (قوي جانە سيىر ەتى) بىرىككەن اراب امىرلىكتەرىنە ەكسپورتتالدى. بۇل تۋرالى ساۋدا جəنە ينتەگراتسيا مينيسترلىگى حابارلايدى.

ساۋدا جانە ينتەگراتسيا مينيسترلىگى بىرىككەن اراب امىرلىكتەرىنىڭ ەلشىلىگىمەن بىرلەسىپ العاشقى ەكسپورتتىق اۆياەكسپرەسس ۇيىمداستىردى.

اۆياەكسپرەسسپەن ابۋ-دابيگە قازاقستاندا وندىرىلگەن قوي ەتى (12 توننا) جانە سيىر ەتى (10 توننا) سالقىنداتىلعان تۇردە جونەلتىلدى.

قازاقستاندىق ەت وندىرۋشىلەر بىرىككەن اراب امىرلىكتەرىنىڭ نارىعىن يگەرۋگە تىرىسۋدا، وندا ءبىزدىڭ ونىمدەرىمىزدىڭ ەكولوگيالىق جانە دامدىك ساپاسى جوعارى باعالانادى. الايدا لوگيستيكانىڭ كۇردەلىلىگى، سونداي-اق يىۇ (يسلام ىنتىماقتاستىعى ۇيىمى) ەلدەرىنىڭ ستاندارتتاۋ جانە مەترولوگيا ينستيتۋتى قابىلداعان «حالال» ستاندارتى نەگىزىندە ونىمگە سايكەستىكتى راستاۋ راسىمدەرىنىڭ ۇزاقتىعى قازىرگى ۋاقىتقا دەيىن اراب نارىعىنا شىعۋعا ەلەۋلى كەدەرگى بولدى.

«قازاقستاندىق ەت ءباا-ءنىڭ بارلىق ءىرى ساۋدا جەلىلەرىنە جەتكىزىلەدى: لۋلۋ، كارفۋر، يۋنيون كووپەراتسياسى جانە باسقالارى»،  ̶  دەدى بىرىككەن اراب امىرلىكتەرىنىڭ قر-داعى توتەنشە جانە وكىلەتتى ەلشىسى موحامماد احماد ال-دجابەر.

قازاقستاندىق ەكسپورتتىق تاۋارلاردىڭ العاشقى اۆياەكسپرەسسى ءۇشىن كوروناۆيرۋسقا قارسى كۇرەس بويىنشا ەلدەرىمىزدىڭ بىرلەسكەن كۇش-جىگەرى اياسىندا ءباا-دەن گۋمانيتارلىق كومەك جۇگىن اكەلگەن ۇشاقتى پايدالانۋ شەشىلدى.

ساۋدا جانە ينتەگراتسيا مينيسترلىگى حابارلاعانداي، بۇعان دەيىن قازاقستاندىق ەتتى ەكسپورتقا تاسىمالداۋ ءۇشىن كوپ جاعدايدا تۇراقتى جولاۋشىلار رەيستەرى پايدالانىلدى (جۇك 2-3 توننا شاعىن پارتيامەن جونەلتىلدى).

ساۋدا جانە ينتەگراتسيا مينيسترلىگى سونداي-اق كارگو-رەيس تۋرالى شەشىم «جۇرە» قابىلدانعاندىقتان ەكسپورتتاۋشىلاردىڭ الدىندا پارتيانى بارىنشا قىسقا مەرزىمدە ۇيىمداستىرۋ بويىنشا قيىن مىندەت تۇرعانىن ءتۇسىندىردى: «وڭىرلەر مەن قالالار كارانتينگە جابىلعان جانە بارلىق جەردە بلوك-بەكەتتەر قويىلعان شارتتا 20 توننا ءونىم دايىنداۋ مەن جەتكىزۋدى ۇيىمداستىرا الدىق"،  ̶ دەپ حابارلادى قر سيم.

«ساۋدا جانە ينتەگراتسيا مينيسترلىگىنىڭ باسشىلىعىنا جانە مينيستر ب.ت. سۇلتانوۆقا جۇكتى الماتىدان نۇر-سۇلتانعا جونەلتۋ ءۇشىن تاسىمالداۋ پروتسەسىن باقىلاۋدا ۇستاعانى ءۇشىن ۇلكەن راحمەت. ولاردىڭ كۇش-جىگەرىنىڭ ارقاسىندا جول بويىندا «جاسىل» ءدالىز قامتاماسىز ەتىلدى»، - دەدى «وپتوگراد» جشس ديرەكتورى المات بەردەنوۆ. ول سونداي-اق اۋىل شارۋاشىلىعى مينيسترلىگىنە "بارلىق قاجەتتى رۇقساتتار مەن سەرتيفيكاتتاردى جىلدام ۇيىمداستىرعانى ۇشىن"ەرەكشە العىسىن ءبىلدىردى.

«جاۋاپتى قۇزىرلى باسشىلاردىڭ كومەگىنسىز قاتاڭ كارانتين جاعدايىندا ەكسپورتتىڭ ۇلكەن پارتياسىن ەكسپورتتاۋدى ۇيىمداستىرۋ مۇمكىن ەمەس بولار ەدى»، - دەپ تۇيىندەدى ەكسپورتتاۋشى.

قر ساۋدا جانە ينتەگراتسيا ءمينيسترى باقىت سۇلتانوۆ سيم بىرىككەن اراب امىرلىكتەرىنىڭ قر-داعى ەلشىلىگىمەن بىرلەسىپ قازاقستاندىق ەكسپورتتىق تاۋارلاردى ءباا-گە اپتا سايىنعى نەگىزدە جىبەرۋ ءۇشىن ازاماتتىق ۇشاقتاردى پايدالانۋ مۇمكىندىگى پىسىقتالىپ جاتقانىن حابارلادى. «كەلەسى رەيستەرگە دايىندىق كەزىندە كارانتين جاعدايىندا جۇكتەردى تاسىمالداۋدان الىنعان تاجىريبە پايدالانىلاتىنىن» قوسا ايتتى .

جالپى مينيسترلىكتىڭ جوسپارىندا وتاندىق تاۋارلاردى اۋە كولىگىمەن تاسىمالداۋدى ودان ءارى دامىتۋ بار.

وتاندىق ەكسپورتتاۋشىلار تاپ بولعان بەلگىلى ءبىر قيىندىقتارعا قاراماستان قر ساۋدا جانە ينتەگراتسيا مينيسترلىگى بارلىق جەردە قولداۋ كورسەتۋدە. بۇل وندىرۋشىلەر مەن ەكسپورتتاۋشىلارعا جۇمىس ورىندارىن ساقتاۋعا، تابىس الۋعا جانە تاۋاردىڭ كەزەكتى پارتياسىنا تاپسىرىستاردى ورنالاستىرۋعا مۇمكىندىك بەرەدى.

يندۋستريالىق-يننوۆاتسيالىق قىزمەت سۋبەكتىلەرىنىڭ وتاندىق وڭدەلگەن تاۋارلاردى ىلگەرىلەتۋ بويىنشا شىعىندارىنىڭ ءبىر بولىگىن وتەۋ قاعيدالارىنا، تاۋارلاردى ىلگەرىلەتۋ بويىنشا شىعىندار ءىشىنارا وتەلەتىن وتاندىق وڭدەلگەن تاۋارلار تىزبەسىنە سايكەس بارلىق كولىك تۇرلەرىمەن تاسىمالداۋعا ارنالعان ەكسپورتتاۋشىلاردىڭ بارلىق شىعىندارىنىڭ 50%-نا دەيىن وتەلەدى.

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار